رموني (بالكلام) اللي تبّين فيه وسواسه

اللي , بالكلام , تبّين , رموني , فيه , وسواسه

رموني (بالكلام) اللي تبّين فيه وسواسه

تقابل همي وهمك وأزيدك فوق همي / هم
صدمني واقع(ن) عشته (يشيب) الطفل من باسه
أنا حالي كما اللي ضاقت دروبه وفيه السم
لاهو متعدل(ن) دربه ولاهو عارف قياسه
أشوف (الناس) غير الناس بوقت(ن) زاد فيه الغم
تحط (العقل فوق الكف) غريب(ن) وقتي وناسه
هذاك اللي حكى (بظهرك) وإذا شفته يقول إسلم
وهذاك اللي (ملاه الحقد) ياكثر النوع واجناسه
وخلقني الله مثل غيري ولكن فرّق المبسم
فسبحان الذي اسرى هبوب الروح نسناسه
(زمان الصمت)علمي به زمان(ن) ضّيق المحزم
زمان(ن) ضيّع دروبه وزاد الذل وادناسه
(غريبه قصتي) مدري أنا أندم وإلا ماأندم
أو أذكر ماصفا لي دون هالعالم وجلاسه
أخبر ( الطير ) لا منّك قنصته وده يتعلم
وأشوف إن (صاحبه) وده يكون الطير قرناسه
لأن العمر معروفه إذا كان العمر ( مبهم )
يجيبه كيف ماوده (يزيل الجهل) من راسه
(حكايات الزمان) أغرب من الكافر من المسلم
من اللي عارف(ن) نفسه يسوق الكيف بأنفاسه
(وبداية قصتي) تبدا أنا أبني (وحضرته) يهدم
هدمه (البين) يوم إنه يصير (الغدر) ملباسه
أنا مثل الذي جّوه صفا والناس بالمعصم
(أقدر كل خلق الله) واشوف الخلق دساسه
حياتي كلها عبره ماجت للخال قبل العم
ولا جت للغريب اللي طريق(ن) زاد ماداسه
(خفافيش الحكي) ترمي غصون(ن) ناعمه تفطم
لأني من صغر سني (شربت العز) من كاسه
ويوم(ن) أقتوى ضلعي وصار الشعر يتكلم
رموني (بالكلام) اللي تبّين فيه وسواسه
أنا أدري الزود بسكوتي يخلي الحسد يتعظم
ولكني أبتكلم و (أنزل كل(ن) لساسه)
عساكم من كذا وأردى (حضيض) ومختلط بالدم
وراسي فووق بالعالي وأنا أتحداه لمّاسه
وحق الشعر وابياته ومعاني شامخه تلتم
لجيب (الحاسد) بأنفه وازيد اليوم من ياسه
وأحرق اللي بقى منّه وأزيده (ضيم) مايهضم
وأخلي دمعته تعمي طريق(ن) زاد بدماسه
أقول القول وافعل به (وحلفي) جاك متقدم
ياناقص عقل ومروّه ياراع الحقد واجراسه
(قصيدي)(وهيبته) تبقى (رغم أنفك) تبي تحشم
ياقافي هاك ماعندي خلاصة (طيش)واحساسه
أهوجس ليلي المكحل تناديني وأفز لك سم
وأعيش بخضرتك هايم وأشوفه مات هوجاسه
تقابل همي /وهمك وأزيدك فوق همي /هم
صدمني واقع(ن)عشته يشيب الراس من ناسه



لـ شاعرها /اورنس الهذال

المصدر: منتديات تراتيل شاعر - من قسم: ديوآن آلقصيد ▪●

---

vl,kd (fhg;ghl) hggd jf~dk tdi ,s,hsi fhg;ghl jf~dk vl,kd tdi

آآنتقآآء عذب

سلمت آنمالك

ب آنتظار المزيد

كل الشكر ع تواجدك وتعليقك

تسلم ادينك روعه

يسلموو ع الطرح الرائع

شاكره لكم على تواجدكم وتعليقكم

ذآئقهـ شعريهـ فذهـ ,’
سلم المدآد وَ مآ جلب ,

آحترآمي ’

ابيات رائعه في المعاني وجمال الأحساس
ابداعتي بطرحك وذووق بانتقائك
سلمت يمناك لعذوبة سطورك المترفه بالرقي
دمتي ودامت روعة مواضيعك
اعجابي ووافر الششكر

كل الشكر لـ ردودكم الجميله

رموني (بالكلام) اللي تبّين فيه وسواسه
أنا أدري الزود بسكوتي يخلي الحسد يتعظم
ولكني أبتكلم و (أنزل كل(ن) لساسه)
عساكم من كذا وأردى (حضيض) ومختلط بالدم

إنتقاء ججميل
عافاك الرب.~