لا تسولف ترا الفرقا تهد العظام

العظام , الفرقا , ترا , تسولف , تهد

لا تسولف ترا الفرقا تهد العظام

لا تسولف ترا الفرقا تهد العظام
توّك اللحين تدري فالهوى .. والهيام ؟!
يوم جفّت - من طعونك - .. دموع الجفون !!

جاي تشكي لي همومك وقلّ المنام
تحسب إنّك إلين اللحين .. خل .. وتمون ؟!

جاي (بأصدق بدايه) .. وأنته .. (أكذب ختام)
تحسب إن الخيانه .. من تعدي .. تهون ؟!

من سهر يا (سهيري) .. لا يخاف الظلام
ومن طعن يا (غريمي) .. لا يهاب الطعون

من متى و(الجريح) يطيب عقب (الكلام) ؟!
من متى و(العيون) تحبّ (دمع العيون) ؟!

كفّ دمعك ؟! ترا توّي بديت الملام ..
يا خي بدري على الدمعات .. توهم يجون !!

لا تسولف .. ترا الفرقا تهد العظام
لا تسولف تراني صدق .. صدق امغبون

خل حزنك يسولف .. واذكر الله .. ونام
وحطّ راسك على صدر (الفراق الحنون)

وان صدفت (الهوى) قلّه : (عليك السلام)
وان صدفت (الحزن) قلّه : (عساها تهون)

انت ضيعتني عقب الجفا .. والخصام
وانت علمتني كيف الخيانه .. تكون

منت قد المسامح .. والوفا .. والغرام
أنت واجد عليك .. (تحب .. يوم .. وتخون) !!

المصدر: منتديات تراتيل شاعر - من قسم: ديوآن آلقصيد ▪●

---

gh js,gt jvh hgtvrh ji] hgu/hl hgtvrh jvh js,gt