| » ٌاليوم الوطني « | |||||
|
|
|
|||||||
| قصص - روآيات - حكايات ▪● ┘¬»[ روايات قصيرة | روايات تراثية | قصص حزينه |قصص مضحكة : تنحصُر هِنآ |
 |
|
|
أدوات الموضوع | إبحث في الموضوع | انواع عرض الموضوع |
|
#1
12-08-2016, 03:46 PM
|
|||||||||||||
|
|||||||||||||
رواية الزمن طبعه كذا روايه جديدة الجزء الثالث 2017
وبالمجلـس سلطـان كانت واصله معه من الملل... اول ماسمع صوت الباب ينفتح :لا احسن لو تأخرت شوي بعــد ... عادل وهو كاتم ضحكته:السلام .. سلطان رفع راسـه :اووه سوري عادل حسبتك اخوك الخاين .. وبعد ماسلموا على بعـض.. عادل وهو يناظر براسـه الملفوف لأن سلطان كان فاصخ شمـاغه :سلامـات وش فيه راسك .. سلطان وهو يلمس راسه :آآه ,,ذكرتني هذي وحـده من فعايل أخوك الخاين ... عادل بتريقه :شكلك متعذب معـه ... سلطـان بتمثيـل :خلهـا بالقلب تجـرح ولاتطلـع برى وتفضح ,,,ويوم شاف ناصر داخل وشايل الصينيه :تبغـى الصراحـه ياعادل أخوك هـذا ونعم الصديـق تنحسـد على أخوتـه ... ناصـر وهو يمدله فنجـان القهوه:ايه درينـا مايحتـاج تقول معلقات فينــي ... سلطـان:الشرهه مو عليك على اللي قاعد يمدحك ولاكأنك اليوم كنت بتقضـي علىحيـاتي .. ناصـر نزل فنجاله اللي كان يشربه :رجعنـا على طير ياللي ,,سلطـان وأنا وش هوله جايبك اعيشك مو عشان تنسـى ... سلطـإن :اذا تعشيت أنســى ... ناصـر لعادل:استعجلوا لنـا بالعشـاء ابغــى افتك من هالسيـره ... عادل وقف يضحك :انشاءالله ثواني والعشـاء يصيـر قدامكم.. سلطان بتريقه:ماشاءالله بيتكم خـدمـة خمس النجـوم ... ناصـر ينادي:عادل خلاص لاتجيب عشـاء ... سلطان :لاااا خلاص كـلش ولا العشاء.... ناصـر :ايه ماهمك الا بطنك ... سلطــان:عادي تصير في احسن العائلات ,,بعدين حس انها ماله دخل بالموقف وحب يغير الموضوع سلطان : ناصر متى بتخلص اجـازتك.؟ ناصر وهو فاهم انه يبي يغير الموضوع فماحب يحرجه:وش فيك شكل الضـربه اثرت على راسك انا لي يوميـن مداوم .. سلطـان :اوووف تكفى لاتذكـرين بالضـربـه احس بألم لاتذكـرتهـا... ناظـر بساعتـه ورجـع يناظـر بولده اللي جالس وشكله مسوي مصيبـه .. ابونايف :خيـر وش عنـدك جاي بهالوقت ,,ماتوشف الساعـه كم قبل ماتجـي.. نايف وقف وبتوتر : يبـه ابيك بموضوع مهم ... أبو نايف وهو يأشـر على قميصـه اللي عليه دم :وش اللي عليك هـذا .! نايف :تخانقت مع واحد وطعنتـه ... أبونايف بالصـدمه :وش صار فيه .. نايف:بالمستشفـى حالتـه خطيـره .. أبونايف :حسبي الله عليك مـن ولد أنت متـى بتعقـل كل يوم مسويلك مصيبه أكبـر من اللي قبلهـا.. نايف :يبـه مالـه داعـي هالكلمتيـن اللي ترددهن علي كـل ماشفتـني .. ابونايف بعصبيـه:لابعد مو عاجبك كلامـي .. نايف:تبي الصـراحـه ايه مو عاجبنـي ,,أنا ماسويت شي عشان تقولي هالكلام واحد وطول لسـانه علي ولازم يأخـذ حسـابه .. أبونايف :وأي واحد بيتكلم عليك بتسوي فيـه كـذا أنت تحسب الدنيـا سايبـه مافيه قانون تبغـى تذبح عيال الناس و تبي تطلع منهـا.. نايف بغرور:ذولا مهم ناس وموتهم أفضـل من حياتهـم ,,بعـدين أنا قلت لك اللي عنـدي ,,ومع السلامـه .. ابو نايف اللي جلس بالتعب على الكـرسي وفك ازارير ثوبــه وهو بصعوبه يتنفس :هـذا اخـر دلعــي له حسبي الله عليه مفشلني كل يوم مجررني لأقسام الشرطه بس وش اقول هذي تربية رأس الحيه شيخه... المصدر: منتديات تراتيل شاعر - من قسم: قصص - روآيات - حكايات ▪● v,hdm hg.lk 'fui ;`h v,hdi []d]m hg[.x hgehge 2017 hgehge hgpQg hg.lk []d]m v,hdm v,hdi |
|
12-08-2016, 03:46 PM
|
#2 | |
  
|
رد: رواية الزمن طبعه كذا روايه جديدة الجزء الثالث 2017
يـوم الأثنيـن السـاعـه 8 ونصـف بالليـل ..
وبمطــار الملـك خــالد وصـلوا ياســــر وسعـــود ,,, ياســر:وين بتـروح اللحيــن .. سعـود:بروح بيت أختــي .. ياســـر:بتسـوي عمــرك توك راجــع ... سعــود :أكيـــد ... ياســر:طيب شل قشك بسرعـه انا بروح اخلـص الاجـراءت .. سعـود :بسـرعه ابغـى اروح لهم قبل ينامـون ... وبعـد ماخلصوا الاجـراءت وخـذوا شناطهـم ... ياســر:وش رايك نروح اليوم لشقـه وبكـره تروح لهـم ... سعــود :لا اليوم ماقدر اصبـر أكثــر مشتاق لهــم .. ياســر:ايه واضح والدليل أنك جلست 6اشهـر ومارحت لهــم ... سعـود بعصبيـه:اووه ياســر لاتكلم معـي بالموضوع مره ثانيــه اعتبـرني تونــي جاي ... ياســر: طيب ,, طيب بـس لاتعصب.. سعـود :مو تقول سيارتك بالمواقف وش تنتظـر بعـد يالله نطلـع ... ياســر:طيب شل شنطتك ولا تبغانـي أنا اشيلهـا بعــد .. وبعـد نصف ساعــه كانوا واقفيـن قدام بيت ابـوناصــر ... ياســر :وش تنتظـر بعـد يالله إنـزل ... سعــود:متردد ,,مادري كيف بتكون ردة فعلهـم لو شافـونـي .. ياســر اللي فيـه نوم :ادخـل عشان تشوف كيف ردة فعلهــم .!! سعــود بحـزن :اخـااف يكونون ناسينـي وانصـدم ... ياســر:اوهوه علينـا ,,ايه صح والدليـل أختك اللي فضحتنـا بالمكتبــه ,,ويقلد صوت سالي :سعود سعود ... سعـود :ههههههههههههههه,,حـرام عليك أختـي صوتهـا مو كـذا ... ياسـر بنرفزه: ياربي انزل مو وقتك أنت وأختك .. سعـود :خلاص نروح لشقـه وبكره اجــي .. ياسـر انبسط :قايلك كذا من البدايه بس أنت عنيد ...وتوه بيحــرك سيـارتـه وقفت سيارة ناصـر وراه ياســر يقهــر:لا مو وقتــه ,,اوووووووف .. سعـود :وش فيك .. ياســر :ماتشوف اللي وقف ورانا .. سعـود :طيب .. ياسـر بقلة صبــر:هـذا ناصــر ,,انزل انزل مافيـه مفــر .. نزل فالبـدايه ياسـر بعده بشـوي نزل سعـود اللي كان خايف من ردة فعـل ناصـر لاشافه خصوصاً إن علاقتهم كانت سطحيـــه ... ناصــر كان توه بيفتح باب البيت بيدخـل شاف سيارة ياســر وتنهـد بقهـر لأنــه كاره شوفتـه وبنفس الوقت مستغـرب وش عنـده جاااي .؟ دخــل مفتـاح السياره بجيبـه وهو يتقـرب من ياسـر برود :هلا ولد العم الحمـدالله على سلامـه .. ياسـر بنفس البرود وهو يسلم عليـه :الله يسلمك,, كيف الحـال .؟ ناصـــر بسخـريه :تمـام من شفناكـم ... ناظر ياسـر وراه وهو يلعب بمفاتيح سيارتـه يدور سعـود ماشافـه التفت على الجهه الثانيـه شافـه جاي من ورى السياره ... استغـرب ناصــر من ياســر اللي ساكت وانتبــه عليـه يناظر وراه التفت يشوف وش وراه شاف سعــود "أيــه سعـــود" نطقهـا ياســر يجاوب ناصـــر اللي طلعت منـه بدون ادراك ... ناصـــر بفـرحه بانت على وجهـه :سعوود خالــي سعــود ... سعــوداللي طمنته ردت ناصـر :سعـود بس مو خالك يالشيبــه اطول منـي وتقـول خالـي .. ناصـــر وهو يسلم عليه بحـراره :الحـمدالله على السلامـه تو مانورت الرياض .. سعــود :الله يسلمك والرياض منوره بأهلهـا ... ناصــر وهو يفتح الباب :تفضلـوا حيـاكم .. ياســر وهو يتراجع لسيـارته :يالله أنا استئـذان .. ناصــر اللي كان مزاجــه منقلب :لا عاد حلفت عشاك اليوم عنــدنا ... ياســر اللي كان دايخ ويبي الفراش بـس :ماله داعــي تحلف يالرجال والله تعبــان من الطيـاره .. ناصــر باصـرار :حلفت عـاد .. ياســـر دخــل مجبـور بعـد هالكـــــلام ماعنـده عـذر ... دخلهــم ناصــر المجلـس واتجـه بسـرعه للبيـت لأن كالعـاده اصــوات اخــوانـه واصلــه لآخــر الحـاره (صدق فضيحــه خخخخخخ) ... |
|
|
|
|
12-08-2016, 03:47 PM
|
#3 | |
|
رد: رواية الزمن طبعه كذا روايه جديدة الجزء الثالث 2017
دخـــل ناصـر عليهـم لـو كان بمـزاجــه اللي دايم ماخلاهـا تمـر بسهـوله بس اليوم الوضـع غيـر وماهو فاضــي لهــم ,,
