عايز ابقى شاعر

اتقي , شاعر , عاجز

عايز ابقى شاعر

عايز ابقى شاعر



عايز ابقى شاعر
واقول كلام محدش قالوا قَبلي
وامشي يشاوروا بأيديهم
ويقولوا دا ولد قِبلي

جنوبي
ومادد جذري في توبي
الجلابيه بلدي وشالي جَلَدي

وكل حرف فيكي يا دنيا طاب لي
ما تدقوا طبلي
وخلوا مزمارنا يِسَمَع
زرعة الوادي وجبلي

يا دنيا وماشيه بكيفك
ومعليه كل واطي
والشريف يطاطي علشان
ما تسوي في يوم شريفك
يا دنيا وذلانا برغيفك
وناسيه إن الرب عاطي
وعدله ميزان يمحي حيفك وزيفك
وياما سألته في جوف الليالي عدله
وحقي جاب لي

عايز ابقى شاعر
واقول كلام محدش قالوا قبلي

سبحانه
معروف بعدله وميزانه
وكل مكتوب بيجيلك فى اوانه
حتى اللي امنوا
واللى هانوا واللى خانوا
واللي دبحوا في عز الفرحه حلمي
واللي شالوا عني حملي
متفصلين فى توبي
وكل واحد في مكانه خيوط وملضومه
مابين وقعه وبين قومه
وبين فرحة قلبي فى دقه
وبين دقات بتبكي همومه

توبي ومتفصل على قدي
على قد راحتي وسعادتي
وعلى قد شقاي وكدي
وياما قالوا الدنيا تاخد
وياما قالوا الدنيا تدي

وانا صعيدي وواخد خيوط توبي
من توب جدي
خليفه والخليفه فى توبها نضيفه
واسمع كلام اللى يسامرني
ومن حروفه اعرف صدقه
من كدبه وزيفه
واعرف الدمعه الخبيثه
وياما بكتني دمعه شريفه

ويا نخل على راس الغيطان
والهوى بيلاعب جريدك
مين داق من سباطك رطب
من غير ما تجرحه شوكة جريدك
انا ياما سهرت الليالي
علشان اشوف طلعك
وطلعك عالى على اللي فى الهوى يريدك
وياللي عاشق كلامي اسمعني
هزيدك

انا اصلا مليش في الشعر


مليش في الشعر والابيات
ولا لحن القصيده ولا بحورها

مليش في فرحة البدايات
ولا نهايه بتدور علي دورها

انا يدوب حروف بتبات
تنادي في عتمة الاحلام نورها

مليش في الوزن والتفاعيل
مليش في العين ان قالت ليل
ولو طلع في الكلام مواويل
اكيد هتميل الكلمه علي جذورها

معروف اصل الكلام والفصل
ولا لينا في التقليد واحنا الاصل
وياريتنا بالقصايد نولنا الوصل
يا بلاد بعيده ومعلين سورها

مليش في القهر ولا احساسه
ولا بيعته ولا اشتريت ناسه
وحداني وحنين قلبي وناسه
وعقلي في راسي بيوزنها

وطول ليله شوقي مخاويني
واخدني معاه وبناره كاويني
وانا سنيني قصاد عيني
بتفصل همومي علي دموعها

يا حروف عاصيه وعاصياني
البحور قاسيه وحارماني
وعلي شطوط هواكي حِرماني
ولا رماني فى جنه اشوف حورها

مليش في الشعر اي قصيده
مع ان الهوى حكايات بتتغنى
وانا عمري عدى ولا استنى
ولا شاف دمعتي سعيده
ولا سألها ولا م الخدود شالها
وسابها غرقانه على خدودها

ومن جنبها اهو مر وفات
مليش في الشعر والابيات
ولا تبات حروفي في اوجاعها
ولا تشهد علينا في الروايات
اشعار احنا اللى كاتبينها

انا سايب للقصيد ناسه
خدوا فرحه واحساسه
والكل داوى من الهوى جرحه
والوجع ساب لي

عايز ابقى شاعر واقول كلام
محدش قالوا قبلي



ياسر ابراهيم خليفه

المصدر: منتديات تراتيل شاعر - من قسم: ديوآن آلقصيد ▪●

---

uhd. hfrn ahuv hjrd ahuv uh[.

الله يعطيك العافية
وتسلم يدك
على الطرح الجميل
ننتظر جديدك المميز
ودي وتقديري

طرح راقي
كل الشكر لك

لكم منى الشكــــر اجزله ... ومن التحيه أخلصــها
علي جهودكم

عافااك الله على الطرح الرااااائع والجميل











اعتدنا منك المميز والإبداع دائماً ونتطلع لجديدك

طرح قمه الروعه في والجمال
سلمت اناملك ويعطيك العافيه علي مجهودك
في أنتظار المزيد
من عطائك والمزيد ومواضيعك الرائعة والجميله
ودائما في إبداع مستمر

سلمت أناملك على عذب مشاركتك
خالص تقديري

,‘*
أختيااار أكـثر من رااائـع ’
وُجودك لـه وآقعٌ مُختلف / وكله تميز ..
شُكراً تمتد عميقاً وتنتشي لك بالورد
|‘,

سلمت يمين الناقل على روووعة الاختيار
شكرا لك على ماقدمت
والله يعطيك العافيه على المجهود
كنت هنا ///غـــــــــــزلان

اكيد هتميل الكلمه علي جذورها

^^


شكرا لك