يا ود .. ما كل البشر.. تفهم الود

البصر.. , الود , تفهم

يا ود .. ما كل البشر.. تفهم الود

يا ود كل الناس .. والناس لك ود
عطني ودادك .. كان تبغى ودادي

ماجيت لك رقم ٍ واكمل لك العـدّ
ماجيت لك توّي مع الشعـر بادي

ماجيت لك من منتدى واشتكي صد
ماجيت لك شاعر مع النـت غادي

جيتك بحـَر يغلب على جزره المد
هادي .. ولو يكثر به الموج هادي

جيتك مـلـك مشـاعـره مالها حــد
جيتك مـلـك باسلوب ماهو بـ عادي

جيتك مـلـك ماله خصيم ٍ ولا نـد
جيتك مـلـك يحـب صفح الايادي

عندي مبادي .. عنـّهـا ما اتـردد
وانا افتخر لا قلت.. عندي مبادي

صادق واشوف الصدق لابدّ.. لابدّ
عنيد .. لو يرفض رفيقي عنادي

شفاف .. ما احـب المجامل مع الرد
طبعي كذا واضح.. صريح.. وحيادي

امزح بوقت المزح .. والجد.. له جد
وارفض ابالـغ.. لـو يطول ابـتـعادي

اعيش فالحاضر.. وعيني على الغد
لون الأمل وردي .. ولا هو رمادي

افتح عيوني .. والنظر فوق يمتد
هذا الفضا .. كله حدود لـ بلادي

يا ود .. ما كل البشر.. تفهم الود
يا ود تبغى الصدق.. ودك مرادي


مجرد ذووق

المصدر: منتديات تراتيل شاعر - من قسم: ديوآن آلقصيد ▪●

---

dh ,] >> lh ;g hgfav>> jtil hg,] hgfwv>> hg,] jtil