نصائح للعرآيس -تجميعي

-تجميعي , للعرآيس , نصائح

نصائح للعرآيس -تجميعي

السلآم عليكم ورحمه الله وبركاتهه


هآذي نصايح مرا استفدت منها طبعا جمعتها من امكان كثيره
المهم انو حبيت تستفيدو ي العرايس مثل م انا استفدت وان شاء الله يكون شامل
وم ابي منكم الا دعواتت في ظهر الغيب ومن قلب صادق
واتوقعع مستحيل تطلعي من هنا الا وانتي مستفيده لو معلومه وحده ع الاقلللل

ايوه ولاتنسو اللي كتبوا النصايح من دعواتكم


ويلا نبدأ

بسم الله

نصيحه لكل عروس وغيرها جربي على نفسك رسمات عين مختلفه وانواع مكياج حتى تتدرب يدك و تتفادين الاخطاء التي نقع يها دائما وبرائي عندما تعملين مكياج التقطي صوره لك بكاميره الديجتل لتري نفسك بأشكال مختلفه وعندها تقريرن ما يصلح لك

الطبخ ضروري جدا اهم شئ تتعلمين الاساسيات كعمل الرز والمكرونه وانواع من السلطات والحلويات
وعموما هناك بعض الاكلات يمكن عملها ووضعها في الفريزرفهذه تفيد وتحل ازمات >>>>>>>> فترة بقائك في بيت اهلك اجعليهم حقل تجارب لطبخك ولن تخسري ابدا

اذا قارن زوجك وبين غيرك انهم افضل منك خصوصا اذا كانوا اكبر منك في العمر فردي بكل بساطه (الانسان يتعلم شوي شوي ولو سمحت انا ما قارنتك بأحد فلا تقارني بأحد لكل انسان شخصيته المستقله)...... وكلامي هذا لايمنع من اخذ نصائحه وانتقاداته لك ففي نصائحه لك فائده بأن تتفادي ما يكره وتعملي ما يحب والمثل بالمثل اي من الواجب عليك ان توضحي له ما يعجبك فيه وما لا يعجبك بطريقه السحر الحلال مثلا لوكنت في منزل اهله وضايقك بكلام لا تردي عليه امام اهله بل انظري اليه نظره حازمه دون اي كلمه وعند عودتك اشرحي له الموضوع بكل هدؤ وبهذا تصل الفكره دون خصام والرابح دائما من يستخدم لغه الحوار الهادئ >>>>>> شكلي طلعت عن الموضوع


فيه شئ مهم قبل ما انساه حاولي بقدر الاستطاعه ان تكون ملابسك الداخليه بلون واحد ان لم تكن اطقم

قبل السفر لشهر العسل اكتبي قائمه بالاغراض الي لازم تأخذينها والقائمه هذي تكتب على ايام يعني كلما ذكرتي شئ اركضي اكتبيه

*
واهم شي تسويه الحمام المغربي او التركي قبل زواجها بيومين او ثلاثه واهم شي انو يكون قبل ما الوحده تحف جسمها بالحلاوه عشان لما تسوي الحمام المغربي تطلع كل الوساخه من المسام ولما تشيل بالحلاوه تشيل كل شي ما قدر عليه الحمام المغربي او التركي وراح تصير بشرتها مثل الحرير عشان لما تكون بشهر العسل تكون راضيه من ملمسها

*
انصح اي وحده مافي داعي انها تقلق وتشيل هم ***** الله كل شي يتيسر ولاتسمعين لزميلاتك لمن يهولون الامور ترى كل شي بسيط وعادي بس انت خليكي ريلاكس وهاااااااااديه وتوكلي على الله ومن توكل على الله فهو حسبه المهم بالنسبه لترتيب الفرح انا انصحك انو كل شي يكون مرتب وجاهز من قبل اسبوع على الاقل واسبوع الفرح خليكي مرتاااااااااااحه واهتمي بنفسك ونامي كثير واذا ماجاك نوم خذي دوا كحه عشانه ينوم ههههههه ترى امزح المهم ابعدي عن الاظافر الصناعيه والتسريحه اللي مليانه بنس لانك بتقعدين انتي وعريسك تفكفكون فيها ساعتين وقبل ماتبدؤن سهرتكم الساحره انتي والعريس لاتنسون تبدأون بركعتين لله تعالى وانو الله يوفقكم ويسهل اموركم ويحببكم في بعض وادعي اللي خاطرك ياغاليتي واهم نصيحه لاي عروس انها تبعد عن المنكرات في يوم حفلتها وتحيهيا بما يرضي الله لانها اول ليله في العمر وحلو انها تكون بدايه صح ميه ميه وبعدين اقول لكل عروس لاتتكلفين في يوم عرسك وتجعلين عريسك يتدين عشانك انا اقترح انو بدل ما تسرفين فلوس عريسك في ليلة الفرح استغليها في شهر عسل وسافروا او دلعي بيتك لانك انتي وعريسك اولى بالفلوس من الناس واللي يرضي الناس يتعب كثير لان ارضاء الناس غايه لاتدرك واعذروني طولت عليكم بس اتمنى الاستفاده والله يوفق الجميع ولاتنسوني من الدعاء .




