رواية ورود الامل برائحه الالم روايه كامله/3

ونزلت بدوا صديقات رؤى اللي نفس طقتها يرقصون العنود كانت جالسه حش وسوالف مع شلتها فجأه سكتت لما سمعت موال ..بلاحب بلاوجع قلب.. جت صورة الوليد في بالها وتجمعت الدموع في عيونها وطلعت المنصه ترقص محد فكر يطلع يرقص معها عشان مايطيح وجهه بدت تترقص وتتمايل غيداء كانت جالسه على طاوله مع ندى والجوهره التفتت للمنصه وانصدمت كانت تدور العنود من جت إلى ان توقعت انها ماجت لكن هذي هي ترقص وتتمايل قدامها انتبهت للأغنيه وكلماتها(معقوله تحبه إلى ألحين!!)تجمعت الدموع في عيونها لكنها مسكتها التفتت تناظر الحضور الكل يناظرها باعجاب حست بدمها يغلي وأعصابها انشدت من القهر والغيره بــلاحـب بــلاوجـع قــلب وش جــانــا مـن ورا هـالحــب غــيـر الألــم غيـر التعــب وش جــانــا يــانــاس أنا مــابـي دفــا قــلبي مـن الحــب اكتــفــى ويــن العــشق ويــن الــدفــا ودانــا يــاقـلبي يكــفي مـاجــرى الجــرح تــوه مــابــرى مــاجــانـا مـن الــدنيا تـرى كــفانــا جــربت فـي مــره الهــوى وأخــلصــت أنــا وقــلبــي سـوى وفــــجــأه كــذا الغــالــي نـوى ينســانــا يــاشــوق خـذ مـني وعــد مــاعــاد نشتــاق لأحــد ارحــل بــدربــك للابــد وانســانا مــاعــاد يغــرينـا العشــق مـاصـارنـا ويــاه نتفـق والحــظ ماعــمره اتفــق ويــانــا العنود كانت ترقص فجأه غمضت عيونها وتخيلت الوليد قدامها يصفق لها وهو مبتسم ويشجعها بدت ترقص وتتمايل لخياله إلى ان خلصت الأغنيه وصفقوا المعازيم بحماس فتحت عيونها وكانت غرقانه دموع ابتسمت لهم وراحت لرؤى ومدت ايدها رؤى سلمت بطرف ايدها وهي جالسه:.......... العنود نزلت لها وسلمت عليها خد بخد وقالت بدلع:مبروك رؤى طاح وجهها قدام كل المعازيم من حركة العنود العنود ابتسمت بانتصار ولفت ونزلت وهي تتمايل وتتغنج في مشيتها عشان تقهر رؤى رؤى تجمعت الدموع في عيونها وحمر وجهها من القهر لكنها ابتسمت غصب عنــد الرجــال عواد ضرب ايد الوليد بكوعه والوليد التفت عليه:....... عواد يزين مرزام غترته البيضا بايديه:تراني المعرس مهند ضحك والوليد قال بطفش:اقلقتني هذي خامس مره تقولها عواد ناظره:ياخي حاسدني خلني أفرح الوليد:ياخي كل تزوجنا وماسوينا مثلك عواد:يعني الا تذكرني انك متزوج قبلي الوليد+مهند:هههههههههههه الوليد رن جواله وقال عواد بخوف:الله يستر الوليد ضحك ورد:هلا.............هههههه عواد:ياشين وجهك وقت ضحكك ألحين مهند:هههههه ياخي خل الرجال يكلم الوليد ناظر عواد:ان شا الله وسكر عواد وقف ومشى للبوابه:استئذن الوليد ضحك ومسكه:وين؟؟ عواد ناظره:بطلنا زواج كل القاعه انفجرت ضحك صحيح أصواتهم ماكانت مرتفعه لكن واضحه حركاتهم:هههههههههههههههههه عواد طاح وجهه ومشى مع الوليد اللي ميت ضحك عليه ... دخل عواد مع الوليد وأبوالوليد على زفه مزعجه كعادة عواد ثنتين من المعازيم دق قلبهم للوليد العنود وغيداء لكن العنود بزياده لأنها ماتحبه تعشقه بجنون وهايمه فيه ناظرت شكله بالدقله السودا والفضي وانمغص بطنها(يالبيه الطول والرزه) الوليد كان يدور بعيونه عليها بين المعازيم لكن أم الوليد قاطعته وهي تمد له السيف ابتسم لأمه وخذ السيف وبدا يرقص والبنات خاقين عليه عبير وقفت وبدت تصفق له الوليد التفت وابتسم وقرب منها وصار في أخر المنصه وبدا يرقص عندها ناظر جنبها وشاف العنود عرفها على طول وتعلقت عيونه عليها دق قلبه بسرعه وهو يناظرها العنود ارتجفت أطرافها وهي تناظر ملامحه الجذابه بوضوح وعيونه اللي تناظرها بلهفه الوليد بدا يرقص وهو يناظرها بس محد انتبه لأنه في أخر المنصه وظلام العنود خلاص ماعاد قدرت تكتم عبرتها ارتجف دقنها ونزلت دموعها الوليد انتبه لكحلها اللي سال من البكي لارادي وقف عن الرقص بينزلها لكن أنقذالموقف نهاية الأغنيه الوليد ناظرها نظره أخيره ورجع بارك لعواد ورؤى وطلع بسرررعه غيداء عرفت انه ناظر العنود لأنها تعرف انها بجنب عبير ماقدرت تستحمل قامت وطلعت من القاعه مع السواق لكن هالمره رجعت لبيتها مع الوليد سلم أبوالوليد على رؤى وعواد وبارك لهم وطلع بعدها طلعوا خوات عواد وباركوا له وماقصروا أم الوليد وأم عواد غسلوا المنصه بدموعهم أكلوا الكيك وشربوا العصير وطلعوا وتوجهوا للفندق وانتهى الزواج بحلوه ومره