اجمل الصدف الفصل الثالث

الثالث , الزيف , الفشل , اجمل

اجمل الصدف الفصل الثالث

بسم الله الرحمن الرحيم
وبه نستعين
الفصل الثالث
مرت السنة الاولى والاسرتين تزداد علاقاتهم تماسك وقوة ؟ وامجد متفوق فى دراسته الباقي له نهاية هذا العام ثم يتخرج ؟ ومنى ايضاً الباقي لها عام وتتخرج ؟ وهناك اماني اخت امجد الباقي لها عامان وفيصل اخ منى هو ايضاً الباقي له عامان ام بقية افراد الاسرتين متفوقين في دراستهم ؟ وفي تلك الاثناء جاء آمر للمهندس بشير والد منى بان يقوم بالسفر لخزان الرصيرص لمد شهر ونص للاشراف على تركيب التوربينات الجديدة لاانه هو الذي كان قد اشرف على شرائها من دولتها المصنعة ؟ وطلب بشير من امجد بان يشرف هو على البيت في فترة غيابه وذلك لانشغال فيصل في الدراسة ؟ ووعد امجد عمه بشير بانه كل يوم سوف يحضر ويشوف طلباتهم ؟ وقال له ياعم لاتشيل هم وربنا يرجعك بالسلامة لينا ؟ واصبح امجد واماني كل يوم معهم ؟ وفى احد الايام قالت والدة منى لي امجد خلاص ياولدي بقي ليك الشهر دا والجاي ان شاء الله تتخرج ؟ ويرد امجد ان شاء الله ياخالة ؟ وتساله خالتو اها ناوي تعمل شنو بعد التخرج ؟ ويرد والله لسه ما قررت اعمل شنو لكن الحمدلله الشغل ما عندي فيه مشكلة اصله عملنا هذا مرغوب فى كل الشركات والحكومة كمان بس انا عندي فكرة اني اسافر برا واحضر للماجستير والدكتوراة عشان بعدين الواحد لما يرجع يعمل فى وظيفة محترمة وينفع بلده ؟ وتساله اها ما عاوز تكمل نصفك الحلو ولاعاوز تجيب عروسك من برا ؟ ويضحك امجد ويقول لها اكيد عاوز اتزوج ومن هنا من بلدي بس لسه بعد الواحد يعمل ؟ وتقول له امبارح امك كانت معانا هنا وانت فى الجامعة وتكلمنا بخصوصك وامك قالت عاوزة تشوفك عريس وتشوف اولادك وقالت عاوزة ليك منى بتي وقالت لى عليك الله كلمي انتي وشوفي رايه وانا طبعاً عشان خاتاك زي اولادي قالته ليها ولا يهمك ولدي وانا بكلمو اها قلت شنو؟ ويقول امجد والله ياخالة انا اصبحت واحد منكم وانتي زي امي بس الموضوع دا يحتاج لصاحبة الشان اما انا من ناحيتي احسن من منى ما بلقا وانا من زمان يا خالة احترم منى واقدرها ؟ وقالت له اسمع ياولدي انا والله الى الليلة ما فتحت خشمي مع منى بخصوص هذا الموضوع لكن شايفاها بتحترمك شديد بس قلته اتكلم معاك انت فى الاول وبعدين اتكلم مع منى اها قلت شنو ؟ ويرد امجد والله ياخالة انا ما عندي مانع واتمناها تكون زوجة لي بس زي ما قلت ليك هي الاهم وترد خلاص ياولدي الفيها خير ربنا يعملها ويخرج امجد لاحضار بعض طلبات الخالة ام منى وتضرب ام منى الى والدة امجد اها اتكلمت معاهو والحمدلله موافق بس الباقي على منى وانا خليت مني ليك انتي تشوفي رايها وانا واثقة منها بس احسن الكلام يكون منك انتي انا بعدين برسلها ليك مع فيصل وانتي كلميها خلاص يا اختي ؟ وترد ام امجد خلاص يا اختي وعاد امجد بطلبات خالتو ام منى واستاذن بالذهاب لانو عنده مواعيد مع زميله وقبل خروجه ؟ قالت له خالتو ام منى عمك ضرب تلفون حسع قبل شوية وانت مشيت تجيب الحاجات وبيسلم عليك وقال الاسبوع الجاي ان شاء الله يمكن يخلص ويرجع ويرد امجد الله يسلمو وان شاء الله انا بعدين بضرب ليهو مع ابوي من البيت وبعد عودة منى من الجامعة ؟ قالت لها امها منى خالتك ام امجد قالت دايراك امشي شوفيها مالها يوديك فيصل وبعدين يجيبك امجد واماني عشان فيصل قال عنده زيارة لصحبو بس يوصلك ؟ وردت كويس يايمة ان شاء الله بعدين قريب المغرب بنمشي ليها كويس ؟ وترد امها يا بتي اخوك زاتو قال بمرق قبل المغرب وضربت الى ام امجد تلفون وتقول ليها خلاص بعدين المغرب بتجيك ويجيبها فيصل واماني وامجد بعدين يجيبوها راجعة البيت وجاء المساء وذهبت منى الى بيت ناس امجد ؟ خير خالتي بدرية امي قالت لي خالتك بدرية دايرك اها ان شاء الله خير ؟ يابتي اقعدي كدا اشربي الموية مافى حاجة خير ان شاء الله اصلي عاوزة اتكلم معاك شوية ؟ وترد منى اتفضلي يا خالتو نعم وتكورك ام امجد يا بت وينا الموية لي اختك مني ؟ وترد الابنة جايباها يمة ؟ وتقول ام امجد والله يابتي انا قلتا اتكلم معاك انتي قبال ما اكلم امك ولا اكلم زول تاني ؟ خير ياخالتي بدرية فى شنو ؟ ترد ام امجد اسمعي يا بتي انا والله دايراك لى ولدي امجد دا وانتي بتعرفيه كويس ياهو معاك طوالي اها قلتي شنو وتسكت منى وتقول لها ام امجد زمان يا بتي كانوا بيقولو سكوت البنت علامة الرضا لكن زمنكم دا يا بتي غيرالواحدة هي براها بتختار راجلها اها قلتي شنو ؟ ترد منى والله ياخالتو امجد ما فيه كلام بس انتي قلتي ما كلمتي زول يمكن يكون عنده واحدة بيعرفها ؟ وترد ام امجد انتي يابتي ترا شايفه وعارفه كان عندو واحدة ولا بس الاهم رايك انتي فى الاول بعدين هوهين ؟ وتقول منى خلاص انتي كلمي امي ياخالتو انا ما عندي مانع ولا اعتراض فى امجد ؟ وترد ام امجد الله يخليك يابتي الحمدلله حسع انا مرتاحة وان شاء الله لو كان في العمر بقية نكمل