******

بدايه التجهيز وماأدراك مالتجهيز حوووووووووووووووووووووووسه للراس قسم بالله اني ليوم الزواج مرسله بنت خالتي تشتري لي شي من سوق من الحوسه بس
بالنسبه للمكياجات لا تصيرون مثلي ترى انا مره ندمانه الان على الاشياء اللي شريتها كل المكياجات اللي شريتها ماركه قسم بالله راح ربع المهر على مكيااااااااااااااااااااااج فقط طبعا قمه الدلاخه والسباهه فانصحكم يابنات مو لازم ماركات كلها مثلا عشان الايام العاديه وعشان مايشوفك ابو الشباب:
إلا وانت في احلى طله طبعا طله طبيعيه عندك ميك اب ميبي لين اللي على شكل موس مره مره مره حلو ويعطي شكل طبيعي وطبعا سعره مره ممتاز تقريبا 50 وحجمه صغير ممكن ينحط في شنطه اليد احتياط في الخرجات
مكياج السهرات عادي اشتري ماركه جربي جريلان او شانيل بس اذا حابه تسمعين نصيحه انا اشوف ديرما كول تغطيه مره مره ممتازه وطبيعيه
حلو يصير عندك لونين اساس واحد على برونز وواحد اللي يناسبك عشان التغيير في الطله
البلاشرات والله انا اشوف بلاشرات برجواز مره مره حلوه خذي لك الوان حلوه 3 او 4 الوان بالكثير يعني مشمشي وزهر ودرجه برونز وبس ترى اللي على احمر وبني وفوشي مره ماهي حلوه ومتصنعه وحنا نبي شي شوي طبيعي وبعدين ترى ذا الالوان الرجاجيل مهنا زود عليها ومن تجربه
المسكارا ماكس فاكتور مره مره حلوه وجربي هلينيا روبنشتاين بعد حلوه للسهرات ونصيحه خذي الشفافه من بودي شوف لمظهر طبيعي عند زوج المستقبل
كثري من القلوزات تراها حلوه كمظهر طبيعي وسهره بعد ونصيحه بعد ترى والله مهوب لازم ماركه لان عند البودي شوب وستي بلازا قلوزااااااااااااااات جنان وانا من تجربه لقيتها احلىىىىىىىىىى من اي ماركه بصراحه قسم باللله
الشدوهات عندك لوح الشدو اللي يصير فيه كذا لون في مطفي وبلمعه بعد ومايكلف علبتين تقريبا 00 ريال ولا تضيع فلوسك على شدوهات ماركه وهي نفس الشي
كثري من البودرات المعطره والشور جل وخلي استخدامك من العطور في اوقات معينه لان البودرات المعطره تعطيك ريحه مره حلوه ولاهي قويه تزكم بالخشم جربي بودرة الجسم من زهور الريف بريحه الشاي الاخضر وخذي عطرها بعد وجربي بودرة دهن العود من اجمل بعد مره حلوه وعاد يكثر البودرات اللي ريحتها حلوه
عطورك نصيحه خليها دائما الحجم الصغير مهوب بخل لا بس عشان يناسب حجم الشنطه وترا مصيرك تشترين وقريب بعد يعني بتشترين بعد الزواج بتشترين
اشتري فواحات وشموع وشمعدنات هالحركات ترى إذا راح جهازك للبيت وشافها زوجك قال وشذا الرومنسيه :llove
في مكياج شفته مره في صيدليه مستشفى دله يوم اني حامل الصيدليه اللي برا هالمكياج مايروح إلا بمزيل معه حلو للسيقان واليدين يعطيها لون واحد إذا لبستي قصير ولا شورت وكان عندك كم لون مالهم داعي ولا فيه تناسق تسوي تناسق للون ======== طبعا راحت على ولا شريتها يوم اني عروس مادريت عنها على فكره وللامانه انا ماجربتها بس قالت لي اللي في الصيدليه انها حلوه روحوا شوفوا عاد
خذي احتياطك في الفوط الصحيه نصيحه لله ترى قسم بالله يوم جتني الدوره في شهر العسل طاح وجهي قلت لابو الشباب تكفى ابي الصيدليه قام عاد وقعد يتليكع ليش وش عندك قولي لي واشتريه لك انا زوجك عيب عليك وعليها لين كتبتها له في ورقه وحلفته مايقراها الا في السياره من الفشيله قسم بالله كنت خبله
الملابس الداخليه طبعا احلى شي تكون فخمه واطقم يعني شغل قص ولزق ماله داعي خلي كل ملابس الداخليه اطقم ترا احلى واكشخ وفي ترى عند نعومي شي لصف وترتيب الملابس الدخليه يجي قطعه قماش ستان من ظهره وبلاستك شفاف في الوجه وبسحابات مقسم لكذا قسم لترتيب ملابس الداخليه وممكن تعليقه في الدولاب بصراحه مره مره حلو
اذا جتك الهدايا لا تفتحينها إلا معه في بيتك الجديد ترا حركه حلوه بصراحه انا ماسويتها بس وحده من زميلاتنا سوتها رتبت طاوله وحطت شموع وكم حركه وجمعت الهدايا بكروتها وفتحتها معه
حركه حلوه كمان انك تجيبين لزوج المستقبل هديه حلوه مغلفه بطريقه حلوه === عاد برضه هاذي راحت علي
وش بعد وش بعد يافتو
ايه في عند محل ابو ريالين اللي في البديعه بودره بعشره ريال بودره سائبه فيها لمعه مب طبيعيه مره حلوه ورخيصه عشان تلمعين جسمك للبستي قميص نوم ولافستان سهره هاذي جابتها لي وحده قسم بالله ماتقولين من ابو ريالين يعني اشتري خمس ولا ست علب وحطيها في علبه فاضيه شكلها حلو تصير والله كانها بودره ماركه خاصه احنا بنستخدمها للجسم بس فمامنها مضره ان شاء الله ولا اقولكم اشتروا بودره جونسون وحطو عليها شوي ملمع اللي ينباع عند محلات المكياج الناعم وخليه في علبه ومتى مابغيتي استخدميه لأنك بصراحه بتستخدمين هالحراكات واجد عزايم على لبس بيت يعني خابرين عاد انتم
ايه بصراحه انا بعد غلطت في شي كثرت ملابس الخرجات على ملابس البيت وبصراحه ملابس البيت اهم لأنها هي الشي اللي بيشوفه زوجك عليك يعني مهوب كل شي قمصان ننوم لا في ملابس تلبسينها في الضحى في العصر في المغرب قبل الطلعات فكثري منها وترا عند ستي بلازا حركات حلوه
كثري من الاكسوارات الناعمه الاستراسات على سلاسل البطن على الخلاخيل اللي في الرجول ترى هاذي اشياء تلفت النظر بالنسبه للرجال مو لازم اكسسورات فخمه وعقود واساور لا وترى اكسوراتك وانتي بنت ترا حلوه بعد تاخذينها معك مهوب لازم كلش جديد خذوها نصيحه
وش بعد وش بعد يافتو اممممممممممممممممممممممممممممم مممممم
بصراحه في حاجه بعد ماسويتها بنات ترى شيل الوجه والجسم بالليزر اريح واحسن وانعم وافضل وهذا من تجربه زميلتي تقول خلاااااااااااااااااااااص مرتاحه كلها جلستين وارتحت مره
بعد نصيحه إذا زواجك قبل شهر سوي حمام مغربي كل اسبوع مره وقبل الزواج بيوم شيلي جسمك كله لأن الحمام المغربي مره مره مره حلو ينعم ويفتح ويشد مهم عاد هذا الحمام مره مهم
الجزم لا تكثرون منها يابنات لأنها بتقعد على قلبك والله شوفي مليت دولاب الجزم اكرمك الله وهالحين وديتها للمبره قسم في شي مالبسته بس شفاحه شريتهم ...
بعد شي مهم قد قالت عنه الاخت سديم الله يسعدها وهي كانت صادقه فيه لا تجيبين الجهده في التمكيج لانك بعد كم شهر خلاص بتملين يعني خليك نعووووووووووومه حكل على ماسكرا وقلوز زهر ترى هاذا اللي يحبونه وحافظي على بشرتك وتغذيتها وتنظيفها والعنايه بها وبشره جسمك بعد والتزين خليه في اوقات معينه يعني في البيت على خفيف في الوقت الخاص دعجي العيون أذا طلعتي تتعشين تزيني عشان مايبقق عيونه في البنات
الزبده في هالموضوع لا تجرين ورا الماركات في كل شي زي ترا والله في اشياء مره حلوه مره حلوه ولاهيب ماركه والفلوس اللي تزيد عندك وفريها اكثر في الاهتمام بصحه بشرتك بعمل كورسات لها في مراكز متخصصه عشان تطلع احلى ىىىىىى بشره ولا خليها للمراكز اللي عندهم عمل اقنعه الطحالب للجسم كله ونظام تنعيم الجسم وشده بالاجهزه لأن هذا الأهم وهاذي نصيحه