ناصــر وهو يلف نظـره على الصالــه اللي متلـونه بالونـي الازرق والأصـفر ... ناصــر بطنـازه :والله لوكنت داخــل استـاد الملك فهــد ماقوبلت بهالأصـوات .. بـس محد لقـاه بال لانهم كلهم عيونهم متسمـره بالشاشـه ... ناصــر اللي وقف قدام التلفزيون :هووه وش فيكم أنا اكلمكم .. سالي اللي مقهـوره لأن الهـلال متقـدم على النصــر :يووووه وخـر مو وقتك ماتشوفنـا نتابـع المبـاراه .. ناصــر بتريقــه :لاتحاولين الهلال فايز عليكــم فايز ... سالي :ناصرر واللي يرحم والديك وخـر عن التلفزيون والله مو رايقـه لثقالت دمك .. ناصـر اللي وخــر :طيب بوخـر بس لاتصيحيـن ,,وناظـر بعادل اللي مره مندمج مـع المبـاره :عادل الحقنــي بالقهـوه عندي ضيوف ..وطلــع .. عادل بقهــر:لاحرام عليكم هـذا وقت زيارات ... سالي :ويه رح بسـرعه ود القهـوه اللي يسمـع يقول بتفوزون .. سامــي :غصبـاً عنكم بنفوز وبتاريخيـه بعـد .. عادل :اوووووووف مابغــى اروح خلو ميري تودي القهــوه .. وهج تضحك:ياليت عشـان تشوف ناصـر وش بيسوي فيـك .. سامــي وقف:خلاص أنابروح امري لله ,,بس اذا جابو الهلال هدف ارسل علي مسج ... عادل بيصرفـه:طيب طيب ولا يهمك .. وبالمجلـس كان ناصـر وسعـود يسولفـــون مـع بعض وياســر معهم فــي جســده وعقلــه بمكــان ثانــي مع انسـانه حرمت عينـه النوم من شوقـه لهــا ... سعـود :ياسر,, ياسررر.. ياســر بارتباك:هاه ,,نعـم .. سعــود وهو كاتم ضحكتـه :خذالفنجـال من الولد له ساعه ماده لك ... ياســر اخذ الفنجـال من سامي بأبتسـامه يغطــي فيهـا على احـراجـه .. ناصــر :وش فيك ابو ابراهيـم منت معنــى .. ياســر اللي للحين مو على بعضه :سلامتك مافينــي شـي .. ناصـر مايدري ليش حس أن ياسـر يفكـر بسالي فحب يحـرجه وقال:سامــي روح ناد خالتك سالي تسلم على اخوها (وعيـونه على ياســـر اللي واضح عليـه الارتباك والرجفـه بانت على يده اللي ماسك فيهـا الفنجان بس مانتبه له الا ناصـر ) بس لاتقول لهـا من الموجودين خلهـا مفاجئــه... سامي اللي مادخلت مخه السالفه :طيب وش اقولهـا تعالي فيه رياجيل بالمجلس سلميي عليهـم .. سعــود بضحكــه:قلهـا إن اللي بالمجلس جدك ... ناصــر يستهبـل:وقولها أن سعـد معــه .. سامي اللي يدري أنه لوقال لسالي عن سعـد ماراح تجـي:من صدقك أنت .. ناصـر وهو يضحك :امزح بس قولها إن الموجود جدي .. كانت حاطـه راسهـا على رجل وهج وتابع المبـاره وهي مقهـوره لأن فريقهـا متأخـر بهـدفين والمباره بنهايتهـا .. جاء سامي وبعـد ماسئل عن نتيجـة المبـاراه قال:خالتي روحي للمجلس جدي فيــه .. سالي بملل :يوه وش جايبـه اللحيـن والله مو وقتـه ,,مايكفي انه سوى اللي براسـه وزوجنـي اللي ماينسمـى وش يبغـى بعــد ... سامــي يوم سمـع تقول عن ياسـر كذا كان وده يضحك بس مسك نفســه لأنه ماتحمس يبغـى يشوف ردة فعلهـا لاشافته:وأنا وش دخلنـي تقولين لي هالكلام .. سالي بتردد:سعــد معـه .. سامي بسرعـه :لابس هو لحاله .. سالي ناظرت وهج :عادي اروح كذا مالي خلق ابدل ... وهج جاء بتكلم بس سامي قاطعـها :أي عادي واصلاً لبسك حلو .. سالي ناظرتـه بشك حست وراه سالفـه وقامت وقفت قدام مرايـه كبيره بديكـور الصـاله وجلست ترتب لبسهـا وتضبط شعـرها اللي كانت مرجعتـه على ورى بالجـل (كانت لابسـه بنطلون سبورت رمـادي بخطين بالأسـود وتي شيرت اسود كت ماسك عليهـا )... ناظرت بسـامي :يتجـي معـي .. سامي على طول وقف :وهذي حاجه تنفوت ..وطلع قبلهـا بسرعـه .. كانت تمشـي رايحـه للمجلس وتحس بقلق وتوتر يزيد داخلهـا كل ماقتربت من المجلـس .. يوم وصلوا للمجلس وقف سامي والتفت لسالي يبغـاها تدخـل ... بس سالي قالت له :أنت ادخل قبلي .. |
|
|
|
|
12-08-2016, 03:47 PM
|
#4 | |
|
رد: رواية الزمن طبعه كذا روايه جديدة الجزء الثالث 2017
سامي ماعارض وعلى طول دخـل ...
أول مانفتح الباب قطعوا سالفتهـم اللي كانوا يتكلمون فيهـا واتجهوا بأنظـارهم للباب بس اللي دخــل كان سامـي وترك الباب مفتوح وراه ... نهــاية الجــزء التـاسـع ... الجـــزء العـاشـــر ... الفصـــل الاول : وقفت على باب المجلس مصدومـه وهي تناظر بوجيه الجالسين وبالأخيــر ركزت بعيونهـا على سعـود ..ثوانــي بس حتـــى استوعبت اللي قاعد يصير التفت علــى سامــي اللي جالس على كرسـي جنب الباب وقالت له بحــده :سامي وينـه جدك .؟؟ كــل الموجـوديـن اصـابهم ذهــول ماتوقعــوا منهــا ردة الفعــل السلبيــه هــذي .. ناصــر اللي مصدوم من ردة فعلها لانه يعرف قد ايش هي تعز سعــود : سالي وش فيك ماتسلميــن علــى أخوك اللي لك سنين ماشفتيه هذي طريقه تستقبلينه فيهــا ... سعـود اللي كان واقف قدامهـا مسكهـا مع كتوفهـا وقربهـا منه بيسلم عليها ... بس سالي وخرت يدينــه عنهـا بقوه وسط ذهـول الموجودين .. سعــود :وش فيك سالي حبيبتـي ماتبغين تسلمين على ماشتقتي لي ,,ويوم ماشاف ردت فعـل منهـا :افااا نسيتيني انا أخوك سعــود ... سالي بقـوه :للأسف ماعنــدي أخــوان ... ناصــر بذهـول :سالي وش الكــلام اللي قاعده تقولينــه .؟ سعـود بحزن :ماتوقعتهـا منك ياسالي هذي طريقه تستقبليني فيهـا بعــد كـل هالغيبــه ... سالي بكبرياء:ليــش رجعــت ,,لومارجعــت أحســـن .. ياســر اللي انقهــر يوم شاف سعــود مكســور :مارجــع عشـانك راجـع عشــان ناس كثيــر يتمنون رجعتــه أنت مانتي من ضمنــهم ... سالي بتهكــم :اسمعــوا من تكلــم صدق اللي قال الطيــور علــى اشكــالها تقع ,,وبحده :اصلاً أنت اللي خربتــه أنت اللي خليتــه يســافر ويبعــد عنـــا .. ناصــر بعصبيــه قاطعهـا:سالي بسسسسسسسسس ... سالي :اعصابك يالحبيب اصلاً أنا طالعــــه مايشرفنــي اجلس معهم بمكان واحــد ... وطلعت وهي تضحك بصــوت عالــي ينرفــــز ... ===================================== كان ماسك الجوال ويكرر الأتصـال فيــه بس مامن مجيب واخيـراً تكــرم ورد عليــه .. نايف بعصبيــه :لالو مارديت بعــد يكون أحســن .. فارس بصوت ثقيـل من النوم:يالله صبـاح خيـر ,,وش فيك ..؟؟ نايف :أي صبـاح أنت وجهـك حنـا العصـر .. فارس بطولة بال:ولو كان العصـر ماتغيـر شـي روق يالحبيب .. نايف بقلق:وش صار عليـه .؟ فارس :آخـر خبري فيـه كان بالعنـايه مادري اذا صحـى أو لا.. نايف :اووف ماصارات له ثلاث أيـام بالعنـايه متـى بيصحـى .. فارس :لو مايصحـى يكون احســن نرتاح منــه.. نايف:لاياشيــخ ومن قال لو ماصحـى بينتهـي الموضوع الشـرطه ماراح تسكت بتحقق لين تكشفنا ... فارس بضحـكه :لاتكــون خايف .. نايف بثقـه:ماني خايف ادري اني بطلع منهـا مثل الشعـره من العجين بـس انا مابغـى ادخـل التوقيف لو ساعــه ... فارس : طيب وأنا وش والمطلوب منـي اللحين .. نايف :تسـافر معــي .؟ فارس بتريقـه :بتهـرب اللي يسمعك يقـول مطلوب بقضيــه كبيــره ... نايف :لاتفســر الموضوع على كيفك انا بسـافر عشـان اريح اعصـابي اللي بتنحـرق لو جلست على حالة الانتظار هذي اكثـر... فارس:طيب على وين العزم انشـاءالله .. نايف بخبث :هذي شغلتك عـاد وأنت اعرف منــي بهالمواضيـع ... فارس اللي يضحك:حسبـي الله على شيطانك حتـى وأنت طايح بورطـه تفكيـرك خبيث ... نايف :تلميذك حبيبــي .. فارس :طيب ياتلميذي نجيب خلك جاهـز باي وقت يمكن اتصـل عليك ... نايف :اوكي واللحيـن تامر على حاجــه .. فارس :لابـس ضف وجهك .. نايف :اوكي أنت تمون ,,مع السلامه وقفل قبل لايسمـع رده .. =============================== نزل تحت وقابــل أمـه اللي شكلهـا توها راجعـه من السوق .. شيخــه اللي تفصخ عبـاتها وتعطيهـا الشغـاله:وش فيك لك يومين ماتطلع من البيت .. نايف وهو يحك وجهه :مسويه روحك ماتدرين ليش .. شيخــه :الا ادري بس ماتوقعت ولدي الوحيـد خواف لهدرجـه قلت لك تطمـن كلمت خالك وهو ماراح يقصـر ... نايف :ادري أنه ماراح يقصـر بس ماراح يسوي شي لين اوقف وانا مابغـى ادخـل السجـن لوسـاعه .. شيخــه :وش فيك صايرلي دلوع خايف من ساعـه تقضيهـا بالسجـن .. نايف بمكـر:انا كـل اللي ابيـه مصلحتكم مابي احـد يتكلم عنـا لأنـي لو دخلت السجـن الخبـر أكيد بينتشـر .. شيخـه بخوف من الفضحيـه :ايه والله معك حق ,,والسواه اللحيـن ... نايف :ماتبغـين تنفضحيـن خليني اسـافر ولاخلص الموضوع ارجــع .. شيخـه :وجامعتك .؟ نايف :الله عا والجـامعه اللي يسمعك يقول مره فالح فيهـا .. شيخــه :وليـه ماتفلح وش ناقصك اللي اصغـر منك تخرجوا وتوظفـوا وأنت للحين تدرس ... نايف :يمـه انتي تدرين لو علي تركتهـا من زمـإن بس أنا للحين ادرس عشـإن خاطرك بـس ,,بعدين مو وقتـه هالكلام .. شيخـه :الله يهـديك سو اللي تبيـه اصلاً من متـى سمعت كلامــي .؟ ناظـر نايف بأمـه اللي انشغلت بجوالهــا وشكلهـا متضـايقه من اللي قال لها بس هي اللي عودت على كـذا من يوم كان صغيـر اللحين يوم كبر وصار رجال تبغاه يمشي على كلامها .. قـام نايف :عن اذنك يمـه بروح انام .. شيخـه وللحيـن مشغوله بالجوال:اذنك معك ولاتنسـى تمـرعلي قبل ماتسـافر عشان تأخذ فلوس ... |
|
|
|
|
12-08-2016, 03:48 PM
|
#5 | |
|
رد: رواية الزمن طبعه كذا روايه جديدة الجزء الثالث 2017
كان نايم على ســريره ومتغطــي باللحــاف يتظــاهر بالنوم ,,,من أمــس وفبـاله كـلمه وحــده تردد كل ماحاول يفكــر فشـي ثانــي رجع صدى الكلمــه يتردد بأذنــه (لو مارجعت أحســن ..لو مارجعـت أحســن),,وش اللي غيــرك ياســالي ماذكـرك قاسيــه كنت اتوقـع بتطيرين من الفرحـه موأنتـي اللي كنتي ترجيني مأسـافر مو انتي اللي كل ماكلمتك سألتينـي متـى بأرجــع .؟ معقــوله سالي اللي طول عمــرها تحبنـي ومتعلقـه فينـي تعاملني بهالطـريقــه مانـي قادر اصدق .!!
كـان سعـود غارق بافكــاره وماحس الا باللي رفع اللحـاف عنـه بهمجيــه ونثـر عليـه مويا بارد ... سعــود :لا,,وش سويت ياســر ياكـ........,,ليش سويت كـذا .. ياســر اللي واقف وللحين ماسك اللحاف بيد والكأس بيد:تستاهل قاهـرني من البارح وانت نايم رحت لشـركـه ورجعت رقدت وصحيت وأنت للحيــن راقــد ... سعـود وهو يمسح وجهه بقميصـه :ياشين الغيــره تذبح صاحبهـا بحسرتــه ... ياســـر رمى عليـه اللحاف :بسرعــه تعال تغدى الاكـل برد ..وطلــع . ناظــر بسعــود اللي من جلس سرحـان ويلعب بالملعقـه بالصحنـه وبدون أحسـاس قاله :ودي اسألك أختك على ايش شايفــه عمــرهـا ؟! سعــود بأستغــراب :أختــي وش ذكــرك فيهـا اللحيـن .. ياســر بداخلــه :وأنا نسيتهـا ,,وقال لسعـود :لابس شفتك سرحان قلت أكيد تفكـر باللي صار أمـس ... سعـود قام من على الطاولـه وبحـزن قال:مادري وش اللي غيـرها ماكانت كـذا ,,مدري ليش كنت حاس انهـا ماراح تسكت على الموقف اللي صار بالمكتبــه للحيــن اذكـرها وهي تقول :بتنـدم ياسعـود ,,وفعلاً انا اللحيــن بمـوت من الندم يعنـي وش كان بينقصني لوأنـي اول ماجيت رحت لهـم بس أنا جبـان وطول عمري بظل جبـان,, أخاف من المواجهـه .. ياســر بمواسـاه :سعود لاتجلس تلوم عمـرك عاد ,,أنت حــر بتصرفاتك وأختك المغروره ذي مالهـا دخــل والا تبغـى تمشيك على شورهـا .. سعــود وهو كاتم ضحكتـه :وأنت وش فيك حاقد على أختـي ياحـرام ماسوت لك شــي .. ياســر بقهــر:لاااااتضحك ,,,ماسوت لي شـي أيـه صح بريئـه ماسوت شــي مو أنا سبب خرابك وأنا اللي ابعدتك عنهــم ... سعود :معهـا حق ماقالت شـي غلط ... ياســر :سعيـدان حـل عنــي بتغــداء ... سعــود وهو يضحك:ههههههههههههههههه,,حلوه سعيــدان ... ياســر بأستغــراب :وش اللي يضحك فيهـا .. سـعود:ذكرتنـي بالسالي يوم كنـا صغـار ماتنادي سعــد الا سعيـدان رغم أنهـا كانت اصغـرنا الا أنهـا هي الوحيـده اللي ماتخـاف منــه وتوقف بوجهه ... ياســـر : اصلاً المفروض هو اللي يخاف منهـا أختك هذي غوله تخوف ماتخاف .. سعود بعصبيـه مصطنعه :هيي حدك الا أختـي ماسمحلك تغلط عليهـا .. ياســر بتكبــر:مولازم تسمــح ,,زوجتــي واغلط عليها بكيفي ... سعـود بقهـر:اقووول ماودك تضف وجهك وتروح لأهلك ... ياســـر:ليه جالس على راسك ,, وبعدين اهلي بالبيت ماراح يطيرون لاحق عليهم ... سعـود بتريقه :وانا بالشقـه ماراح اطيـر ... ياســر :ومن قال أني جالس علشانك ... سعود :اجل وش اللي مجلسك للحين عندي ماتروح لأهلك ... ياســرعطاه نظره وقام بيطلع :مالك دخــل .. سعود :تعال وين بتروح .؟ ياســر: احس بخمول بروح اجري ,,بتجـي معي ... سعـود اللي تمدد على الكرسي بكسـل:لا برجع انام .. ياســر وهو يطلع :بكيفك ,,بس لاتنام عن الصلاه .. وهج بصرخــه تردد صداها بكل البيت:ساااااااااااااااااااااالي ,,, كل اللي بالبيت راحو يركضون للمكان اللي جاء منه الصوت حتى جُنى اللي ماتطلع من غرفتها يوم سمعت الصرخـه طلعت ركض لغرفة وهج وسالي,,كانت سالي مغمـى عليها ووهج تبكي عندهـا وتحاول تصحيهـا .. جُنى بخوف :وش فيهـا ... أم ناصر وهي حاطه يدها على قلبها وقبل ماتنتبه لسالي اللي طايحه على الارض:وش فيك ليش تصرخين .. وهج وهي ترتجف من الخوف :سالـ..ي مادر..ي وش فيـ...ـه..,,وماقدرت تكمل وجلست تصيح .. فتحت سالي عيونها وشافتهم متجمعين عليها ويناظرونها بخوف و وهج تبكـي .. سالي بتعب:وش فيكم ,,آآآآآآي راسي ..وتسندت على الجدار وجلست على الارض ... أم ناصــر بخوف:يمه سالي وش فيك .. سالي باستغراب :مافيني شي هذي دوخـه دايم تجيني بس اليوم صارت قويه واغمى علي .. وهج :يعني مافيك شي ... سالي بممل :يووووه قلت لك مافي شي وخري عني بقوم,,وناظرت بجنـى اللي توها تنتبه لهـا :مبرووووك طلعتي من الحبس لانفرادي ... جنى برود :وشو حبسه يعني الواحد اذا جلس لحاله صار حابس نفسه ,,وناظرت بوهج بقهر:وانتي مره ثانيـه مو تخوفينا بهالطريقه ..وهي طالعـه صدمت ناصــر اللي جاي يركض وهو مرعوب لأن هديل اول ماشافت سالي طايحه على الارض اتصلت عليه وقالت له إن سالي ماتت ,,ناصـر كان قريب من البيت أول ماسمع كلامها جاء طيران .. ناصر وهو تعبان من الركض:وش فيكم ..؟ وش فيها سالي .؟ أم ناصــر بتطمنه :مافيها شي بس اغمى عليها واللحين صحت .. ناصـر بقلق وهو يوجه كلامه لسالي :متأكده أن مافيك شــي .. سالي :قلت لكم مافيني شي ,,لاتكبرون الموضوع .. ناصــر جلس على كرسي جنب الباب وفك ازارير ثوبه :الحمدالله ,,اووووف انهبلت يوم قالت لي هديلوه سالي ماتت مادري كيف بثلاث دقايق وصلت البيت .. وهج :معها حق حتى أنا حسبتها ماتت ... سالي :بسم الله علي توني صغيره لهدرجـه مثقله عليكم تبغوني اموت .. ناصــر بقهـر وهو واقف بيطلع:ياني ودي ازنطك على اللي سويتيه أمس بس بخليك اللحين لأنك مريضه .. أم ناصــر هزت راسها بأسف :لاحول ولاقوة ولابالله ,,وطلعت ... سالي بأستغراب :لايكون امكم من صدقهـا تبغاني أموت ... وهج بحنيه:محد يبغاك تموتين ,,حنا كلنا نحبك .. سالي بدلع :ايه واضح بالمــره .. وهج بحزن:حرام عليك ليه تقولين كذا شفتي شي يشكك بحبنا لك .. سالي :شفت لا بس احـــس .. وهج :سالي بس ترى قهرتيني .. سالي وهي تطلع لسانها :هذا اللي ابغاه ,,واللحين انزلي جيبي لي شي أكلـه .. وهج :بجيب لك بس عشانك مريضـه .. اول ماطلعت وهج اخذت سالي جوالها وكتبت رساله ارسلتها لياســـر ... ============================== |
|
|
|
|
12-08-2016, 03:48 PM
|
#6 | |
|
رد: رواية الزمن طبعه كذا روايه جديدة الجزء الثالث 2017
جلس يطالع برساله اللي وصلته من سالي ويقراها كذا مره ,,لين استوعب قصدهـا اللي ضحكــه من قلب :صدق هالبنت غريبـــه بــس ولو تكــرم عينهـا لها اللي تبيـــــه ..
