5 أسرار لجمالية إلتقاط صوركم "جهد شخصي " حصري ♡

صوركم

5 أسرار لجمالية إلتقاط صوركم "جهد شخصي " حصري ♡

بسم الله الرحمن الرحيم
السلام عليكم ورحمة الله وبركاته آل تراتيل



بما إن التصوير مكتسح العالم صارت سالفة التقط
صورة لنفسي حاجة روتينية ومعتادة..

وكل شخص اكيد يبهجه ان صورته تكون بالشكل المطلوب
اللي يرضيه

شفت مقطع عن اسرار لاضافة جمالية صور الالتقاط وقررت
افيدكم فيه جمعت لكم شغلات من هنا وهناك وبشرحلكم
باسلوبي وان شاءالله تطلعون منه بفايدة

نستعين بالله ونبدأ " 5 اسرار لاظهار صورتك بصورة أجمل " :

السر الأول ☕



يسمونها النظرة الناعمة وانا شخصيا اسميها النظرة العميقة
عاد خبراء التصوير يقولو مؤخرا اصبحت هالنظرة منتشرة بين المشاهير وتعتبر رمز جاذبية لهم

كيف هالنظرة بـ إختصار " من تحت العين اعملو زي الكبسة الخفيفة يعني ضيقو فتحت العين بس بشكل خفييف وملحوظ
بحيث تظهر العين كنه مركزة بعمق"

هالنظرة تعكس جمالية وجاذبية وشعور عميق هيا عاد تصدقون
زماان قبل، يمكن مايقارب 7 سنوات كنت اذا تصورت احب اكبس
عيوني كذا شوي ولاحن ندري عنها ولا شي مودل انا بالفطرة

طب دحين بوريكم كم صورة لبعض المشاهير وهم ينظرون للكاميرا ع قولتهم بعين مفتوحة و صور ثانية وهم مسوين
هالنظرة وتشوفوا الفرق



عاد يقولو براد بيت اشهر من يسويها
الفرق فعلا واضح


وجورج كلوني اكثر رجل زادته هالنظرة جاذبيه


ليوناردو دي كابريو انا اشوف هالنظرة تلائم عيونه جدا

لاحظتو الفرق شلون.. طب يلا للسر الثاني



وهذ السر مهم جدا
مشكلة بعض الناس يقلدو بس

كل شخص له زاوية مميزة في وجهه
غالبا هالميزة اما ترتكز عند الحواجب او العيون او الفم
بوحده من هذي ممكن يبرز صورته بشكل اجمل

كيف يعني؟! ..خن بوضح اكثر

مثلا شخص اذا عقد حواجبه تطلع له طله مميزة اكثر من انه اذا ابتسم
ممكن شخص اذا سوا النظرة الناعمة اللي قلنا عنها تتميز طلته
بكثيررر عن اذا خن نقول شد احد جوانب فمه بشبه ابتسامة
وزي كذا

يعني على كل انسان يكتشف ميزة وجهه الاجمل ويركز عليها
ليه اما قلت فوق مشكلة البعض يقلدون.. لان فيه اشخاص
مثلا شافت مودل يبتسم بطريقة معينة يروح يقلده غلط
انت لك في وجهك ميزة ممكن اجمل من هالحركة فالتقليد
يخرب اكثر مما يفيد

طب كمثال هالممثل الفرنسي اشتهر بحركة الشد بين الحاجبين
لانها تطلع له زي الخطين بذاك المكان وفعلا حركته مميزة وجه
بشكل فااارق.. رح احط لكم له صورة وهو يبتسم وصورة وهو
مسوي هالحركة وقارنو انتو كاطلالة صورة والتقاطة فين الجذابة والاجمل بينهم ؟!





فرق واضح.. صح

طب مشينا للسر الثالث



الاضاءة وما ادراكم ما الاضاءة

الاضاءة لها دور كبير كبير كبير مارح نتعمق فيها
لان احنا مابنجلس نسوي تصوير احترافي حق مجلات ولا كذا
حن نتكلم عن الصور اليومية عادتن

لذلك بنركز ع حاجتين الاضاءة الخاافتة في مكان مظلم
تطمس اغلب المعالم والاضاء في اماكن خارجية لا تخلي
الشمس ضاربه بوجهك رح يحددلك ملامحك او يعملك زي
ضوء الفلاش يعدملك الصورة

فيه نقطة حلوه ذكرها بالمقطع انو بالمنزل للالتقاطات اليومية
يكفيك انك تفتح الستارة بالنهار نور الشمس يكون خفيف مع الشباك رح يعطيك ضوء مناسب لوجهك انه يبان بشكل معتدل
لا مطموس ولا حاد بزيادة

تقدر تخليها قبالة وجهك عشان النور يعم كل الوجه بهالطريقة ⇩



او تخلي الشباك جنبك اذا تبغا وجهك يطلع النور فيه
كنصف نص واضح ونص ثاني كنو شوي مظلم<يعني ودك
تسوي حركات .. بهالطريقة تقريبا ⇩




وانتهينا من الاضاءة
وإلى السر الرابع ....



للأمانة انهم صااادقين مرة بهاذي
مرة فرق بين الناس اللي وقفتها مشدودة بس، يعني يحنط نفسه لا رافع كتوفه ومرزز صدره ومقابل الكاميرا صح

وبين الناس اللي توقف كنها ذبلانه او تعبانه كتوفها مايله شوي للامام وراسها كنه منحني او متردد

الوقفة وجاذبيتها لها باختصار فرق شاااسع في الصورة

وصلنا للسر الخامس والاخير



وهالشي يصير لكثيرررر من الناس يقولو نسبة مايقارب
80% من الناس يصير معاهم هالشي

وهو انو كل انسان بين وجهه من جهة اليمين واليسار
فروقات بسييييطة غير ملحووظة بالعادة

فلمن يتصور، بذات بالكاميرا الأمامية يشوف صورته
كنها مختلفة ومايتقبلها

اللي يصير انو الالتقاطة اساسا اخذت الصورة معكوسة
انت لمن تطالع بالصورة مفروض وجهة اللي من جهة اليمين يكون من اليسار والعكس

فمن الاشياء اللي تساعد انو الصورة تكون اقرب لطبيعة وجهك
تعمل عكس للصورة.. كيف؟

تدخلها أي برنامج تصميم في اغلب البرامج ميزة انقلاب الصورة
اللي فوق تحت واللي تحت فوق واليمين يسار واليسار يمين
انت بس ادخل اعكسه ورح تلاحظ ان فيه فرق وانها رجعت اقرب
لتفاصيل وجهك اللي انت معتاد عليه

•°••°••°◇◇°••°••°•


وبكذا انتهينا ياعرب من 5 اسرار تساعدكم على جمالية
التقاط الصور لكم.. ان شاءالله تفيدكم بشي

دمتوا بخير ومع سلامة

المصدر: منتديات تراتيل شاعر - من قسم: ضوء الصور Pictures ▪●

---

5 Hsvhv g[lhgdm Ygjrh' w,v;l "[i] aowd " pwvd ♡