المصدر: منتديات تراتيل شاعر - من قسم: آنوثـہَ طآغيـہَ ▪●

---

kwhzp gguvNds -j[ldud gguvNds

خوذي بعد معجون اسنااااان و 3 فرشاة للاحتياط اما تضيع او شي

وخوذي موووس للحالات الطارئة اذا كنتي مستعجلة اسرع لك واسهل

ولاتنسين الحلاوة او الماكينة اللي انتي مرتاحة عليه لان في ناااس تطول

بشهر العسل ومو معقولة هات جيب وخصوصا ها الاموووووووور

وخوذي معك مبخره صغيره وفحم سريع الاشتعال <<بس انتبهي لاتوليعين بـ

وطبعا بخور علشان تبخرين و بعض الفنادق والشقق ريحته ماهي حلوه فتبخرينها

مزيلات العرق هذي مهمة خوذي لك 2اما يضيع او شي يمار به سبير

طبعا الاغلبية من المتزوجين يروحون عمره فلازم تكونين عارفة كل شي عن العمرة

من .......................الى الاخر مو تصيرين داااااجة ماتعرفين شي

وحبووب لوجع الراس ..وفوط صحية لتشرف الي ماتتسمى وانتي .....

وبطاقات اتصال ..وشحن واللي جواله مقطوووع تسدده



*******


(الخلخال)وما ادراك مالخلخال هذا اقوى مؤثر للفت انتباه الزوج لاتخلين رجولك من دون خلخال حتى مع القمصان ولا العطر.......
وخمريه الشعر اللي هي العطر الخاص بالشعر لازم تحطينه بشعرك علشان اذا تحركتي او تدلعتي بشعرك او حتى مخدتك تصير ريحتها مميره وعلشان اذا دخلتي المطبخ وطلعتي مايلبق ريحت الطبخ في شعرك ممكن تتعرضين لضمه مباشر بعد خروجك من المطبخ وتلاقين ريحت شعرك روعه...