واتصــل فيهــا ... سالي يوم شافتــه اتصـل كانت بتسكره بس يوم شافت وهج ارتبكت وفتحته بدون ماتدري .. وهج :وش فيـك .. سالي بأرتباك :هاه مافيني شــي ,,وين الاكـــل .. وهــج :مو أنا راجعــه عشـإن اسألك وش تبغيــن .. سالي بتصـريفـــه :أي شي كل شـي يجي منك حلـــو ... وهج :غريبــه قبل شوي معصبــه علي واللحيــن طايحــه فيني مــدح .. سالي بعصبيـه :اللحين بتنزلين ولاانزل انا بنفسي .. وهج اللي وقفت :خلاص انا بنزل بس انتي لاتعصبين موحلو شكلك وانتي معصبـه .. سالي بقهـر بعد ماطلعت وهج :اوووووف وبعد ايش طلعتي بعد ماقفــل ,,آآآه يالقهــر اعرفه ماراح يرجع يتصــل وانا مستحيل اتصـل فيـه ,,الله يسامحك ياوهج ضيعتي علي فرصه من ذهب .. ================================ (بعــــد مــرور شهر من الاحداث السابقه) دخل البيت والارهاق واضح عليه شاف أمه اللي كانت جالسه تنتظره وباين عليها التوتر .. فاطمــه :اللحين شرفت موقايل لي بترجع تسع واللحين اثناعش ... ياســر :سوري يمه ماحسيت بالوقت الشغل كان كثير ... فاطمــه بعد تردد:طيب تعال اجلس بكلمك بموضوع .. ياســر بملل :اذا بتكلمين عن موضوع زواجي لاتعورين راسك لانــي ماعندي استعداد اتناقش بالموضوع .. فاطمـه :لاتستعجل بالحكم أنت اسمعنـي اول بعدين اعترض .. ياســر وهو يسترخي على الكرسي :تفضلـي اسمعك ,,بس اذا كنتي جايبه لي واحد من عيوب سالي اقولك مابي اسمعه لاني خلاص حفظتهن .. فاطمــه بقهـر من سيرة سالي اللي ترفع ضغطهـا :مو بهذا الموضع اللي بكلمك فيــه ,,انا خلاص قطعت الرجاء انك تغير قرارك بس هذا مايمنع اني ابغى افرح فيك .. ياســر باستغراب :وش قصدك .؟؟ فاطمــه :ابغــى افرح فيك بسويلك حفلة ملكــه اللي حرمتنـا منهـا يوم تزوجت من ورانا ,,وبعد مابغـى الناس تكلم علينـا ... ياســر بداخلــه :هذي والله الوهقــه اللحين سالي وش يقنعهــا أكيد بتسوي أي شي عشان تخرب علي بس الحفله هذي لازم تصير انا ماصدقت امي ترضــى ... ياسـر :خلاص يمه سوي اللي تبينــه .. فاطمــه بحسـره :كنت اتمنى اسمع الكلمه هذي منك يوم اشاورك بالبنت اللي بخطبهـا لك .. ياســر :خلاص يمه الموضوع هذا انتهينا منه .. ================================ كانت تطلع الدرج وهي سرحانه الوقت يمــر بسرعـه باقي اسبوعين وتبـدا اجازة طلاب الثانويه العامه وجُنـى للحين موراضيـه تداوم لازم تحاول معها لاموتحاول لازم تقنعها قفزت سالي على هالفكره وكملت طريقهـا لغرفــة جُنـى اللي صارت سجنها عشان تقنعهــا ..دخلت عليهـا ولقتهـا كعادتها واقفه بالبلكونه ... سالي بمرح وهي تدخل راسها من ورى الباب :سلااام ياقميــل .. جُنــى :اهلين ... سالي :تصدقين جُنــى توني ادري انك شينــه .. جُنـى برود :طالعــه عليك ... سالي وهي تجي وتوقف جنبهـا :لاعاد تصدقين وش الشي اللي فعلاً اكتشفته فيك بهالفتره . جُنــى :قولي . سالي :انك جبانــه .. جُنـى لاجواب .. سالي :ماسألتينـي ليش .. جُنـى :مايحتاج اسألك لاني عارفــه الجواب .. سالي :وشو الجواب .. جُنــى :اكيد تقصدين لأني جلست بالبيت واستسلمت للي صارلي والمفروض اني اكون قويه ومأستسلم بهالسهوله عشان مأفرح العذال فيني ..مو هذا الكلام اللي كنتي بتقولينه .؟؟ سالي بملل :خطـا ماتوقعتك غبيــه بعــد ,,نسيتي أني سالي وماعرف اتكلم بالمثاليه هـذي ... جُنــى بحيره :اجل وش قصدك .. سالي :قصدي واضـح بس انتي ماتبغين تفهمينــه,, لأنه وللأسف طريقة تفكيرنا وحده فالمفروض تكونين فاهمتنــي .. |
|
|
|
|
12-08-2016, 03:48 PM
|
#7 | |
|
رد: رواية الزمن طبعه كذا روايه جديدة الجزء الثالث 2017
جُنـى :ادخلي بالموضوع مالي خلق تلميحاتك ..
