ياما .. بنيت بيـوت وبيـوت وبيـوت وكم بيت بنيته هدمته

تدفئة , بندة , بنيته , ياما , هدمته , وبيـوت

ياما .. بنيت بيـوت وبيـوت وبيـوت وكم بيت بنيته هدمته

’،

رفعت كفي .. ماقدرت ارفـع الصـوت
لو كـان فالخاطـر .. كـلام ٍ كتمتـه

لحظه وداع / وكنهـا سكـرة المـوت
ضاع الطريق .. اللي من اول رسمتـه

ضاع الطريق وصرت في الدرب مبهوت
مدري وش اللي فاتني مـا اغتنمتـه !

العمر مرّ .. وراح مع فايـت الفـوت
صحيح ضعت .. وضاع حلـم ٍ حلمتـه

الا انت ياللي قربـك لروحـي القـوت
لو غبت / يبقى وسمك اللـي وسمتـه

يبقى كما نقش ٍ على الصخر منحـوت
حفظتـه .. بشكلـه ولونـه وسمتّـه

مهما الفراق اوجـاع والبعـد ممقـوت
اصبح مصير ٍ من غـلاك / احترمتـه

دمع النصر لو طاح من ( عين جالوت )
( عين العقل ) دمع ٍ تكنّـه / حشمتـه

ذخرت لك يافرحـة العمـر .. تابـوت
فيـه الغـرام اللـي بديتـه / ختمتـه

يبقى الغصن لو مابقى فالغصـن تـوت
تحـرك انسـام الذعاذيـع .. صمتـه

سكّت .. وانا مـن موادعـك مكبـوت
شي ٍ تجاهلتـه .. وشـي ٍ فهمتـه !

حبل الرجاء من جور الايـام مفلـوت
ياليت قلبـي عـن غرامـك عصمتـه

ياما .. بنيت بيـوت وبيـوت وبيـوت
اليوم .. كـم بيـت ٍ بنيتـه .. هدمتـه

للشاعر مشعان البراق

المصدر: منتديات تراتيل شاعر - من قسم: ديوآن آلقصيد ▪●

---

dhlh >> fkdj fdJ,j ,fdJ,j ,;l fdj fkdji i]lji j]tzm fk]m fkdji dhlh i]lji