********


: وخل وياكم دهن عود بشنطتكم احلى شي مع علك من جميع النكهات بعد الاكل وقبله

ومناديل معطره للايدي ومناديل تنظيف مكياج عالسريع ومناديل معقمه للمناطق الحساسه في
: عطورات الشعر مهمة جدا اذا جت الوحدة تتدلع وتتغنج وتتحرك ويشم زوجها وااااااااو
فيه خلطة يمدحونها البنات هنا اسمها العروس من نكتار
برضو خمرية القرشي وأجمل
ونبخره بالعود طبعا مانستغني عنه


******
خذي معك ملين بسيط او اطلبي عصير منجا فيه وحده ابتلشت بالمسااااااااااااك
جاها شديد وهي مستحيه مررررررره منه المهم سوتها بعد اربع ايام من زواجهم وصارت ريحة الحمام والغرفه عدممممممم خذو معكم ديتول علبة صغيره ومعطر الفم الي يكون اقراص اوراق اصغر من البخاخ وحلو بنكهات وخفيف تحمليه بكل سهوله




******


نبدي بالجسم.... لازم تكون البنت على طول نظيفه حتى لو كان زوجها ما يهتم بنفسه حيل ومو من النوع اللي يحط عطوووور .... لازم اهي تحط انواع حلوه من العطور والبخور والبودرات انا انصحكم في بودره شانيل للجسم صراحه حلووووووه انا خذيتها بشهر العسل وكانت تعطي جسمي ريحه حلوه
والاظافر لازم تنقص على طول او تترتب للي تبي تطول اظافرها ويستحسن بعد صبغ الاظافر بألوان يعني كل يوم لون غير علشان يحس انج تحبين تهتمين بنفسج

ثاااااااااني شي الشعر .... لازم تمشيط الشعر على طول وغسله علشان يكون نظيف وريحته حلوه خاصه بالصيف يعرق الشعررررر .... وبعد اختيار شباصات حلوه وملونه للشعر واكسسوارات للشعر او تيجان كريستال ( حلووووووووه حيييييييل )


ثالث شي المكياج .... اذا الزووج ما يحب المكياج حاول تحطين اشياء ما تبين بس تخلي شكلج حلو بس من غير لا يتضايق بس اذا يضايقه الموضوع اتركي المكياج !!!!!!!! وحطي كريمات مرطبه للوجه
واذا يحب المكياج حطي المكياج اللي ما يخرب شكلج ويكون مناسب لج ولا تغامرين بخطات مكياج جديده جدامه ( امامه ) لانه يمكن يطلع شكلج مو حلووو ويضحك عليييج


رابع شي الملابس .... اهم شي تعرف البنت الملابس اللي تصلح على جسمها وتكون مناسبه .... حتى لو كانت البدله حلوه بس مرات ما تناسب البنت فلا تشترون الا لما تتأكدون ان الملابس مناسبه لكم ولازم تكون ريحه الملابس معطره وحلوه


خامس شي الاكسسوارات .... احلى شي الحلق والخواتم والساعات واكسسورات القدم والعقوود الناعمه اذا كنتي بالغرفه معاه اما بالمناسبات عااااااادي الاكسسوارات الفخمه والبارزه ....


والاحذيه نوعوااا فيها يعني ناعمه وكشخه وكعب عالي وكعب منخفض


ولا تنسوون اللمعه مالت الجسم تراها حلووووووووووووه خاصه على قمصان النوم

والعدسات


وتنظييييييييف الاسنان بصوره مستمره

وتغييييييير الملابس الداخليه بصوره مستمره والتأكد من نظافتهم على طووووول

يعني اللي تبي تتزوج تكثر من الملابس الداخليه لانها راح تتغي رباليوم مرتين تقريبا

اهم اهم اهم شئ حياتك الخاصه بينك انت وزوجك يجب ان تكون كتاب مغلق بمفتاح لا يعلم مكانه غيرك فلنفرض ان لديك سؤال خاص وتبحثين له عن جواب لدى اقاربك فليكن سؤالك وكانه عن صديقه لك او سؤال قرأتيه في المنتدى

التجمل للزوج يكون باستمرار حتى بعد سنوات الزواج الاولى لأنه من والواقع نشوف الأغلبية يتزينون في بداية الزواج بعدين يبدون ينسون أنفسهم لكن حاولي تكونين حلوة في نظر زوجك لآخر العمر ولا تظنين انه مايلاحظ لأنه مايعلق (الرجال يلاحظون كل شي بس مايتكلمون) مع الحرص ان يكون التجمل في حدود متفاوته حتى لا تكوني مطالبه بالتانق حتى في اصعب حالتك كالتعب والانشغال ( هذا من تجربه )

اعود للكلام عن النظافه الشخصيه هناك بعض الاجسام تحتاج الى اهتمام اكثر من الاخرى بالاخص صاحبات البشره الدهنيه ( وللمعلوميه البشره تطلق على كافه الجسم وليس الوجه فقط ) فنصيحتي للجميع عمل تفريك للجسم اسبوعيا وليس بالضروري خارج المنزل فيمكن لي واحده عمل حمام مغربي او وضع الطين البحري لكافة الجسم اواقل شئ فرك الجسم باليفه والصابون اهم شئ ان الفرك يفتح المسام وينضفها ويقضي على الروائح الكريهه التي يفرزها الجسم .... بعدين عاد افركي جسمك بالمسك والوشن ضروري بعد الفرك وبمكانك بشر المسك الجامد بالبشاره العاديه اصغر فتحات في البشاره وخلطه مع اي كريم تستخدمينه وشوفي الريحه ايش راح تكون..........
بعض البنات تكون ملابسها الداخلية نظيفه خارجيا او تكون لابستها لبس خفيف وترجع تلبسها مره ثانيه بعد الاستحمام ما تدري الن الرائحه عالقة في الملابس يعني كانها ما سوت شئ ولو تحلف انها مستحمه ما احد راح يصدقها

على طاري المسك فيه حركات مره حلوه جيبي المسك وابشريه بعدين جيبي لك قماش شيفون واعمليه اكياس صغيره واحشيها بلمسك المبشور وحطي الاكياس في دولابك وبين ملابسك الداخليه وفي شنطه السفر وشمي الريحه .........أذا كان ماعندك وقت لعمل الاكياس قطعي المسك قطع صغيره ووزعيه بين الملابس خصوصا الملابس الداخليه وقمصان النوم......... لازم تحطي المسك بين ملابسك اول بأول عشان يكون فيه وقت تسحب الملابس ريحة المسك ....