سالي :جُنـى اسألك بالله جاوبيني أنتي تعرفين من ورى اللي صارلك صــح .. نزلت جُنــى راسهــا .. سالي :وساكتــه ماكذبت يوم قلت عنــك جبانــه ,,لوكنت بمكانك ماسكت ورديت لهم اللي سووه فينـي .. جُنــى :وش تبغين اسوي انا ماني مثلهم وماعرف للأنتقــأم .. سالي بحماس:بس أنا اعرف ,,أنتــي بس اسمعينــي وصدقيني ماراح تندميــن باخذلك حقك منهـم واقلبهــا على روسهــم .. جُنـى :وش بتسوين .؟؟ سالي :لاحبيبتي ماحزرتي انتي اللي بتسوين أنا بس اخطط ,,عندي مخطط لهــم يوديهم بستين داهيــه ويخليهم يموتون بحســرتهم بس قبل قوليلي وش بينك وبينهم ... قالت جُنــى لهــا كل السالفــه ... سالي :آهااا طلع الموضوع كــذا .. جُنــى :واللحين وشو المخطط اللي بيموتهم بحسرتهم على قولتك ... سالي :اللحين كم بقى على الامتحانات .. جُنـى :ثلاث اسابيع ... سالي :يعني مابقى شــي وأكيد الكل بدى يستعـد لهــا ومتجهــزين انهم يدخلون امتحانات الوزاره الاانتــي يالمسكينــه جالسه تندبين حظك ,,وش رايك لو قلبنــا الموازين وخليناهم ينحرمون من دخول الامتحانات وانتي تدخلينهـا مرفوعـة الراس .. جُنــى :وكيف بتسوين كذا والله لومعك العصــا السحــريه .. سالي بمكــر: بورطهم بشــي ينفصلون بسبته ومايقدرون يدخلون امتحـانات الوزاره ويضيع تعبهــم في مهب الريح وشي هــذا بنسويه قبل الامتحـانات بأسبــوع ... جُنــى :وش الشي الخطير هذا اللي بينفصلون بسبتــه ... سالي بسخريـه : انا اقـولك ................. جُنــى بصرخـه وهي توقف:انتي أكيد انهبلتي اللي قلتيه مستحيــل اسويه ,,,انتي بتورطين قبل ماتورطينهم .. سالي بحنكه :اهدي وش فيك نقزتي تقل مقروصــه ,,حبيبتي تبغين تنتقمين لكرامتك المهدوره بتنفذين اللي أقوله .. جُنـى بخوف :لاسالي مأقدر تصوري لوتورطت ,,لودرى ناصــر وامي ,,لااا ماقدر .. سالي :افااا تشككين بخطتـي ,,وبعدين وين راحت شجاعتك شي سخيف زي هذا يخليك ترجفين زي الورقـه... جُنــى باحباط :شجاعتــي راحت مع العلقه اللي اخذتهــا .. سالي :والشي هــذا لازم يكون دافع لك عشان تسترجعين ثقتك بنفسك لازم تنتقمين لكبريائك ولا ماتكونين جُنـى اللي اعرفهــا .. جُنــى :طيب من وين بتجيبيــه ... سالي بمكــر :اعرف وحده من البنات اللي بالجامعــه تبيعــه .. جنـى بصدمه :معقوله سالي تعرفين هالاشكال .. سالي بثقه :ماعرفها معرفه شخصيــه بس اسمع فيهـا واعرف شكلها بس ماعمري تعاملت معهـا ... جنـى :ومتى بتكلميها بالموضوع .. سالي بحماس :بكــره وبخليها تجيبه لي باقرب فرصــه ... جنــى :لاوش باقرب فرصـه لاتاخذينــه منهــا إلى قبــل الاسبوع الاخيـر بيوم ,,ولاتبغين تحتفظين فيه بالبيت ... سالي :ليه الموضوع على كيفي اتشرط وبعدين لاتخافين بيبقى معــي لين تطلبينه ... جنــى بخوف :سالي بس كذا انتي بجيبين لنفسك مشاكل انتي بغنـى عنهــا .. سالي بنرفزه :وبعدين معك انتي وش فيك صايره خوافه كذا الله يرحم ايام المغامرات يوم حتى بيت الجيران ماسلم منك .. جنــــى بصرخــــــه وهي تضرب راسهــا:لااااااا كيف نسيــــت ..... نهــــاية الفصــــــل الجــزء العاشــر الفصــل الثانــي : :وش اللي نسيتيــه .. جُنــىبارتباك :هاه من.. وهج طيحتـي قلبي..... وهج :وش عندكم مجتمعين .؟ سالي بمرح :ولاشي بس الآنسه جُنـى تنازلت وقررت من بكره تداوم .. وهج بفرحه :صدق جُنـى .. جُنـى :انا قلت بداوم بس موبكره .. سالي :طيب وش الفرق بكره أو بعدين .. جُنى :مافيه فرق بس انا ماحب اداوم بنص الاسبوع من السبت الجاي اداوم ... سالي جلست تأملهــا و تفكــر ... جنى :وش فيك تناظريني كذا ... سالي :اخاف يكون عذر ولاجاء يوم السبت غيرتي رايك .. وهج :لا جُنـى عند كلمتها صح جُنــى .. هزت جُنـى راسهـا بالموافقــه على كلامهــا ورجعت تفكر بخطة سالي مو مقتنعه بالفكره تحس انها بتضر احد وبتبالغ بمضرته ،،بس هم ماقالو هالكلام يوم فكروا ياذونهـا,, اجل يستاهلون اللي بيجيهم ،،بس احس إن تربيتي ماتسمح لي اسوي كذا ماتصور نفسي احمل شي مثل هذا احس نفسي مجرمه قذره،، مدري وش العقليه اللي تمتلكها سالي تخليها تفكر بهالطريقه الدنيئه,,لودروى امي وناصر وش بتكون ردة فعلهم وكيف بتكون نظرتهم لي ,,وش ذنب أمي اللي ربتني وتعبت بتنشأتي على الطريق الصحيح وش ذنبها يقولون الناس انها ماعرفت تربي ...====================================== بكفتريا الجامعه.. سالي كانت جالسه مع وهج وعبير بس حالتها ماكانت طبيعيه كان واضح عليها التوتر وكانت تسرح كثير ... عبير :وهج وش فيها خالتك .؟ وهج باستغراب :وش فيها!!.مافيها شي .. عبير :أي مافيها شي ماتشوفينها كيف متوتره ومن جلسنا وهي سرحانه ,,وحتى اللحين مو منتبهه انا نتكلم عنها .. وبهاللحضه دق جوال سالي اللي ردت عليه بسرعه وبعد ماقفلت قامت وهي تاخذ شنطتها :عن اذنكم بروح اخذ دفتري من بدور .. عبير:طيب خلينا نروح كلنا .. سالي :لامايحتاج خليكم جالسين عشر دقايق وراجعه ...وراحت قبل ماتسمع ردهم .. عبير التفت على وهج :شفتي مو قايله لك البنت مو طبيعيه .. وهج براءه :الصراحه انتي مكبره الموضوع ,,ولاسالي من متى صارت طبيعيه هي دايم كذا متقلبت الميزاج ماينعرف لها .. ======================================= وعند سالي اللي كانت تمشي للمكان اللي مواعده بدور فيه وهي متردده ..شافتها واقفه ومعها كم بنت كان بترجع بس بدور يوم شافت سالي راحت لها ,,وسالي جمدت بمكانها ... بدور وهي تسلم على سالي :اهلين سالي كيفك .؟ سالي بتكلف لأنها ماتحب المجاملات وتحب تدخل بالموضوع مباشره :تمام كيفك انتي .؟ بدور بدلع :من شفتك صرت بخير ,,وبجديه :وش الصدفه السعيده اللي دلتك طريقنـا .. سالي وهي تشبك اصابعهـا بتوتر: بغيت منك خدمـه .. بدور بابتسامه :آمري موبخدمه بخدمات لوبغيتــي ,,ساعه مباركه عندي اللي اخدم فيها سالي وغمزت لها .. سالي :تسلمين لي والله ,,اممممممم بدور ابغاك تعرفيني على داليـا ... داليا بلاهه :داليا مين .؟ سالي :ومن غيرها داليا الـ...... صاحبتك .. بدور بعصبيه :لاتقولين صاحبتي كانت واللحين ماتشرف بصحبتها ,,بعدين وش تبغين فيهـا .. سالي وهي تكتف يديهـا :ابغاها بشغله بتوديني لها ولا أدور غيرك .. بدور برجاء:سالي ابعدي عن داليا ترى مايجي من وراها خير ... سالي بتافف:بدور لاتلعبين لي دور الناصحه خلصيني وراي محاضره .. بدور :يعني لازم داليا ... سالي بقلة صبر :بدووووووور. بدور باستسلام :خلاص بوديك لها والله يستر ,,امشـــي .. والتفتت على شلتها :عن اذنكم بنات واشوفكم بالمحاضره .. دورت عليهــا بدور بالأمـاكن اللي متعوده تشوفها فيهـا بس مالقتهـا.. بدور بأمـل :شفتـي مالقيناها الله مو كاتبلك تقابلينهــا .. سالي بحزم :دقي عليهـا وشوفـي وينهــا .. بدور:هاه ..رقمهــا مو معــــــي .. سالي :بدور والله مالي خلقك دقي عليها خلصيني .. |
|
|
|
|
12-08-2016, 03:49 PM
|
#8 | |
|
رد: رواية الزمن طبعه كذا روايه جديدة الجزء الثالث 2017
داليا بطريقه مسرحيه:لامستحيل مو مصدقه بدور بجلالة قدرهـا جايه لحد عندي والله ماصدقت انك متصله علي لين شفتك اللحين ..