المصدر: منتديات تراتيل شاعر - من قسم: قصص - روآيات - حكايات ▪●

---

h[lg hgw]t hgtwg hgehge hg.dt hgtag

دَام عَطَائِكْ..
وَلَا حَرَّمْنَا أَنْتَقَائِكْ الْمُمَيِّز وَالْمُخْتَلِف دَائِمَا
تَحِيّه مُعَطَّرَه بِالْمِسْك

اقتباس:

المشاركة الأصلية كتبت بواسطة صاحبة السمو

دَام عَطَائِكْ..
وَلَا حَرَّمْنَا أَنْتَقَائِكْ الْمُمَيِّز وَالْمُخْتَلِف دَائِمَا
تَحِيّه مُعَطَّرَه بِالْمِسْك

اسعدني تواجدك في متصفحي وقراءة قصتي المتواضعة وان شاء الله القادم احلى
من القلب كل الود والاحترام

تسلم ايدك ع الطرح

اقتباس:

المشاركة الأصلية كتبت بواسطة eyes beirut

تسلم ايدك ع الطرح

اسعدني تواجدك في متصفحي وقراءة قصتي المتواضعة وان شاء الله القادم احلى
من القلب كل الود والاحترام

قصة رائعة
يعطيك العافيه
على هذآ آلتميز ..
وسلمت آناملك
آلمتألقه لروعة طرحهآ..
ودي لك ولروحك

اقتباس:

المشاركة الأصلية كتبت بواسطة الوافي

قصة رائعة
يعطيك العافيه
على هذآ آلتميز ..
وسلمت آناملك
آلمتألقه لروعة طرحهآ..
ودي لك ولروحك

اسعدني تواجدك في متصفحي وقراءة قصتي المتواضعة وان شاء الله القادم احلى
من القلب كل الود والاحترام

قمة في الرووعة والجمال
تسلم يمينك على هذا الابداااع
الله يسعد قلبك وماننحرم جديدك
تحيااااتي لك

اقتباس:

المشاركة الأصلية كتبت بواسطة الخل الوفي

قمة في الرووعة والجمال
تسلم يمينك على هذا الابداااع
الله يسعد قلبك وماننحرم جديدك
تحيااااتي لك

اسعدني تواجدك في متصفحي وقراءة قصتي المتواضعة وان شاء الله القادم احلى
من القلب كل الود والاحترام

يعطيك العافيه
على القصه المميزهـ
بتميز وروعة انتقائك
لا تحرمينا جديدك
تقبلي مروري واحترامي