عودي لسانك على الكلام الحلو فهذا هو السحر الحلال بالكلمه الحلوه تنالين ما تريدين وبنفس راضيه

اهل زوجك المفروض ان يكون اهل لك وليس اعداء فلا يكون مجال حديثك مع زوجك مواقف اهله معك فهذه الاحاديث تجلب الملل وهروب الزوج من منزله ( خصوصا من تفتعل المشاكل حتى تبعد زوجها عن اهله وتستحوذ به لنفسها )




******


بنات المنطقه الحساسه اهم شي تكون نظيفه وابتعدو عن الغسولات الخاصه فيها لانها تقتل الميكروبات الطبيعيه الي تحارب الفطريات ...............تشطفو بمويه وملح (ملعقه ملح مع جيك مويه ) او بمنقوع مره بمويه والمسك الي عند القرشي يخلي ريحتك تهبل نقعوه بمويه وامسحو المنطقه الحساسه والرسول وصى بالمسك لبعد الدوره .... بسسسس .........نصيحه ابتعدو عن الغسولات والله مضرتها اكثر من نفعها
واهم شي اذا فيك عيب لاتنبهين زوجك يعني مثلا سمينه لاتقعدين كل شوي قدامه بصلح رجيم.......نحيفه لاتنبهينه وكل شوي تقولين ليت اسمن
وفي وحده توها عروس مسكينه من كثر ماتقراء بمشاكل الحريم بحواء بالمنطقه الحساسه قامت تتوهم واوهمت زوجها هذا اكبر غلططططط انتبهو كثر المشاكل بعد الحمل والولاده لاتوسوسون



*******


اهم شئ النظافه ثم النظافه والرائحه الجذابه فهذا اهم شئ عند الزوج فما فائده الاناقه بروائح الله اعلم بها >>>>>>>>> مثل ما قال المثل ( من برا هلله الله ومن جوا يعلم الله )

اسمعوا حبايبي بعض النساء حتى وان كانت توها منتهيه من الاستحمام تخرج منها رائحه عرق فهذه لها حلول اولا يمكن دعك الابط بليمون خصوصا عند السفر وهناك خلطه اخذتها من المنتدى وصراحه جربتها وانصح بها الجميع ( بس ما اقدر اعطيكم ايها الحين الا بعد ما ارجع لبيتي )
هذي الخلطه يا طويلات العمر تستخد بعد الاستحمام تفرك بها الابطين وبين الافخاذ وبتشوون النتيجه .

^

^

^
المنطقه الحساسه وما لها من عنايه بسيطه لكن مفيده عباره عن غسول كتبته لي احدى الطبيبات احرصي على استخدامه فله رائحه ممتازه ويبيض المنطقه كذلك ساكتب اسمه عند عودتي للمنزلي .

فيه نصيحه مهمه احرصي على تنشيف المنطقه الحساسه فعدم نشيفها يودي الى ظهور الروائح .

^

^

المفروض على الزوجان علاج الاسنان قبل الزواج فهي من جد سبب للروائح الفم الكريهه ولا يشعر بها الا الطرف الثاني .

شهر العسل وحلاوته :

فكرة العطر المميز لشهر العسل فكره مررررررره خطيرة ولها ذكرياتها الخاصه بعد شهر العسل ( بس عاد استعملوه بعد الزواج بسنه على الاقل )

اكتبي مذكراتك في شهر العسل وفي سنه زواجكم الاولى اقرأوها مع بعض>>>>>> صح انا ما جربتها بس الي جربوها يمدحونها

اذا سافرتي لشهر العسل اختاري بلد مميز يمكن ما تسافرين له مره ثانيه .

اذا خذتي كاميرا فيديو احرصي على تصوير انفسكم وليس الاماكن

ملابس النوم :

لا تكثري منها حتى يتسنى لكما بعد الزواج شرائها مع بعض وعلى ذوقكما خصوصا انها ملابس ما يشوفها غيركم وكما احسن من انك تخسرين فلوسك على شئ ما يعجبه وما تلبسينه .

النوم بالستيان على حسب حجم صدرك وشكله وفيه اشكال من الستيان تجنن وسعرها رخيص .

الاخت الي تسأل عن بدله العرس اقترح تلبسينها في الفندق بس بدون جيبونه احلى تقعدين فيها شوي بعدين تبدلينها بلبس النوم.


