كذب من قال موج البحر خاين والبحر غدار

البحر , دايو , غدار , والبحر

كذب من قال موج البحر خاين والبحر غدار

كذب من قال موج البحر خاين والبحر غدار وأنا في عيني أمواجه قبر .. وأدفن بها أسراري لك الله يابحر من وين جبت الصبر والاصرار .. وأنا صبري عجز لايكتم اللي شفت بأقداري أنا يابحر همي ساحلك .. والمركب الدوار يسوق الموج للمينا وتصدم في صخر ظاري .. أنا مدك وجزرك والهوى والليل والأنوار طلبتك يابحر .. نزل شراعك واسمع أخباري أنا تهت وضعت بين المستحيل .. ورغبة أصراري سريت الليل أنا يابحر كن النجم لي سمار ووصلت لشطك الظالم ولاأدري وين مشواري .. وعجزت أغلق شبابيك الحزن وأرخي عليها ستار وأخاف الشمس تفضحني ويشوفوا الناس دمعاتي سبحت فيك لين سموني بعدك ((ب فلان )) البحار .. تعال وعوم فيني .. شوف لولوي ومحاري توارت أحلامي .. وعاشت خارج أسواري سريت الليل وأثر الليل ناوي يفضح الأسرار .. وأثاري كل ليل مرني من فرحتي خالي أنا ماأذكر من الرحله سوى دمع هما مدرار ومجداف رميته في ظلامك جيت به ساري .. أنا غصن ظلمه الوقت ماعدت عليه أمطار أنا أدري مابيدينك فرح تعطيني اياه.. وأنا أدري ان السكوت أرحم من الشكوى لجزاري أنا جيتك أبي أخمد على شاطيك بعض نيراني وأثر حالك مثل حالي تعاني الجرح وتداري .. بحر .. بالله توعدني وعد .. لاتفضح الاسرار يهون الموت بأمواجك ولاتتشتت أسراري