بدور بملل :داليا خلي عنك هالمجاملات انا موجايه لك انا بس جايه عشان اوصل سالي لك ,,وكانها تذكرت شي :اعرفك على سالي الـ......... قاطعتهـا داليا :سالي صالح الـ........ بدور بسخريه:ماشاءالله تعرفينهـا .؟ داليا بمكر:وهل يخفى القمــر..؟ سالي ماعجبهــا الوضع :داليا ممكن تتركين عنك هالكلام ,,والتفت على بدور :بدور شكـراً على التوصيلــه .. وبعــد ماراحت بدور .. داليا :آمري سالي وش طلبـاتك .. طالعتهـا سالي بتردد اللحين بس حست بجدية الموضوع تكمـل للآخر ولاتنسحب وتريح عمـرهـا ...======================================= دخل وهو يشيل بيده شنطه سوداء رماها على اول كرسي صادفه سمع صوت أمه تكلم مع الشغالات بالمطبخ ونادا عليها... أم نـاصر وهي تدخل الصاله:هلا يمه متى جيت؟؟ نـاصر بضيق:توني جاي.. استغربت من رده الي باين فيه الضيق والهم.. أم نـاصر:وش فيك يمه تعبان.. نـاصر بتعب:آآآه يمه الظاهر المشاكل بترجع من جديد!! أم نـاصر:مشاكل ايش الي تكلم عنها؟؟ نـاصر:سالي,,ياسر جاني اليوم بالمكتب وعطاني مهرها ،،ويقول يبينا نشوف يوم يناسبنا عشان يسون حفله للملكه.. أم نـاصر بقلق:الله يسترمادري كيف بتصير ردة فعل سالي.. نـاصر:ارسلي الشغاله تناديها عشان نتفاهم معها الحين.. أم ناصـر:ميررري ميرري..وبعد ماجت الشغاله:روحي نادي سالي.. نزلت مع السلم وهي تتكأ مره على الجدار ومره على الدربزين،،قوموها من عز نومها ،،كانت بطنش ومابتنزل بس ميـري ماخلتها بحالها حنـانه،،ماصدقت توصل عندهم رمت نفسها على الكنبه وغمضت عيونها.. أم ناصر بعصبيه:سالي وجع صاحيه من النوم وماغسلتي وجهك!! سالي اللي تجاهد عشان تفتح عيونها اللي للحين مسكره:اوووه وش تبون،،فيني نوم،، قولو الي عندكم بسرعه عشان ارجع انام.. ناصر:طيب انتي صحصحي شوي عشان تستوعبين اللي بنقوله.. سالي اللي جالسه تمسح عيونها بقوه عشان تركز:خلااااص قولو صحصحت.. قام ناصر يجيب الشنطه وعيون امه تراقبه،،بالوقت اللي سالي ارجعت تسترخي على الكنبه وتغمض عيونها،،رجع ناصر يجلس ومعه الشنطه.. ناصر بقهر من سالي:ساااالي.. سالي:اووووف الله ينكد عليك مثل ماخربت علي نومتي،،وش تبي خلصني.. ناصر :لا تجلسين تدعين كنك عجوز،،بعدين فتحي عيونك عشان اقدر اكلمك.. سالي:انا اسمع باذوني،،قول وش تبي؟؟ ناصر:تفضلي،،ومدلهاالشنطه.. قامت سالي بتشوف وش بيعطيها،،وستغربت يوم شافت الشنطه،،وماتوقعت ابد اللي فيها:وش اسوي فيها؟! ناصر الي للحين ماد بيده لهاالشنطه:خوذيها هذي لك افتحيها وشوفي وش فيها.. اخذتها سالي بدون تردد وفتحتها.. قال ناصر بعد ماشاف الدهشه على وجه سالي بعدما فتحت الشنطه:هذا مهرك جابه لي ياسر.. حركت سالي وجها بقرف يوم سمعت اسمه.. أم ناصر:سالي الفلوس هذي مومن حقك انتي اخذه مهرك من سعد.. سـالي بـتـريـقـه:ليــه انـا مـتـزوجـه سـعـد!! أم ناصر:الفلوس هذي بترجع لسعد.. سـالي وهي تسكر الشنطه:بـالمـشـمـش.. ناصر:كم اخذتي من سعد؟؟ أم ناصر ردت يوم شافت سالي مطنشه وماعندها نيه ترد:500 ألــف.. نـاصر:وهذي 500ألــف ،،يعني مليووون وش بتسوين بمبلغ كبير زي كذا؟! سالي بعصبيه:انشالله احرقه محدله دخل فيني.. ناصر سكت عنها مع انه مو براضي على تصرفاتها،،بس عشان ماتعصب وبعدين كيف بيتفاهمون معها على الملكه،،بعد صمت دقائق:سالي ياسر بيسوي حفله للملكه.. سالي بعدم اهتمام:خله ايسوي احد قاضبه.. أم ناصر:بدون استهبال حنا نتكلم معك جد.. سالي:ليه انا امزح حتى انااتكلم جد بيسوي حفله خلوه ايسوي انا شكو.. ناصر:لاياشيخه الحفله المقصود فيها انتي مو هو.. سالي اللي كانت مشغوله بتفكير بالفلوس وما ركزت بكلامهم الابالأخير،،اوقفت بعصبيه وانواع الشتايم لياسر واهله ولأعتراضات تتزاحم فبالها،،لكن فجاءه هدت كل ثورتهاوجلست بهدؤ،، وكان واضح على شكلها انها تفكر وتوزن الأمور فبالها بعقلانيه هذا الي واضح للي يشوفها،،بـس تفكير سالي بعيد كل البعد عن تصوراتهم،،وعقليتها الداهيه مشغوله بحبك الخطه اللي بيدفع ثمنها ياسر وهي تطلع منها براءه،،بتخدعهم وتتلاعب فيه،،ورجعها للواقع صوت ناصر اللي يسألهاعن ريها.. سالي بهدوء وهي تقاوم ابتسامتها الخبيثه:قلت لك خله يسوي الي يبي.. أم ناصر:يعني موافقه.. سالي:الحين ماشورتوني يوم زوجتوني،،جت على ذي اللي تهتمون فيها لرايي،،حتى لو رفضت وش بيتغير انكتب علي اتزوج انسان **** زي هذا.. ناصر:امووت واعرف وش اللي مخليك تحقدين عليه،،الرجل وش سوىلك اهلك هم الي غصبوك عليه.. سالي:قمة الغباء انك تسوي عمرك موفاهم،،ماسألت نفسك ليه ولد عمك اصر على زوجه مني رغم معرفته برفضي.. ناصر:بكل بساطه لأن ياسر مايحب ينرفض واذا بغى شي لازم ياخذه.. سالي سرحت فكلااام ناصر ووصلت لشي وحد،،ياسرلازم يطلع من حياتها،،لانها مستحيل تقبل تعيش مع انسان هذا تفكيره ،،بعدين هي لاغيـه فكرة الزواج من حياتها اوف مره اووف مرتين اوووف مليوووون،،وبعدين مع هالحاله الاشاره ساعه عشان تفتح،،سمع طرقات على شباك سيارته،،كان طفل صغير يبيع مناديل بطريقه مؤدبه للاستجداء فتح اشباك واخذ منه علبتين رماهم باالمقعد الخلفي بعدماعطاه مبلغ محترم،،بعدها بدقايق فتحت الاشاره وانطلقت السيارات وكأنهم في حلبة سباق؟!دق جواله وهو فطريقه للبيت،،يوم شاف المتصل .. ابتسم ياسر:هلاااا والله.. سعود:لاتقولي أنك تغديت.. ياسر:لا ليه؟؟ سعود:طيب،، أنت وين؟؟ ياسر:توني طالع من الشركه وبالطريق للبيت.. سعود وهو يناظر ساعة يده:توك تطلع؟! ياسر:لاطالع من نصف ساعه بس عطلتني الأشاره.. سعود:طيب تعال للشقه عازمك على الغداء.. ياسر بتريقه:وش عنده حاتم الطائي!! سعود بحسره مصطنعه:هذا جزاتي من الصبح واقف لك بالمطبخ اسويلك احلى كبسه.. ياسر: طيب حبيبي ولايهمك دقايق واكون عندك.. سعود:لاتأخر،،وقفل ياسر:مصدق أنت وجهك اني بأكل من طبخك،،ومر على المطعم واخذ لهم غداء.. |
|
|
|
|
12-08-2016, 03:49 PM
|
#9 | |
|
رد: رواية الزمن طبعه كذا روايه جديدة الجزء الثالث 2017
بسسسسسسسسسسسسسسسسسسسسسسسسسس ،، كلاًجمد على حركته وعيونهم بسالي اللي ماسكه راسها: ولاكلمه ذبحتوني جبتولي صداع نصفي وبعدين معكم ماتعرفون تاكلون وانتم ساكتين..
سامي بلع اللقمه اللي نشبت بحلقه بصعوبه وقال:بسم الله علينا وش هالصرخه غصيت كنت بموت.. سالي:ماتبغى تغص لاتكلم وانت تأكل.. سامي جاء بيرد بس أمه قاطعته.. أم ناصر:سامي وش قالت خالتك خلاص مانبغى كلام على الاكل،،والتفتت على سالي وقالت:اشوفك من تكلمناعن الملكه من اسبوع وانتي الا اللحين ماجهزتي نفسك.. امممم وش اقولكم عن سالي بها للحضه تعرفون لاكانت الاخلاق عند الواحد قافله واصله معه،،ويجي واحد يتسيخف عليه >>>من وجهة نظر سالي،،كيف يكون الشعور.. بدت تهز رجلها وتعض على شفايفها السفليه بمحاوله لكبت غضبها،،سالي ريلاكس اهدي لا تفضحين نفسك عشان شي مايسوى،،بس من قال سالي تقدر على ترويض انفعالتها،،رمت الملعقه بعصبيه وصرخت:اصلاً من قال اني موافقه،،انا كنت بلعب عليكم والاأنا مستحيــل ارضى بشي مثل هذا فاهمــه كنت بلعب عليكم يأغبيــاااااااااء ،، ولاعاد تتكلمين معي بهالموضوع.. وطلعت بعد الزوبعه اللي سوتها.. أم ناصر:وش قاعده تقول هالمجنونه،،اكيد انهبلت.. وهج بمحاوله لتغطيه على كلام سالي:يمه وش فيك صدقتي وكأنك ماتعرفين خالتي سالي لا عصبت تجلس تقط حكي وتمشي.. هديل بلقافه:يقولون الوحد لاعصب يقول الحقيقه؟! عادل بقهر:وانتي وش دخلك يافرخ الجني؟! أم ناصر بدهشه:عادل وجع وش هالكلام !! وهج تكمل:بعدين سالي كانت تعبانه من الصبح وانتي يمـه زدتيها بكلامك عن هالموضوع .. أم ناصر:اناماقلت شي تكلمت معها بحسن نيه الأخالتك اللي مادري وش صايبها هاليومين ماتنكلم.. جُنى:مافيهاشي بس الأمتحانات على الأبواب واكيد متوتره.. أم ناصر:ومن متى سالي تأثر فيها الأمتحانات،، ياجبل مايهزك ريح.. وهج بضحكه:يمه بتنطلين اختك.. أم ناصر:بسم الله عليها،،بعدين أنا عيني بارده..