ايه نصيحه للي توها مخطوبه او مكتوب كتابها انها تطول الفتره خصوصا اذا كانت تكلم خطيبها او تطلع معه فهذه احلى ايام في حياتها ولو حصل تحتفظ ببعض المسجات والصور




********



اول شي هومعطرات الفم
شرايح بالنكهات
لبان لامي وشامي
بخاخات بنكهات
حلويات ** بنكهة الفراوله او النعناع
^
^
^
هذي الخرابيط ماتفضى من بيتي عندي في درج التسريحه وفي الحمام وفي الشنطه اللي اطلع فيها

ثاني شي

المناديل المعطره
دايما موجوده في شنطتي تخيلي رحتي انتي وعريسك مطعم واتعشيتو وبعد العشا يبغا يبوس يدك الا كلها ريحة شوي وزفر والله فشلللللله خخخخخخخخخخخ

اممممممممممم ايش كمان!!!!!!!!!

ايوه افتكرت
الملابس الداخليه وقمصان النوم انا اشتريها بسعر معقول وبعد كل فتره ارمي الملابس الداخليه واشتري مجموعه جديده ماعدا الحمالات الخاصه بالخروج هذي لازم تكون ماركه حلوة عشان تعطي مظهر حلو وماترميها الا اذا هريتي ابو جدها
اما قمصان النوم بصراحه انا ارمي اللي يستاهل الرمي اما اللي حلوة بس مليت منها عندي لها طريقه:

وهي اني اخذ كل اللي مليت منها واغسلها واعطرها واكويها والفها بقماش زبده << المتر 0 ريال
واحطها في صندوق خشبي واحط فيها الاكياس الخاصه بتعطير الملابس<< تلقوها في سيتي بلازا
واقفل الصندوق وبعد ماامل من المجموعه اللي في الدولاب ارفعها بنفس الطريقه السابقه واطلع اللي في الصندوق واستخدمها والله ان زوجي يحسبها قمصان جديده يقوللي انتي فاتحه محل قمصان كل فتره اشوف عليكي شي جديد خخخخخخخخخخخخ


في بعد شغله مفيده
طبعا كلنا نشتري كريمات معطره وتكون حجمها كبير كيف ناخذها معانا في كل مكان؟

ان عندي علبه صغيره فاضيه لمرطب الشفاشف اللي من بودي شوب <<< اخترتها لان غطاها موثق مايكب اللوشن مهما كان خفيف
اعبي من اللوشن في العلبه واحطها في شنطتي وين ماخرجت واستعملها وكل مافضيت اعبيها ثاني







يتبعع ����������������

لا تقولي امه زي امي و ابوه زي ابوي
مافي احد بالدنيا زي امك و ابوك
حبيه بس مو اكثر من امك و ابوك و نففسسك
احترميه امدحيه من وقت لآخر حتى امدحيه قدام اهله
خلي علاقتك مع اهله رسمية
خليه يحس بوجودك في حياته
لاااااتكوني غثيثة
حاربي النكد وقاطعيه
اتعاملي مع زوجك مثل لو كان صديقك
لاتكثري العتاب و لا الملامة
خليكي عقلانية في التعامل معاه
الغيرة مطلوبة بحدود
ولا تنسي ابنك على ماتربيه و زوجك على ماتعوديه يعني منرالبداية خليلك أسلوب واضح تعوديه عليه
خليكي مرتبة و نظيفة في بيتك و نفسك
خليلك ريحة مميزة من عطر او بخور عشان يذكرك اذا شمه
لاتكثري الاتصال و السؤال
الرجل يحب المرأة القوية مو الطفله العجزانة
لا تنسي قوة المرأة في ضعفها
كوني مرأه في الفراش تشبعه و تغنيه
لاتحاسبيه على كل شي انتي مو ربه
التمسي له العذر سبعين مره
لاتفتشي بأغراضه و لاتكوني مثل الكتاب المفتوح قدامه
الصبر ثم الصبر ثم الصبر

مثل ماتعطي لازم تاخذي ��

تصدق كل ماصارت لك فرصه عن نفسك واهلك بيتك��

تاكدي ان الزواج مسؤؤليه ولازم تصبري وتحلي اي مشلكة تواجهك قبل لاتكبر ��

الاحترام مهم ولاتخلين احد يمون عليك ✋

ثقفي نفسك وادرسي شخصيه زوجك و الانماط رح تختصر عليك خبرة سنوات





*******


ونصيحتي لهم أنتبهي تسمحي لزوجك يغلط على أهلك وأخوانك لأنهم هم عزتوك وأذا سمحتي له يغلط عليهم مع راح يحترمك




****


نصيحه لكل عروس طالعه من صميم صميم قلبي ..مهما كان زوجك طيب وحنون كوني عنده صفحه بيضاء لايعرف عن ماضيك شي سواء كان ماضي حزين او ماضي
ماضي جميل لاتشتكين له من احد من اهلك مهما انظلمتي لايعرف عن اهلك الا كل خير
********



انا امي بس قالت لي احترمي زوجك وقدريه وخلي لسانك حلو معاه يعني لاتنافخين عليه اذا زعلتي او قال شئ ماعجبك لان الرجال مهما كان يحب الكلم


*****


أنا راح أنصحهم أنتبهو تنقلو أخبار أهلك لزوجك وأخبار زوجك لأهلك وكملي طموحك أنتبهي تتخلي عن دراستك أو وظيفتك

*****

نصيحتي ﻻ تعتبرين الزوج كل شي
الزوج مو اهم شي بالوجود

اعتبريه مجرد اضافه فقط
واعطيه حقوقه وﻻ تتنازلين عن حقوقج

***

حبي نفسك ولا تخلي اي شي يزحزح ثقتك بنفسك


***

..
انا امي وصتي في ام زوجي قالت لي عامليها كانك تعامليني وخافي الله فيها
لان هي تبي تزوج ولدها لبنت تعينها و تعاونها مو تفرق بينهم



