اجمل الصدف الفصل الثاني

الثاني , الزيف , الفشل , اجمل

اجمل الصدف الفصل الثاني

بسم الله الرحمن الرحيم
وبه نستعين
الفصل الثاني
مرت الشهور واصبح اللقاء الذي جمعهم في تلك الليلة من الذكريات ؟ وفى امسية احد الايام طلبت شقيقة امجد منه بان يذهب معها الى السوق لشراء بعض احتياجاتها وهم فى السوق اثناء تجولهم ؟ اذا يلتقيان وجهه لوجهه مع منى فى احد المحلات هي وشقيقها فيصل ؟ بعد السلام قدم امجد اخته اماني الى مني واخوها وقدمت مني شقيقها اليهم ؟ وسالها امجد عن صديقتها حنان بنت اخ صديقه هيثم ؟ وترد منى كويسة والله بخير وهي سالتني كمان عنك وهل التقينا بعد ذلك اليوم ام لا ؟ واقتربا من احد الكافتيريات وسالهم امجد ماذا تشربان واعتذرا واصر عليهم امجد وتحت الحاحهو الشديد قبلا الدعوة ؟ ويسال امجد اها طلباتكم شنو يا جماعة انا عارف اختي بتموت فى عصير الليمون وانت يا فيصل طلبك شنو ؟ والله بجد انا بحب عصير الليمون ؟ وتقول اخته سبحان الله اهم شى عنده بعد العودة من الجامعة طوالي يشرب عصيرالليمون يلقى امي مجهزه ليهو فى التلاجة ؟ ويقول امجد لهم خلاص انا بخلي اماني تطلب العصير الانا بشربه لانها هي عارفهو ؟ ويقول فيصل وانا بطلب كمان العصير المفضل عند منى ؟ وهنا كانت المفاجاة الكبرى والصدفة العجيبة كانت عند حضور عامل الكافتيريا تطلب مني عصير ليمون وعصير منقة ويطلب فيصل من العامل نفس الطلب عصير ليمون وعصير منقة وينظرون الى بعض الاربعة ويضحكون من الاعماق لهذة الصدفة العجيبة واللذيدة ايضاً ؟ وبعد اكمال جولتهم وشراء طلباتهم حان وقت الوداع ؟ وطلب امجد من فيصل رقمه حتى يتواصلوا مع بعض وطلبت اماني من منى رقمها ايضاً للتواصل بينهن ؟ ويحكي امجد لهم يوم اوصل منى البيت بعد توصيلي لها فكرت ان اطلب منها رقمها وبعدين قلت فى نفسي يمكن تقول لا اني اوصلتها استغليت تلك الفرصة وطلبت منها رقمها وتركتها وقلت خليها للظروف قد تجمعني بها ونحن اليوم نلتقي بكم فى هذا المساء الجميل ؟ وتواعدا بان يلتقيان فى مساء الخميس القادم فى منتزه الموردة لتجديد اللقاء وجاء الخميس وكان اللقاء وتسامرى فى كل شى الجامعة ومشاكل الشباب وازمة اخلاق بعض الشباب والكثير الكثير ؟ وقال فيصل الى امجد ياخي ممكن تجينا فى البيت اصلوا الاجهزة عندنا تعبانة شوية تجي تشوفها لينا اللابتوب حقى والكمبيوتر حق الوالدة وكمان لابتوب منى لكنها اظنها خجلانة تقول ليك ؟ ويقول امجد ماعليك انا زاتي بكرة ماعندي حاجة ضرورية فى الجامعة برجع بدري خلاص بعد صلاة العصر انا ومنى بنجيكم نشرب معاكم الليمون والمنقة واشوف ما لها الاجهزة بس حق منى ما بصلحو عشان هي ما قالت لي ويضحك الجميع ؟ وترد منى انا اول حاجة يتصلح حقي وانت انتظر يا فيصل تكشف حالي كدا طيب بوريك بعدين ويفترقا والابتسامة تعلوا وجوههم على امل اللقاء غداً ؟ وفى عصر اليوم التالي ذهبا وكانا فى استقبالهم الاسرة كلها ما عدا والدهم كان فى حفلة وداع احد الخبراء فى رئاسة الوزارة بالخرطوم ؟ وتعرف امجد ومنى على بقية افراد الاسرة وكان مساء جميل وطلعت امهم تعرف والدتهم وذلك كانتا قد التقيتان فى المستشفى عند حملهم بآخر اولادهم ؟ وطلبت روآن من امجد بان يشرح لها بعض دروس الرياضيات لاانها تعبانة منها شوية ؟ ويقوم امجد بالشرح لها ؟ ويقول لها رقم موبايلي عند فيصل لو اى حاجة اعترضتك طولي اضربي لي وان شاء الله انا جاهز ومحلولة وبعد تصليح الاجهزة ؟ استاذن امجد واخته اماني بالذهاب عشان بكرة القيام بدري للجامعة ؟ وقال امجد لفيصل هاك دا اميليي لو فى اى حاجة فى اى جهاز اضرب لي وانا بدخل وبصلح ليك الجهاز وشرح له كيفية عملية الاتصال وهم على الباب للخروج حضر والدهم من الحفلة واصر على الرجوع حتى يتعرف عليهم وتحت اصراره رجعوا ؟ ويقول لهم والدهم اولاً معليش مفروض اكون حاضر واخوانكم كلموني بس الظروف لكن الحمدلله لاقيتكم قبل ان تذهبوا ؟ اهلاً بيكم وما باخذ من وقتكم الكثير بس اتعرف عليكم ؟ ويقول امجد نحنا جيرانكم هنا من العرضة وابوي تاجر اقمشة فى سوق ام درمان واسمه الهادي ؟ ويقول والد منى الهادي خالد كيف بعرفوا حق المعرفة وبشتري منه طوالى ملابسي وهو كيف ان شاء الله كويس ؟ ويرد امجد الحمدلله تمام وبخير ؟ ويقول امجد والله ياعم فعلاً أجمل الصدف طلعت الخالة بتعرف الوالدة التقيا فى المستشفى فى ولادتهم الاخيرة بوجدي واخوي ازهري وانت طلعت كمان ياعم انك بتعرف الوالد من زمان ؟ وهنا يودعهم ويسمح لهم بالذهاب وان شاء الله لو كان فى العمر بقية نكمل

المصدر: منتديات تراتيل شاعر - من قسم: قصص - روآيات - حكايات ▪●

---

h[lg hgw]t hgtwg hgehkd hg.dt hgtag