البارحة جاني مـن الحـب مرسـال

مرسـال , مـن , الباردة , الحـب , جاني

البارحة جاني مـن الحـب مرسـال

البارحة جاني مـن الحـب مرسـال

من عقب ما بينـي وبينـه خصيمـة



وانا ترى في الحـب مانيـب فعّـال

ولا بعـد ولّـع بقلبـي هشيـــــمـة



ولا بعد غنّيت فـي ساعـة وصــــال

ولا بعد ذقـت الفـراق وجحيمـــــــة



ولا جرى دمعي على الخـد همّـال

ولابعـد جربـت مــرّ الهزيـمـــــــــــــة



حتى وردنـي تالـي الليـل جــــــوال

وانا على شاهي وبسكـوت ديمـة



الرقم بايخ لكـن الصـوت قتــــــــــال

كنه مثل صـوت المذيعـة حليمــــة



قالت مساء الخير يـا طيّـب الفــــال

قلـت ارحبـي ترحيبـةٍ مستديمــــة



بالعود والصفـري ودلـة وفنجــــــــــال

واجبك يا بنت الأصـول الكريمــــــــة



ردت بضحكة ثم قالت وش الحـال؟

قلت اشهد إن الحال عقبك سقيمـة



قالت وهي تضحك بعد مثل الأطفال

وانـا بعـد كنـي بدونـك يتيمــــــــــــة



من يـوم قالتهـا تزلزلـت زلــــــــــــــزال

من فجعتي كنـي مسـوي جريمـــــة



قلت ارفعي صوتك ترى مابه ارســـال

كـذاب لكـنّ المصيبـة عظيمـــــــــــــة



قالت أقول اسمع ترى هرجنـا طـــــال

ممكـن تصاحبنـي ترانـي وسيمـــــــة



واسمي الحقيقي أول حروفـه الـــــدال

لكـن يسمّونـي البنـات الزعيمــــــــــة



صحيح أحب الفخفخة واعشق المـــال

لكـن ترانـي طاهـرة مستقيـمــــــــــــة



ما عندي مغازل ولا (لعب عيــــــــــــال)

ما عندي إلا في الشرف والحشيمـــــة




بس الصراحة قلبي لشوفتـك مـــــــــال

واصبحت وحدك جالسٍ في صميمــــــة



فكّر بعقلك واترك القيـل والقـــــــــــــــال

واحذر تطيع اهل العقـول العقيمــــــــــة



وارسل علي الحين خمسميـة ريــــــال

أشحن بهـا جـوال أختـي غنيمـــــــــــة



أو طقم غالي فيه خاتـم وسلســــــــال

أروح بـه فـي عـرس ولاّ عزيمـــــــــــــــة



قلت الحقيقة مانيب رجـل أعمــــــــــال

ولانـي بتاجـر والمـوارد عديـمــــــــــــة



أنا الصراحة شبـه عطّـال بطّـــــــــــــــال

وعلاقتـي بالفقـر جـداً حميـمــــــــــــة



والراتب الله يرحم الحـال مـــــــــــــــا زال

محـدود والمصـروف ربـي عليمــــــــــــة



والدين بـالآلاف والبنـك شغّـــــــــــــــــال

ياكـل فلوسـي بالربـا والظليمـــــــــــــة



والسوق طايح والغلا ضيّـق البــــــــــــال

والموت والله صايـر اكبـر غنيمـــــــــــــــة



قالت تحمّل بـس والحمـل ينشــــــــــال

خلك شديد الباس صلـب العزيمـــــــــة



ياخي تصرّف جعلك اتصيـر نشّـــــــــــال

أهـم شـي إن النوايـا سليـمــــــــــــــة



لابد تفهمني علـى كـل الأحــــــــــــوال

ما دمت من أهل العقـول الفهيمــــــــة



قلت إيه والله فاهم اللي على البـــــال

لكن تـرى هـذي علينـا قديمـــــــــــــــة



يا بنت هـذا صايـر اليـوم مـــــــــــــــوال

للي تبي تلعب علـى ابـن اللئيمـــــــة



يا بنت ما تدرين كـم فيـه محتــــــــــال

يلعب على الحبلين وانتـي غشيمـــة



يا بنت كم من جاهلة دمعها ســـــــال

من عقب ما جات العواقب وخيمـــــــة



والبنت لا اقفى عرضها بيد الأنـــــــذال

والله مـا يبقـى لهـا أي قيـمــــــــــــــة



قالت تبي ولاّ فخلّك علـى جـــــــــــال

مهوب ناقصـي نصايـح حكيمـــــــــــــة



عز الله إنك للأسف منـت رجّــــــــــــال

وانك قليل الذوق ما فيـك شيمــــــــــة



يا لعنبو اللي مـا يسطّـرك بنعـــــــــال

حتـى يعلمـك الغـزل يـا بهيمــــــــــــة



( تفو ) عليك وصكّت الخط في الحال

مدري ( تفو ) هي مدح ولاّ شتيمـــة

المصدر: منتديات تراتيل شاعر - من قسم: ديوآن آلقصيد ▪●

---

hgfhvpm [hkd lJk hgpJf lvsJhg lJk hgfhv]m hgpJf