أنساها
الكل بيقولي إنساها
أنساها طب إزاي أنساها
وأنا كل نقطه فى دمي فاكراها
وكل دقه فى قلبي نابضاها
وكل كلمة حب ناطقاها
ولما بصرخ م الألم
بتكون فى صرختى الآهه
أنساها
إزاي وأنا كل حروفي كاتباها
أنساها
ياناس الحب عمره ما كان ذكرى
دا هي الأمل بكره
ومن عيني دمعه بتحير
فى هواها عمري ما أتغير
وإن سكت يوم قلبي
عقلي عاشقها بالفكره
دا هي البسمه
لما سفينة همي
توصل شط مرساها
أنساها
طب إزاي من غير هواها أعيش
دا هي قوت قلبي
وغيرها مليش
دانا لو صاحب كيف
هي لدماغي حشيش
ولو كيفي حلاوه
هتبقى سكره السنترافيش
ولو فى حبى أنا بلطجي
هتبقى لسوابقى الفيش
أصل الكيف مهوش بالكيف
وأنا مش بكيفى
إن كيفى فى هواها
أنساها
دا المجنون عمره ما نسي إسمه
والفنان عمره ما نسي رسمه
وأنا إتولدت وعلى قلبي الهوى مكتوب
ومحسوم أمري فى الهوى
وياريت أنا حاسمه
وإسألوا عنى مليون عاشق
إسألوا الهايم
وإسألوا إللي فى هواه غرقان
هيقولوا فى بحر الهوى أنا القبطان
عاشق قمر
عمر النجوم ما جمبه تبان
وإزاي نور شمعه هتطفى نور الشمس
واقول لكم اكيد تحصل
لما تلاقونى فى الهوى ولهان
وبرسم على جدار السما بألوان
وأﻻقى عقلى ودانى
أسكن جوا وجدانى
وأقابل روحى بجروحى
ولما آجى أكلمها
ألاقى كلامي غناها
أنساها
بقلمي: ياسر إبراهيم خليفه
Hkshih>L>uhldi Hkshih or uhldi
حرف إحساسي قصيد فى مجمله
ماهمني" لونه"بحره" و تفاعيله
صحيح ان أجمل الاحساس اوله
وصحيح الحرف واصف تفاصيله
بعض القصيد وحي من دنيا الوله
وبعضه حرف ما تلقى للوله دليله
وانا قصيدي إحساس طيف وأخيله
بعضه غصه وبعضه قصه جميله
وبعض الحروف ما تلقى التكمله
وبعض الاحساس من حرفي اشيله
اه يالقصيد كل حروفك مشكله
وجرحك دوا للقلوب العليله
ياسر إبراهيم خليفه**بكاء بلادموع**
05-02-2016, 08:53 PM
عضويتي 
أنساها./.عاميه
العرض الشجري
