رحلتي إلى شانديز~

رحلتي , شانديز~

رحلتي إلى شانديز~

يسعد صباحكم ومسائكم آل تراتيل كلكم تدرون انا رحاله واعشق السفر والمغامرات طول عمري كنت احلم ازور دولتين وكلما قلت بروح احصل معارضه من أهلي..كنت أفكر في فلسطين ربي يفرج لهم وازورها هاذي الدوله الأولى.. طبعا والدوله الثانيه بتستغربون هي إيران الكل عارضني لكن طنشت الجميع شهرين وانا ادرس المنطقه اللي بزورها وشلون اروح واتفاهم معاهم المهم قررت انا وبنات خالاتي نروح بقولكم المعاناه اللي عانيتها اول مشكله كانت ان مافي طيران دايركت من البحرين لازم امر دبي او مسقط حجزت على الطيران الاماراتي طارت الطائره ٣الفجر وصلنا دبي ٥تقريبا كان عندهم الساعه ٦ الصباح انتظار ساعه و٧ طرنا تقريبا وصلنا ٩ونص إلى مطار مشهد منطقه من مناطق إيران حجزنا فندق عن طريق النت كان المفترض تكون رحلتنا ١٠ ايام لكن ماتحملنا ورجعنا بعد ٥ أيام نزلنا من الطائره كانت الطامه الكبرى.. بالمطار مأساااه استغربت وااايد من حالته سقفه كان من جينكو الحديد مااعرف شنو تسمونه نزلنا وقالوا لنا نروح نسوي الفيزا من ٩ونص الى ١١ ننتظر شعب منتهي تعبان وقسم ياخذون يالانجليزي صفر يكلموني مااعرف وش ارد جتوري خوب خيلي خوبان خيلي ممنون تنزيم نيست ههههه بعض الكلمات اللي تعلمتها.. ١٢ الاربع طلعنا من المطار كان الجو صقيع درجة الحراره ٤ تحت الصفر طلعنا التاكسي سوا لنا سالفه لما وصلنا قال ان عطيناه ألف تومان (١٠ ريال) غيرها باللي عنده واحنا عاطينه بالاساس عشرة الاف تومان (١٠٠ريال) مو قلت لكم شعب منتهي وتعبان ادري طولت عليكم لكن تجربه فاشله ولاراح تتكرر توالت علينا مواقف السرقات هههه كسبوا من وراي اخر موقف صادني دخلت مكان وجتني حرمه علقت علي فستان تقيسه وصار تدافع وجوني من ورا ٣ حريم وفتحوا شنطتي وخذوا محفظتي وكان فيها دولارات مبلغ كبير وبطاقات الصراف و و و مواقف أُحسد عليها ههههه ماصورت شي في مشهد لان الوضع سيء جدا عندهم منطقه على الجبل اسمها شانديز تعتبر مصيف من المصايف جداً جميله جبت لكم كم صوره أتمنى تنال إعجابكم وطبعاً الرحله ماراح تتكرر هههه

المصدر: منتديات تراتيل شاعر - من قسم: انستقرام الاعضاء Instagram ▪●

---

vpgjd Ygn ahk]d.Z