قرب الشتي

الصبي

قرب الشتي

قَرب الشتى , و قربت بلوزتك الخضرا الصوف تطلع من خزانة الشتوي و جاكيتك الأسود , و الشوارع المعبية مي من شتوة بعد صلاة الفجر , و صوتك النايم بس أصحيكِ تروحي ع الجامعه الصبح , بتضلي تخبريني أنه صحوة الصبح بالشتى أصعب من البعد عني , تقومي والمي مثل الثلج ترنيلي تسأليني اذا بتقدري ما تغسل وجهي ؟ عادي صح !؟ ولك أه أه عادي شو يعني أصلاً أحلى بتكوني , أنا أطلع ألقاكي عند بوابة الجامعه أكون مشتريلك كاسة القهوة و بستنى فيكي تيجي , تفركي أيدك وتحكيلي ساده ؟ كم كاسة قهوة صرت جايبلك وله ؟ وكل مره بتسألي نفس السؤال اه سادة و بتوخذي كاسة القهوة تاعتي و بتقوليلي بس شفة , ولك طماعة إنتي . إمبارح شتت بالبلد أول شَتوة , تذكرتك أنتي وبلوزتك الخضرا , شميت ريحتك و ريحة أول شتوة , ما نمت للفجر , الصبح بس صحيت رنيت ع رقمك الي كنت ارنله قبل ما تغيريه و ردت علي الحيوانه و قالتلي انه مفصول , نزلت اشتريت كاستين قهوة و استنيتك ع بوابة الجامعه ما اجيتي , شربت فنجانك كله سداد عن كل الي شربتيه من فناجيني و شربت فنجاني كامل على غير العادة . < كانت القصة تحت الشتي بأول شتي حبوا بعضن و خلصت القصة بتاني شتي تحت الشتي تركوا بعضن >

المصدر: منتديات تراتيل شاعر - من قسم: قصص - روآيات - حكايات ▪●

---

rvf hgajd hgwfd