===================================== فتح سعود باب شقه للي دق الجرس لأنه مايقدر يفتح الباب من الاكياس اللي حاملها.. ناظر فيه سعود بدهشه:لاياشبخ والغداء اللي داخل من بيأكله.. ياسر وهو يدخل:ياسعود ياحبيبي هدء اعصابك وخلني انزل الأعراض بالمطبخ بعدين نتفاهم.. سعود :هاه نزلت الأغراض يله قولي وش تفسر لي تصرفك هذا اني اطبخ غداء وانت تجيب من برا.. ياسر : الحين وين غداك.. سعود: على الطاوله برا تفضل.. سعود: هاه وش رايك؟! ياسر:يجنن سعود يخرب بيتك من متى تعرف تطبخ؟؟ سعود: من زمان خبرك عتيق.. ياسر : افا ينذل ولاعمرك طبختلنا.. سعود: الصراحه انا طبخ عندي مزاج يعني مو كل مره تظبط معي تجي على هفات.. ياسر : اقول سعود انشاء الله اختك طالعه عليك تعرف تطبخ.. سعود يتكلم وهو يأكل:ياخي انت ماتعرف تسكت خلنا نأكل وبعدين اسال زي ماتبي.. وبعد مابلع الي بفمه :بعدين جالس تسالني عن اختي وكأني عايش معهم مو كأني من ست اسنين ماشفتهم.. ياسر : طيب هد وش فيك،،كل هذا عشان الأكل ترى مو طاير.. سعود:تدري مو شاره عليك ادري اختي مذوبتك بحبها.. طالعه ياسر بنظره فارغه لاتحمل اي معنى وكملو غداهم بالصمت..==================================== دخل عليه وشافه متنرفز وهو يتكلم بالتلفون ماحب يقاطعه انتظر لين خلص وساله :وش فيك معصب من تكلم؟! نايف:الوالده صجتني كل ماكلمتها سألتني متى بترجع؟! فارس :عادي حتى انا ابوي كل يوم متصل يقول ارجع مادري وش عنده ؟ نايف :اتصدق اللحين اتمنى لو خالي ماتدخل وحل القضيه؟! فارس:لاتكفى ماني متصور انك ترجع على حالتك قبل ماتنحل القضيه .. نايف :اقول غير الموضوع مو وقتك خفة دمك .. فارس بخبث :اقول ابونوف مانت خايف من جميل لارجعت تعرف ذا شيطان مو هين وأكيد مو تارك حقه ... نايف بتكبـر :انا اخاف من جميلوه الصراحه ماحسبتها صح تلقاه هو اللي لسمع اني رجعت الديره بيهج منها .. فارس :جميـل يسوي كذا شكلك للحين ماعرفته زين صدقني ماراح يخليك بحالك ... نايف :والله أنت اللي معطيه أكبر من حجمه ,, واذا فكـر يأذيني بيكون حفر قبره بنفسه ,,بعدين هذا يحمد ربه انه عاش بعد اللي جاه مني وزين ماصابته حاله نفسيه بعد اللي شافـه .. فارس بدهشه :نايف وش هاللهجه الاجراميه اللي تكلم فيهــا .. نايف :اقول فويرس اذا بنتكلم بالأجرام فحسلك تسكت على الأقل انا اواجه رياجيـل وبالنور ,,مو احط راسي براس بنت لاوخطط لها بالظلام .. فارس :قسم بالله أنك مو بصاحي حل عنـي يا..! نايف بضحكه مجلجله :فويرس تعال وين رايح .؟ فارس :بروح لأي مكان ماتكون فيه .. تنهد نايف بعد ماطلع فارس :آآآآه لاتلومنـي يفارس إن غلطت بحقك بس كله من طيف موراضي يفارقنــي من يومين وشوقي له تخطى كل الحدود ... ============================================= سالي:وش هالحي أول مره اسمــع فيـه !! داليا بتريقه :هذا حي شعبي حي فقارى من عذرك لو ماسمعتي فيه مو من مقامكم .. سالي :المهم زي ماتفقنـا السواق بيجيك عطيـه الكيس اللي فيه الغرض ,,طبعـاً هذا اذا دل .. داليا بمكر :وليه ماتجين انتي بنفسك تخذين فيه غرضك ... سالي :وش قالولك بايعتهـا ,,وبعدين رقمي هذا امسحيه من عندك .. وهذي آخر مره اسمع فيها صوتك الشجي وبالجامعه لاعرفك ولاتعرفني ,,تدرين يالداليا اناوصلني خبر أنك معلمه أحد باللي بينـا والله ماتلومين الانفسك والله لخليك تمنين أنك ماعرفتيني بيوم ...وقفلت بوجها .. ناظرت بجُنى اللي جالسه عندها وسرحانه .. سالي :وش فيك ..؟ جُنى:قاعده افكر باللي بيصير بعد ثلاث أيام . سالي :وش بيصير بعدثلاث أيام ..؟ جُنى بملل :اووووه وش فيك أنتي ماتفهمين بعد ثلاث ايام اليوم المفتوح يعنـي بعد ثلاث ايام بس بستعيـد كرامتـي المهدوره بعـد ماشوفهم ذليلين وقـدام المدرسه كلهــا ومثل ماصرت انا حديث المدرسه شهــور هم بيكونون حديثها السنين .. سالي :أحلى يالقويه شكلك مره متحمسه مع أني توقعتك تكونين خايفـه .. جُنـى :انا بالعكس ولااحس بذرة خوف احس بتبلد وعدم مبالاه,,خاصـه بعد مادرست وشفت نظرات الشماته بعيونهــم ونظرات الشفقه بعيون غيـرهم ... سالي :زين منـك مسكتي نفسك لو أنا ماتوقع وش بيصير بس الأكيد مجزره ... جُنـى :لأني عارفه مصيرهم ماحبيت اوضح شي عشـإن مأكون محـل شك .. سالي :أهم شي الخطه تمشي مضبوط زي ماخططنا لهـا لأن أي خطـا بيوديك بداهيـه .. هزت راسهـا بالأيجاب والتزمت الصمت وكانهـا تفكر بشي وفجأه قالت :سالي على ايش ناويه .؟ طالعتها سالي بتسأل وش قصدك .؟ جُنـى :ملكتـك .!! سالي برود :وش فيهـا .. جنـى :وش بتسوين فيهـا .؟ سالي :بسوي اللي كنتي بتسوينه لو كنتي مكـاني .. جُنـى بداخلهـا :بتسوين مثـلي يعنــي بترقصين من الفرحه خصوصاً لوكان العريس مثل اللي فبالي .. سالي بعـد ماشافت نظرات جُنـى الماكره :مو مثلك أنتي بذات قصدي اللي تسويه أي بنت مكــاني ... |
|
|
|
|
12-08-2016, 03:50 PM
|
#10 | |
|
رد: رواية الزمن طبعه كذا روايه جديدة الجزء الثالث 2017
جُنــى :طيب ليش غيرتـي رايك مو كناقبـل حلوين ..
سالي :تبين الصراحــه لانك مرجوجه وتصرفاتك غيـر متوقعــه ومدري ليش يراودني أحساس أنك بترقصين لو كنتي مكانــي .. جُنــى :أكيد برقــص أذا كنت بتزوج واحد مثل ياســـر وسيــم وشخصيـــه وهيبــــه ...الصراحــه خســاره فيك يالشينــه وش رايك تنازلين لي عنــه .. سالي برود:ولايهمــك بكره تلقينه بحسـابك بالبنك ,,وبعــدين أنا شينـــه اصلاً تحمـدين ربك أن عنــدك خاله مثلي ولاولد عمــك القرد هــذا صـار حلــو كثريلي منهــا ... جُنــى :خلاص هـدي اعصــابك لاتقبين علينـا ,,كل هذا عشـإن قلت ابي ياسـر حلاص مابيــه .. سالي بقهر :جُنــى بدون قلة حيا وانقلعي عن وجهـــي ,,اللي يسمعك يقول ميتـه فيه مكأني اتمنى فراقـه اليوم قبل بكــره ... جُنــى وهي تقوم بتطلع :خلاص بنقلع عن وجهك زي ماطلبتي بس قبل حبيت اقولك اناصدقتك واقنعني كلامك العقلاني ..بااااااااااي .. سالي بقهــر:انا ناقصتهـا هذي بعد مابغت تفكر وتشغل مخهـا الايـوم الموضوع يتعلق فينــي ..================================== اوب اوب شوفوا من جالس بالبيت هالحزه والله عجيب بس جاء بوقتـه من زمان اتمنــى تجيني فرصـه زي هذي ارد فيهـا اعتباري ,,على باله نسيت الكف اللي جاني منــه واللحين جـاء وقت الأنتقـام .... نزلت بهــدوء وسلمت عليهم وجلست لاحضت أنهم سكتوا أول مادخلت مو مهم لوكانت بموقف ثاني كان ماعديتهـا بسهوله ,,ياســر يتابع التلفزيون وأمهــا اخذت مجله وجلست تقلب فيهــا ,,صبت لنفسها قهوه وهي تتلذ باللي بتسويــه ,,لفت نظـرها لياســر اللي كانت عيونه على التلفزيون بس الواضح أنه مو معـه سرحــان بخيالاتـه ياترى بمين تفكريأخي العزيز فيهـا ,,يوم وصلها تفكيرها لهالنقطــه .. نطقت بدون حاسيــه :يمـه تذكريــن داليـا .. فاطمــه بعدم اهتمــأم :داليـا مين ماعرف أحد بهالأســم . ناظــرت لأخوهـا اللي فاق من سرحانه على صوتها بس مطنش كلامهم وقالت بسرهـا :ياحلوك وانت هادي وياحلو اللي بتسمعه اللحين وبيثور شياطينك .. ورجعـت لأمهـا :يمــه مســرع مانسيتــي داليا اللي كلمتك عنهـا قبل كم يـوم اللي ساكنـه بحــي .....,,اللي أمهــا ..! فاطمــه بتقزز :اعوذ بالله من أبليس هذي وش جاب طاريهـا اللحيـن أم الطبوب والسحــور .. بسمــه بخبث :يمه هذي الام بس البلاوي الصدقيه عند بنتهــا سـوالفهــا تشيب الراس .. فاطمـــه :خلصينــي وش ورى هالسالفه الطويــله .. بسمــه :يمــه اصبـري علـي اللحيــن يجيك العلــم بس أنتــي عرفتيـها زين,,وانتبهت الياســراللي ترك التلفزيون ومركز معهم كملــت :أنا بس بقولك من شفت اليوم واقف معهــا وانتــي تدرين إن اللي يواقف مع هالأشكــال ويتكلم معهم أكيد بيكون من نفس طينتهـم .. فاطمــه باستنكار:وأنا وش عرفنــي ببنات جامعتكــم ... بسمــه :لايمــه عاد هـذي تعرفينهـا وتعرفينهـا زين ...