من أجمل قصائد بن فطيس

أجمل , فطيس , قصائد

من أجمل قصائد بن فطيس

بسم الله الرحمن الرحيم

السسلام عليكم ورحمة الله وبركاته \\ كيف حالكم انشاءالله بخير وعافيه \\ يارب دووم مو يوم

هاذي ثلاثه من قصائد الشاعر المبدع محمد بن فطيس المري وهو شاعر متمكن ورهيب بصراحه واديم يجيبها على الجرح






،؛، .. سولفوا .. ،؛،

سولفوا تكفون لا عاد تسكتون ..
.. قبل لا أهوجس وياتيني بلاي

السكات يزود طعوني طعون ..
.. وتنكسر لا جا على راسي عصاي

سولفوا لو ما بغيتوا اتسولفون ..
.. قبل لا اقعد في الحزن رايح .. وجاي

واضحكوا لو بالعماله تضحكون ..
.. وجاملوني لو يضايقكم حكاي

لي وليفٍ راح جعله ما يهون ..
.. هو دواي وداي .. أو داي ودواي

راح لكن طيف زوله في العيون ..
.. مرةٍ قدامي ومرة وراي

وإن سكتوا جا وهو طيفه يمون ..
.. رحت أهوجس له وأبين له ولاي

مكسب عيوني من الفرقا مزووون ..
.. تمطر لطاريه .. والبرق ؟ أصدقاي

كل ما طروه لو هم يمزحون ..
.. احرموني من غداي ومن عشاي

أدري إنه ما تناسى الود كون ..
.. تسمع إذنه في قفاي اللسن عداي

وكانهم قالوا نسيته يكذبون ..
.. وإلا أنا فيه أمتلك نظرة وراي

كان حبه لي على خبري مصون ..
.. والله ان كني بقدري .. وبغلاي

ذي بقايا الحب وأطلال الجنون ..
.. والله أعلم في ضميره وش بقاي

غير طيعوني ولا عاد تسكتون ..
.. ولا والله إن أسمعكم بكاااي


،؛، .. يا قو قلبك .. ،؛،

ياقو قلبك على الصّده ويا صُبرك
وياوسع صدري على صدك ويا صُبري

وياطول عمرك بذاكرتي وياكُبرك
وياشيب عيني بشيّب عاد ذا كُبري

والله لون حمل صبري فوقك..ان تبرك
والله ولو تعتذر منت بعلى خبري

ان ما جبرك الغلا ما اقدر على جبرك
ياللي على ارض الوفا ما شبرك بشبري

تزعل وترجع وتلقاني على خبرك
وانا انكسر لك واجيك ادوّر لجبري

طيفك وذكراك طيلة غيبتك سبرك
وشوقي لشوفتك طيلة غيبتك سبري

امحق وليف ومحبه والا اقول ابرك
حسبي عليك اعشقك وانت اتحفر قبري



،؛،.. البارحة ..،؛،
البارحة ربي كتب لي ومريت ..
..دربٍ عليه بروق الأحباب لاحت

جيت المكان اللي جمعنا وخفيت ..
.. وقامت جروحي للجوارح وصاحت

ياليتني في لفة الدرب زليت ..
.. كان العيون من الدموع استباحت

التم غيم الدمع من يوم لفيت ..
.. وورقا القصيد لشوفة الغيم ناحت

وضحكت ماأبغي الناس تدري يبالفيت ..
.. لكنها غصبٍ على العين ساحت

حارت دموعي في عيوني وصديت ..
.. وأرمشت مابيها تبين .. وطاحت

وعقبه برق في العين براق .. واسقيت ..
.. خدي ووناتي بصدري تلاحت

وأنا أحسب إني في فراقه تشافيت ..
.. وان عبرتي من مدخل الزاد زاحت

اللي يحسب إني على البعد سجيت ..
.. والا ان عيوني للرقاد استباحت

ياليتني من قبل لا أحبه اقفيت ..
.. والا ان دروبي عن دروبه تناحت

أهون علي من البكا والتناهيت ..
.. وأشلا من سدودٍ على الناس باحت

عرفت كيف الحي يفرق عن الميت ..
.. وعرفت قيمة نعمتي يوم راحت

قولوله اني عقب بعده تدانيت ..
.. ورجلي عن دروب المعافين شاحت

البعد نار وطاعة العذل كبريت ..
.. يقصر على بعده .. ترى الكبد فاحت



وسلامتكم اتمنى انها اعجبتكم
تحيآتي لكم

المصدر: منتديات تراتيل شاعر - من قسم: ديوآن آلقصيد ▪●

---

lk H[lg rwhz] fk t'ds t'ds

من اجمل قصائد ابن فطيس
يسلم ذوقك الحلووو
دام لنا حضورك وجمال أنتقاءك
كنت هنا وراق لي إبداعك

طرحك جميل ومجهود رآئــع
ألف شكـــر لك على إختيارك الموفق
الله يعطيك العافية
أجمل التحايــا

سلمت ايدك ع الطرح
و الابداع والتواصل المستمر
في نشر الجديد والمفيد
أُحييك على اختيارك الرائع والمميز
تحياتي الك

صح السان شاعرهاا
وصح ذووقك الراائع
تحيااتي

أهون علي من البكا والتناهيت ..
.. وأشلا من سدودٍ على الناس باحت


بن فطيس اه منة
وش اقتبس منة

نقل مميز اخوي
كل الشكر والتقدير لك

قصيدة رائعة وجميلة
سلمت الانامل على الاختيار
بنتظار ذائقتك الشعرية الراقية
ودي ووردي

،/
جلبَ ممُيَّز جِدَاً
وإنتقِاءَ رآِئعْ تِسَلّمْ الأيَادِيْ
ولآحُرمِناْ مِنْ جَزيلِ عَطّائك..

اقتباس:

المشاركة الأصلية كتبت بواسطة العذبه

من اجمل قصائد ابن فطيس
يسلم ذوقك الحلووو
دام لنا حضورك وجمال أنتقاءك
كنت هنا وراق لي إبداعك

عااافاااك ربي على مرووورك








مع الشكررر والتقدير

اقتباس:

المشاركة الأصلية كتبت بواسطة شموع الحب

طرحك جميل ومجهود رآئــع
ألف شكـــر لك على إختيارك الموفق
الله يعطيك العافية
أجمل التحايــا

عااافاااك ربي على مرووورك








مع الشكررر والتقدير