عفا الله عن خطا غدر الخناجر

الله , الخناجر , خطا , غير , عفا

عفا الله عن خطا غدر الخناجر

. عفا الله عن خطا غدر الخناجر والضلـوع ابطـال بسامـح واتركـك تحـت الظـلام الحالـك لحالـك دخيلك وفر دموعـك تـرى هـدر الدمـوع اذلال وترى مافيه أحد يصبـر مثـل صبـري بغربالـك أنا عيب علـي أنقـض كلامـي والرجـال أفعـال واذا قلـت اقطـع احبالـك ترانـي بقطـع حبالـك عشان أكسب هدب عينك تجرعت العـذاب أشكـال وليتـك تـرأف بحالـي عـشـان أرأف بحـالـك مسوي فـي حياتـي شـي مـا يذكـر ولاينقـال حشا حتى العدو وهو العـدو مـا يعمـل اعمالـك تمسيني علـى الهـم وتصبحنـي علـى الغربـال تقلطينـي فناجيلـك وتقـصـر عـنـي دلالــك تحملت التعـب لجلـك و أنـا حملـي يهـد جبـال رحلت من العـذاب ومـا وقفـت الا علـى جالـك علامك كـل مـا جيـك متواضـع جيتنـي تختـال معاك ليا متـى بصبـر وصبـري معـك يحلالـك مثل ما اقبلـت لعيونـك لـزوم تلـد لـي باقبـال ومثل ما قد حشمتك حس واحشم قلبي اشـوى لـك أنـا محـدٍٍٍِ بجابرنـي أسايـر معـك هالمـنـوال ترى لأنـي تبيـع لـك ولأنـي باصغـر عيالـك أنا جيت أعشقك نبض ومشاعر ما اعشقك (تمثال) أنا جيت أسكنك واحيالك وأبقى فيـك وأبقـى لـك أنا جيت بظما عاشق تعـب يطـرد سـراب الـلال أنا جيت أستفز رضـاك مـن فرقـاك والجـا لـك أنا ما همت بك عاقل أنـا كنـت أعشقـك بخبـال أنا ما كنت أحبك حي انـا كنـت أعشقـك هالـك تخيل من كثر مـا اخـاف تلقـى للزعـل مدخـال أخا ف أخطي على طيفك وأدوس برجلـي ظلالـك تبعتـك والعـرب تتبـع رعـود البـارق الهمـال وأنا شفت المطـر يتبعـك فـي حالـك وترحالـك كأن اللي خلق حسنك خلقنـي مـع جسـدك ظـلال وصرت اقرب جسد يمشي معـك باقفـاك واقبالـك أبـي قلبـك يحـس انـه فقـد بمحبتـه رجــال ملكته من هدب عيـن وخسـرت رضـاه باهمالـك صحيح ان الفراق اقسـى ولكـن الوصـال محـال أنا صعبن علي أرضي غـرورك وأضعـف قبالـك بعـد مـا حققـت عينـي فبعـدك للرقـاد آمـال أعود للسهر ..؟ يا اخـوي فـال الله ولا فالـك ! ببدل نظرتك فينـي واجـي لـك كـل يـوم بحـال بكون اقـرب مـن ثيابـك عليـك ولا تهيـا لـك بالمك وأنثـرك وأجمعكوأرجـع و أنثـرك باهمـال بخونك وأزعلك وأرضيك وأزعل منك وأرضى عليك أبرسم بالثرى وجهـك وابدفـن صورتـك برمـال أبشكـي للعـرب فرقـاك وأضحـك عنـد عذالـك أبهديك الوصال فراق و أهديـك الفـراق وصـال بسوي مثل مـا شوفـك تسـوي وأفعـل أفعالـك عشان تعرف من فينا الزعول ومن وسيـع البـال أبيـك تـذوق فنجالـي وأنـا بــذوق فنجـالـك نصيحه واحتفظ فيها قصر معـك الزمـن أو طـال أبي تسمـع كلامـي زيـن وتحطـه علـى بالـك إذا حبك هبال أطفـال لـك عنـدي هبـال أطفـال ولا .... وأبشر بعد بهبـال حـب ماهـو بهبالـك وإذا قصدك تهين إسمـي عشـان تشمـت العـذال ترى لا انته ولاغيرك .... ولا عشره من أشكالـك .

المصدر: منتديات تراتيل شاعر - من قسم: ديوآن آلقصيد ▪●

---

uth hggi uk o'h y]v hgokh[v hgokh[v o'h ydv