وكانت وهي تكلم تناظر بياسر... فاطمــه :بس أنا ماعرف من جامعتكم الا فاتـن بنت عمتك لاتقولين أنها هـــي .. بسمــه :لايمه الله يهديك وش فاتــن ,,,فاتـن توطي نفسهــا لنـاس زي كــذا لاذي وحـده من مستــواهـا مويقولون الطيــور علــى اشكـالها تقــع .. فاطمــه بحيــره :اللحين تقولين اني اعرفها زين بعدين تقولين ماهي من مستوى بنت عمـتك يعنــي أنا من مستــوى داليوه يالخايســه ولاكيف عرفتهــا .. بسمــه وهي كاتمه ضحكتهـا:لايمــه فهمتينــي خطـأ موقصدي كـذا هـي مو من مستوانا بس الحظ الشين اللي عرفنـا فيهــا ... فاطمــه ارفعت المجله بوجه بسمــه بتهديد :بسـوم بتقولين ولاقطعت هذي على راسك .. وقفت ومشت لين اوصلت السلم .. فاطمــه :تعالي والله ماتروحيــن لين تقولين لــي .. بسمـه طلعت درجتين بعـدين التفتت علــى أمهــا وقالت :بقول بس من هنــا,, اللي شفتهــا مع داليا هـي مرة ولدك المصون ساليووووووه ... وطلعت السلم ركض ماوحى لهـا توصل نصه الايد تجرهـا مع شعــرها لين وقفتهـا بنص الصاله ورماها علــى الكرسي ,,ياســر بغضب :الكــلام اللي قلتيه اللحين صدق .. ناظرت فيه بسمــه اللي ترتجف من الخوف والألم بسبب شده لشعـرها اول ماشافت عيونه الغاضبـه نزلت نظرها للأرض وقالت بصوت مهزوز :والله صــدق ,,كل اللــي قلتــه صــدق .. ياســر بتشكيك :وأنا وش اللي يخليني أصدقك .. فاطمـــه :ياســر اترك أختك اصلاً هــي وش مصلحتهــا تقــول هالكــلام الالأنه صــدق ,,ياماحذرتك وقلت لك هالبنت ماتصلــح لـك هــذي وحده متمــرده ,,اتعــرف كيف متمــرده عايشــه حياتهــا بميزاجهــا موحاسبــه لحد حاســب ولا كأن عنــدها أهل تشوه سمعتــهم بتصـرفاتهــا واللحيـن صارت محســوبه عليــك يعنــي ياطلقهــا وترتاح من بلاويهــا ,,ولاوقــفها عنــدحدهـا .. ياســر اللي الدنيـادايـره فيـــه :خلاص يمــه مووقته هالكلام وأنتــي امشــي قدامــي،،وجرهـا وزفهـا تمشــي قدامــه .. فاطمــه :ياســر تعال وين أخذ أختـك ... وجلست تضرب كف بكف :لاحول ولاقوة الابالله ,,حسبــي الله عليك يابنت،،الاصدق هــي وش اســم أمهــا .؟؟ ========================================= بسمــه وهــي تحـاول تفك شعــرها من يد ياســر :اللحيــن وش تبــي فينـي موحلفـت لك أن اللي قلته صدق وش تبي بعــــد .. ياســر :أنطمـي ولاكلمــــه صوتك هــذا مابغــى اسمعـــــه ,,واللحين تسمعيـــن اللي بقوله لك وتنفذينــه بدون أي اعتـراض .. هزت بسمــه راسـها علامــة الموافقــه ********مو يقولون السكوت علامة الرضـا ههههههههههههه مادري هالمثـل وش دخــل أمـه بموضوعنــا .. ياســر :تروحيــن للي ماتنسمــى ..... قاطعتــه بسمــه :من سالــي .؟! ياســر بعصبيــه :وش جاب طاري سالـي الليحن ... بسمــه بداخلهـا : تمزيع الشعر والسب وكرامتــي اللي انمسحت بالأرض كله بسبتهـا وتقول وش جاب طاريهــا ... :تروحيــن للخايســه اللي اسمهــا داليــا وتسألينهــا وش بينهـا وبيــن سالي .. بسمــه بأعتــراض :مستحيـل اصلاً ماراح تقــولي .. ياســر :بتقولك غصبــاً عنهــا .. بسمــه :مافيــه شــي اسمـــه غصباً عنهــا بعـدين بأي صفــه اسألهــا أكيد ماراح تقولي يعنــي تفضح نفسهــا واذا كان بينهم شـي سالي أكيــد محذرتهــا من أنهــا تقـوله لأحــد .. ياســر :خلي عنك هالكلام الفاضي ,,حطي بيدها كم ألف وهدديهـا لوماقالت لك الصدق أنك بتبلغين عن نشاطاتهــا .. بسمــه باستسلام :بحـاول وان ماقدرت أكون سويت اللي علـي .. ياســر :أنا مأقول لك حاولــي انا اقولك جيبي لي الخبـر ومعـك لين الاربعـاء وابغــى كل شي صـار بينهــم والا والله ماخلـي فيك مخز ابره صاحــي .. ====================================== سالي:اووف اخيراً رد مابغى،،راجو ياخايس وينك.. راجو:ماما سالي أنت فيه قرقر كتير سوي ازعاج كل شوي اتصل،،أيش تبغى أنت؟! سالي:ول عليك يالهندي اكلتني بقشوري،،راجو أنت جيب اغراض من صديق مال انا.. راجو بتذمر:يس ماما هذا شارع مال صديق حق انتي خربان كتير.. سالي:لاياشيخ اقول تعال بسرعه وجيب الاغراض معك ،،راجو بسرعه انامافيه ذاكر عندي امتحان.. ==== سالي :هاه وينك راجو وصلت .. راجو:يس ماما هذا كيس مال أنت اعطي ميري.. سالي بصرخه :noانتظر انا بجي بنفسي باخذه.. نزلت تحت وهي تركض كانت بتفتح الباب وتطلع يوم انتبهت لنفسها انها بتطلع لراجو بهالشكل.. دخلت غرفة اختها الي كانت اقرب غرفه لها واخذت جلال الصلاة الي لافته عليها بعشوئيه بدون ماتغطي وجها،، اخذت الكيس منه كانت بتدخل مع الباب بس خافت تصادف احد بطريقها فدخلت مع الباب الخلفي.. كانت بتدخل غرفتها بس غيرت رايها يوم سمعت صوت وهج فيها.. كانت جُنى نايمه يوم دخلت سالي عليهااستغلت الفرصه وحطت الكيس في واحد من الأدراج وقفلته واخذت المفتاح معها،،اول ماطلعت سالي فتحت جُنى عيوناها وناظرت بالدرج الي سالي كانت واقفه عنده طلعت من درج الكومدينا مجموعه مفاتيح واحد منها فتحت فيه الدرج كانت صدمه لها يوم شافتهن ثنتين كيف مو كنا متفقين على وحده ..؟ بعدين وش الحبوب هذي..سالي شكلها استخفت من جد.. :وش تسوين جُنى بروعه : بسم الله انتي وش رجعك؟! سالي وهي حاطه يدها على خصرها: ماتشوفي مقفله عليه واخذه المفتاح معي يعني مأبغاك تشوفينه.. جُنى : اكيد ماتبغيني اشوف بلاويك.. سالي الي صكت الباب وتسندت عليه:ايه صح بلاوي بحالي اقول بديتي التخوين من الحين.. جُنى: انتي الي بديتي موكنا متفقين على وحده ليه جايبه ثنتين؟؟ بعدين وش هلحبوب؟؟!! سالي: جُنى بليز لاتدخلين بالشي الي مايخصك،، وبعدين مثل مانتي احتجتي لشي اكيد بيجي وقت وانا احتاجه بعد.. جُنى : انتي اكيد مجنونه ،، وبتتركينه عندي لين يجي الوقت؟؟ سالي : لاتخافين هالوقت قريب وقريب جداً بعد.. جُنى : مافهمت؟! سالي: مو ضروري تفهمين والحين رجعي كل شي مكانه،،وهاتي المفاتيح الي معك.. هذي لأيش تخطط وش الي بيخليها تحتاج هالأشياء ضميري يأنبني لأني وافقتها بس هي الي اقترحت علي يعني انا مالي دخل هي الي بتجيب الشر لنفسها.. =========================================== .......حبيبي يسوري وين وصلت. ياسربنرفزه:لاتكلمني بهالطريقه.. سعود:طيب ولا يهمك،، بس ماقلتلي وين تبي تروح.. ياسر: ابي اروح جهنم.. سعود وقف السياره بقوه: استغفر الله وش هلكلام،،خاف ربك ياخوي.. ياسر :مقهورياسعود،، وأشر على قلبه ،، هنا شابه حريقه.. سعود حرك السياره : والسبب .! ياسر بداخله:آآه ياسعود خلني ساكت مابغــى اتكلم وصدمك بأختـــك ,,,سكت كثير ياسالي الا هالموضوع ماينسكت عليه بس خلني اتأكد والله لطربقها على رأسها.. سعــود :ياســـــر وبعدين معك بتجلس كثير علــى هالحـاله .. ياســر بضيق:سعــود الله يعـافيك رجعنـي البيت .. سعــود : توك طالع من البيت وش يرجعك له بيزيدك ضيقة .. ياســر :سعــود رجعنــي البيت اونزلني هنـا .. سعــود :خلاص على راحتــك ... |
|
|
|
|
| مواقع النشر (المفضلة) |
| الكلمات الدلالية (Tags) |
| 2017, الثالث, الحَل, الزمن, جديدة, رواية, روايه, طبعه |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| رواية ملامح الحزن العتيق الجزء التامن روايات جديدة وطويلة | MS HMS | قصص - روآيات - حكايات ▪● | 25 | 12-26-2016 09:03 PM |
| رواية ملامح الحزن العتيق الجزء التاسع روايات جديدة وطويلة | MS HMS | قصص - روآيات - حكايات ▪● | 42 | 12-26-2016 09:03 PM |
| رواية الزمن طبعه كذا | MS HMS | قصص - روآيات - حكايات ▪● | 23 | 12-26-2016 08:12 PM |
| رواية الزمن طبعه كذا روايه جديدة الجزء الثاني 2017 | MS HMS | قصص - روآيات - حكايات ▪● | 30 | 12-26-2016 08:12 PM |
| رواية الحزن العتيق الجزء الثالث روايات طويلة | MS HMS | قصص - روآيات - حكايات ▪● | 21 | 11-25-2016 01:21 AM |
الساعة الآن 07:41 AM