و خواته بعد قالت خليهم يحبونك عشان اذا صار لك مشكله مع زوجك يوقفون معاك
وتكونين مرتحه معاه ولا تعاونينه على معصيه اهله لان الى مافيه خير لاهله مافيه خير لزوجته


2. وصتني بنظافه بيتي قالت لاتقولين محد يجيني او وزجي يرجع متاخر الناس مسلطين
ماتدين منو يزورك فجاه و النظافه من الايمان




خلك مرتبه عند زوجك لاتبالغين في الكشخه بس خلي ريحتك دائما نظافه



3. اي شئ يصير بينكم يضل بينكم زوجك يدلعك يهديك يسعدك لاتقولين لصديقاتك
ولا لبنات خالاتك ولا عماتك لان البعض مايذكرون الله دائما قولي الحمدالله
4.للاتمدحين لحريم عند زوجك لا تقولين فلانه ماقصرت معاي طيبه و حليله
انتي تقولين على النيه لكن الرجال يفكر بطريقه ثانيه





******



ياما كنا نسمع كلام غلط قبل الزواج وانصدمنا فحبيت انصح المقبلت على الزواج بنصيحة الرجال دافعلك مهر اشتري فيه اغراضك كلها مو من شهر العسل نزلني السوق والا الي يقولون في شهر العسل اطلبي ترى الرجال يكون طاير معك من قاله بالعكس الرجال توه بادي حياته معك فلاتوقعين ذيك المحبه والدلع لان المحبه تجي مع العشره والزوج داخل نفسه بيقول وين ودت مهرها خاصة اذا كان عليه ديون وسالفة تعودينه السوق خليها الستة شهور الاولى من زواجك مثلا انا زوجي مو بخيل بس قالي ترى تونا متزوجين وين اغراضك طبعا انحرجت فما فيها شي تشرين لبس العيد مثلا من مهرك وتجهزينه عندك او لبسة فرح احد اقربائك الى اخره وماتطلبين ملابس واغراض سوق مو ضروريه الا بعد 6اشهر
اضيف التمشيه والسفره ترى مو كل العرسان يمشون تمشية حلوة ايضا لاتحلمين كثير بالكلام الرومانسي لان كثير من العرسام مايعرفون يتعاملون مع العروسة والحياة الجديدة خاصة اذا كنتي اول وحدة في حياته يمكن ماتسمعين كلمة حلوة الا بعد شهر فلاتعشمين نفسك كثير عشان ماتنصدمين

انا اقول هالكلام من واقع وتحياتي للجميع

حبيت انصحكم بخصوص العفش اذا جيتي تعفشي لا تعبي الشنط ..
خذي من كل شي اثني وثلاثه
والله تكفيك وانزلي براحتك بعد الزواج ووقت الحاجه خذي اللي تبغيه بس كمان لا تكثري مره
لأن جسمك ممكن يتغيير بعد الزواج ممكن تروح موضة الملابس للي اشتريتيها ولسا ما لبستيها
خذي مع كل لبسه اكسسوار وصندل بس لو كان عندك لبسين نفس الون مافي داعي تاخذي للثاني
وحاولي تركزي على الالوان الاساسيه دائما والاشياء المهمه
وبعدين زمان اول ايام الوحده ماتخرج من بييت اهلها بخمسه شنط وسته شنط وتقولي عمرها ماراح تشتري ولا تنزل يعني لو شنطه وحده تكفي خليك برنسيسيه لا تعبي الدولاب تيجي تقليه ما يتقفل بعدين تضطرين تاخذي دولاب عريسك وتحطي ملابسه فوق الدولاب
ياحرام مسكين ايش ذنبه
اسمعي نصيحة اخت لا تفصلي فساتين سهره ابدا ياكثرها اللي مليا السوق وبارقى الموديلات واحسن الاقمشه وأفضل الماركات وبتصميم عالي وذويق








*******




طيب حبيبتي فيه ناس تقول ان الوحده اذا تزوجت لازم تروح السوق وتتسوق معه من البدايه حتى لو انها تشتري حاجات خفيفه عشان يتعود انه يشتري لها بعدين راح يتعود انها ما تطلب يعني تقول لها أبغا اروح السوق يقول لها ماعندي او يصرفها عشانها ماعودته انها تروح السوق ،،، وانا محتاره بين كلامك وكلامهم آيت وحد صح ؟؟؟؟؟؟!!!!!!!
اهلين عادي اطلبي من تروحين السوبرماركت تشترون اغراض المطبخ واصلا بتلقين البيت فيه نواقص ان شاء الله لو مشابك غسيل عادي قولي ماعندنا وبنروح نشري وفي المناسبات حسسيه انك ماتحتاجين السوق لانك شاريه اغراضك الي تكفيك .....اما سالفة يتعود صدقيني الرجال اذا مو مقتنع بالحاجة مافي حاجة اسمها اعوده بتتعبين وانت تطلبينه هالحاجة سواء سوق او ان شاء الله لمسة يد
والله يوفقك






*******




¤ حياتك وأنت في منزل والديك تختلف كل الاختلاف عن حياتك مع زوجك ففي الأولى لا مسئولية عليك.. وفي الثانية أنت مسئولة تقريبًا عن كل شيء.

¤ أخطر سنوات الزواج هي السنة الأولى، فإن اجتزت الامتحان ضمنت لنفسك ولزوجك عيشة هانئة.


