تعال ياسكر نبات العشق ياملح القصيد

العشق , القصيد , تعال , ياملح , ياسكر , وباب

تعال ياسكر نبات العشق ياملح القصيد

بسم الله الرحمن الرحيم

تعال ياسكر نبات العشق ياملح القصــيد
غيبتك لي مده وانا اغني على طاروقها



قصيدة(ن) موالها تهتز له خظر الجريـــــد

ترخي هماليل المزون اللي تلوح بروقها

ماهي دراما اومسلسل تكتبه فجر السعيد

مشاعر(ن) تليق بي وانت وغلاك تلوقهــا


ناديت لك وانت القريب من المحاني والبعيد

وسقت القدم والا لغيرك مستحيل اسوقهــا


ومديت لك كف الرضا والعشق والعمر الزهيد

ومدلـــلك مثل الرجــــال اللـي تدلـل نوقهــا



واصبحت تسري وسط شرياني وترجع فاالوريد

تقفي وتقبل وانت لي طعـــم الحيـــاه وذوقهـا

ياراس مالي يوم مالي لاحساب ولارصيـــد

فالبنك والاسهم نموت ولادخلنــــاسوقها

تعال قربك عيد والبعد ضربه من حديـــــد

يامن تشب النار بغيابي وانا اطى فوقها


اشعلت بردي في دفاك وذابت امواج الجليد

اللي شواطيها تحرا فيّتك وشــــــــــروقها

وكتبت فيك اغلى القصيد يفيد والامايفيد

ابيات لاغنيتها تـــروق لي واروقـــهـــا

ارجع والاابغى لك عذر من دون شرط ودون قيد

يااول هوا نفسي وتاليهـــم وغايةشــــوقها


احايل رفقتك والعمر ينقــــص مايـــــزيد

سنين ادوّر رفقةاللي رفقته مابـــوقـها

تعال وافعل ماتبي والله يفعل مايـــريد
اترك كلام اللي على السيره تبل حلوقها

المصدر: منتديات تراتيل شاعر - من قسم: ديوآن آلقصيد ▪●

---

juhg dhs;v kfhj hguar dhlgp hgrwd] hgrwd] juhg dhlgp dhs;v