نادل الصبح ..

الصبي , نايم

نادل الصبح ..

حطّ المساء عينه الوضحى بعين السدول ..
من عادة الليل ما يعطي "عيونه " لـ أحد !

في حجرتي : شمعةٍ يكبر معاها الذبول ..
وأشوف ظلّ " إحتراقي " يبتعد : للأبد !

خلّد بقايا نهارٍ .. مرّ فيني : عجول ...
وأيام عمرٍ رحيله في حياتي : " قعد " !

أنا الضياع الوحيد اللي بظهر الذلول ..
أنا صور " برزخ الأحزان " .. قبل انولد !

أنا السؤال المحيّر .. بين عدة حلول ..
من كثر مـ " أفقد " ماعاد أدري لمين أنفقد ؟!

يانادل الصبح : ليه الورد عاف الحقول ؟
ماعاد في الوجد ورد أشواق لأجل انوجد ..

أحسّ بين الضلوع : أحباب وأربع فصول !
وقاعٍ غباره دفين : أكثر سحابه : رعد

قلدت صدر السما : بالمزن حسب الأصول
وأعشاب عمري تقفّاها .. عجاج ونكد !

يكفي عيوني مع الدمعات ترقى : " نزول "
كل ما ارتوا بي ظما وجهي : حنيني صَعد !

يادربي اللي عليك أغريت حلم الوصول ..
مازلت شاعر وأحب الناس واكره بعد ..!

لو ينبت الراس : ناقص ما حتريته يطول ..
لو اعتزي بالقبيله .. واعتزي بالبلد ..

مـ ادري من انساني : إنسانيّتي في ذهول !
وقتٍ تَحَيْوَن به الأجواد .. ذيب وأسد ..

قاتلت لله : كنّي من جيوش الرسول !
( للهُ أكبر ) ركع قلبي .. و ( لله ) سجد

اخترت للقلب ناسٍ : يعتصرها الفضول
كنّي ماقرّبت ناس الاّ .. عشان ابتعد

أعطوني احلام واخذوا من صباحي قبول
كنت (إِ)لهم ايام حلوه .. وقتلوني .. حسد !

اثر استقامة مشاعرهم : مجرّد ميول
بيداء تدسّ الظما : طُعمٍ لموت وجلَد

أذكرك " يُمّه " تقولين : الرفاقه خيول !
احذر من العثره اللي ماوراها سنَد

يانادل الصبح : سادة هقوتي .. لا تطول
دوّر مع الشمس سكّر ذكريات : ان وُجِد !


فيصل المهلكي !

المصدر: منتديات تراتيل شاعر - من قسم: ديوآن آلقصيد ▪●

---

kh]g hgwfp >> hgwfd khdl