¤ لا تنسي أن فترة الخطوبة لا تكشف عن طباع زوجك أو من تقدم لك فكوني على استعداد لمواجهة المفاجآت بحكمة وعقل.

¤ التضحية من جانب الطرفين أمر لابد منه.. فهي أساس الحياة الزوجية.


¤ من أسس الحياة الزوجية الناجحة.. التعاون في مواجهة أمور الحياة وذلك بتدبير شئون البيت دون إرهاق لميزانية الزوج.


¤ مهما يكن الأمر فلا تنسي أن تحرصي على العلاقة الطيبة مع أهل زوجك، فإنك إن أحببتهم أحبوك وأحب هو أهلك وإن وصلتيهم ساعد ذلك على وصاله لأهلك وبرهم.

¤ وثقي علاقتك بأم زوجك فهي التي ربت وسهرت وأعطتك أعز ما تملك واعذريها إذا طمعت في جرعة زائدة من الحنان، فقدري ظروفها خاصة عند الكبر وكوني حليمة ورفيقة بوالده.

¤ تفقدي مواطن نظر زوجك وسمعه وشمه، وكوني له أرضًا يكن لك سماءً، وكوني له فرشًا يكن لك غطاءً، واحفظي غيبته وماله.

¤ بيت الزوجية ? بيتك مملكتك ? فعليك أن تتعلمي فنون الطهي والاهتمام بالمطبخ.. فالزوج يحب زوجته التي تهتم بأناقته وثيابه وملبسه ونظام بيته ومكتبه ومكتبته ويزيد احترامه لها إذا رتقت جواربه وثبتت له أزرار قمصانه وذكريه بمواعيده.

¤ شاركيه أفكاره واهتماماته وآماله وآلامه وطموحاته.


¤ إذا اشترى لك شيئًا أو هدية فاشكريه ولا تعيبيها أبدًا حتى ولو لم تعجبك، مجاملة له واتقاءً لجرح مشاعره وعدم الطعن في ذوقه واختياره.

¤ استخدمي معه أسلوب النفس الطويل والخطوة خطوة والكلمات الحانية والمعاني الرقيقة والهمسات الجميلة عند تغيير سلوك لا يعجبك فيه، وإياك والمصادمة حرصًا على مشاعره.


¤ لا تفشي له سرًا، ولا يتجاوز ما بينكما عتبة بابكما









*******




اول سنه زواج مسويه سنعه واطبخ كل يوم ما احمي الاكل
بس توهقت اني لما جتني بنت زاد علي الشغل واذا حميت اكل زعل مع ان امه تقولي انا معوده عيالي ياكلون كل شي
بس انا خربته كان يمدح طبخي وفرحت







*********





كنت أعلمه بما يدور في كل عزيمه بالتفصيل الممل أحسبه زي خواتي بيتفاعل .. لكن أللي يجري أنه المره الثانيه يمنعني من الذهاب للعزيمه الثانيه وهوشه وصياح ودنيا وآخرتها أجلس بالبيت معد لي نفس بالروحه ..



كنت اسولف له عن صاحباتي وعن ما يدور في بيت أهلي نونو فالرجال .. بعدين صار يمسك علي قصص ويكررها ..








*********







انا غلطتي اني بينت له كل الحب اللي بقلبي مفروض الوحده تمسك مشاعرها شوي وتخلي كلامها الحلو بوقته بس مو كل دقيقه وعلى دخلته وطلعته لااا







*******



الميانه على الأطفال وععععععععععععععععععععععععععععع عع قسم بالله تطيحين بمواقف ماله داعي







********



غلطتي اني ماعودت زوجي يعتذر مني لااخطأ بحقي وصار الحين يغلط ويطنش

وغلطتي اني عطيته وجه بزياده لدرحة صدق روحه انه روميو بالنسبه لي والحين انا اللي بديت اطنشه

الله يهدي التفوووس بس

والرسميه مع الاهل اهم شي ومااكتشفتها الا عقب ماخربتها<<<دايم اتعلم متأخره بس الحمدلله على كل حال









***********




انا غلطتي اني ماعودت زوجي على نزلة السوق
والحين نزلت السوق صارت مثل الخيال وفي الاعياد فقط
غير كذا مافيه






***********يتبع....

التقدير والاحترام داايما اهم شي للرجل وتوثيق المودة والرحمة بينهم بالتصرفات الدالة
تعوده الاشياء الاساسية الضرورية ابدااء الرأي باسلوب مناسب
قراءة مواضيع للتعرف عن شخصيته اكثر ومو اي نصيحة تسمعها من البنات تطبقها تنتبه هي بتعرف شخصية زوجها اكثرمن غيرها

ومقاطع يوتيوب لطارق الحبيب برضوا عن انواع الشخصية
وبرنامج ابواب النفس

ترك الحساسية الزايدة

كتمان اسرارها عند الضرورة اخد رأي حكيمة ووثقة
تتأكد كثرة الشكووى بتكبر الموضوع اكثر





بالتوفيق للجميع يارب

حنين الشوق
ماشاء الله تبارك الله نصائح مفيده وشاملة للعرائس
الله يعطيك العافية

حنين الشوق
ماشاء الله تبارك الله نصائح مفيده وشاملة للعرائس
الله يعطيك العافية

الله عليك ياحنو فوائد ونصايح مهمه وراح نستفيد منها
لاننا مقبلين عليها ههههههه
يسعدك ربي علي جمال اختيارك
قمة في الروعة والتألق
لاتحرمينا جديدكِِ الرائع
دمتي بخير وسعادة .