عزوز وديك جدته هههه

يحبه , عزوز , هههه , ويحك

عزوز وديك جدته هههه

انشاء الله ان هذا الموضوع يعجبكم انشاء الله وعلى مقالو حبيس الادراج كان هههههههه مسوي مثقف انا وخشتي لا وش دخل خشتي انا لحالي المهم مالكم بطوله السالفه بطوله ترى مهيب الي دايم ياخذها الهلال لا هذي من الطول عرفتو انشاء الله انكم فهمتو يالله انطلق الى الموضوع

ترن تاااراااااااااااا راااااااااااااااااااااا لحد يسالني وش هذي لانها هذي مقدمه الفلم له هو جرح الزمن ولا ثمن عمري ولا دنيا القوي احسن مننا لا لا وجايب كل المغنيني يغنون ترى في المقدمه تقول كانه الجنادريه .......

كان عندنا ديك ماهوب صاحي متى ماخمت براسه اذن مزعجنا ومزعج جيرانا واللي مصبرنا ومسكت الجيران على ازعاجه هي جدتي ام الوالد تغلي الديك بالحيل تقول انه من ريحة المرحوم جدي الله يبيح منا ومنه
الجيران يتمنون يجي اليوم اللي يتباشرون فيه بموت الديك وياكثر ماحرشوني على الديك يبوني اذبحه اذكر منهم قصيرتنا العجيز شتره قالت لي : ياعبدالعزيز ان ابعدت الديك عن بيتكم او ذبحته ولاعلمت جدتك اني انا ياشتره اللي قايله لك باعطيك شرط


قلت: بتشرطين لي قريض
قالت شتره : وش قريض .... كح كح.. ياقدمك قدمااااااه ياعبدالعزيز الا باعطيك كاجو ( انا القديم ياعجوز قريح )
وحتى عجيز ام الهجرس بيتها في اقصى الحاره تقول انها بتعطيني شرط اذا ذبحت الديك وجبت لها راسه ملفوف في وسط خرقه مع ان ام الهجرس اصلا ماتسمع لا اذان الديك ولا اذان المذن صمخه يالله حسن الخاتمه والله من النجاسه يا ام الهجرس كله لانها ماتواطن جدتي
بصراحه انا اللي قاهرني زود على ازعاجه انه ديك على عشر من الدجاج وشايف نفسه ونافخ ريشه على الدجاج يابغضي له
انا ودي بذبحته حتى اخذ الشروط ومنها بعد ارتاح من ازعاجه بس مايحصل لان عشة الدجاج فوق السطح وباب السطح قبل مقفول ومفتاحه مع جدتي ان نزلت صكت الباب وان رقت على الدجاج صكت الباب دونها
اذكر مره هذا يوم كانت جدتي تخليني انام معها فوق السطح كانت جدتي نايمه وانا استغليت الموقف ودخلت العشه وزنطت الديك وحطيته وسط كرتون وذبيته وسط الديره واجي راجع للبيت وانا مبسوط ومتشقق من الوناسه وش عليك ياعبدالعزيز بتاكل كاجو واول مافتحت باب الشارع نزل فوق راسي شي زي المويه و انا المسه واشم يدي وععععععععع وارفع راسي واشوف الديك فوق جدار السطح يناظرني ويهز كتوفه
وتويق جدتي من فوق السطح وتاخذ الديك وتذب علي مرقدي ومن عقبها ماعاد تخليني جدتي انام فوق السطح
ومره من المرات عطاني ابوي مفتاح موتره يبيني انزل له غرض من شنطةالسياره وانا طالع شفت الديك نازل من السطح ويتمشى في الحوش ماهيب عاده له يسويها وانا التفت يمين شمال ماشفت احد وانا اللي اطمر عليه والفه في وسط شماغي احطه في شنطة السياره وادق سلف وادرعم للبر وادور به بين الضلعان وبين الطعوس واطلعه من شماغي واربط رجليه واذبه في البر
ههههههه ورنا شطارتك وارجع الحين ههههههههه جيت عاد انا ابي ارجع الا يوم ضيعت دربي وادور بين الضلعان ومافيه فايده والبنزين على الربع والدنيا بدت تظلم وانا اجيك راجع للديك وانا افك عن رجليه واخليه يمشي الدليله وانا امشي وراه ايييييه ان صار لك حاجه عند الديك قل له ياسيدي
ومن عقب هالسالفه والديك متسلط علي زود صار ماعاد يواطني اذا انتصف الليل ينزل من فوق السطح ويوقف على دريشه غرفتي ويدخل راسه مع الدريشه ويصيح مذن باعلى صوته يهبلني ويخليني اطمر من مرقدي وهو ينحاش فوق لعشته وطول الليل كل ماغطت عيني بالنوم ادخل راسه وصاح وانا احط رجلي على طرف الدريشه ابيه اذا ادخل راسه ادف الدريشه برجلي تصك على رقبته وانا اسوي نفسي نايم واسمع خرفشه عند الدريشه هههههههه انتظره يدخل وابطى مادخل واسمع طقه عند الدريشه وشوي ويدخل الديك راسه ويذن وانا ادف الدريشه برجلي بس عيت الدريشه تنصك وادف وهو يذن وانا ارفع رجلي الثانيه وادف برجليني الثنتين واعظ لساني وادف الدريشه مافيه فايده عيت تنصك وهو ويطلع لسانه علي وينحاش اااااااه يالقهر وانا افتح اللمبه واشوف حصاة صغيره هي اللي راده الدريشه حاطها الديك المنسم لا تنصك
انا بصراحه ماعاد احتمل جاني اكتئاب وماطب عيني النوم لين اصبحنا وادرعم على ابوي في الحوش والقاه جالس يتقهوى مع جدتي !!
قلت : يايبه انا بصراحه جاني اكتئاب من الديك وقررت اني اروح بعثه للخارج
قال الوالد : وش بعثته ومن بيوديك وانت اصلا عاطل
قلت : انت يايبه بتوديني بعثه للمغرب تصدق يايبه ان اليوسف افندي في المغرب مافيه بذر
قال : اها بس انثبر وخل الخنبقه والافندي
واشوف مفتاح السطح تحت جدتي وانا امد يدي واسحب المفتاح بشويش ماحد فيهم حس فيني ودعس متجها للمطبخ واخذ سكين واطلع للسطح واقفل باب الدرج بالمفتاح وافصخ ثوبي وافصخ فنيلتي ومابقى علي غير سروال السنه واربط راسي بخيط واخليه يتدودل من وراي مثل رامبو واحط السكين بين ضروسي وادخل عشة الدجاج وامسك اطرف دجاجه واطلع فوق جدار السطح واتسلق فوق بيت الدرج ويرفع ابوي راسه ويشوفني وقال : وش عندك يالخبل انزل
واصيح باعلى صوتي مانيب نازل لين تحققون طللبي انا مكتئب نعم عبدالعزيز ومن هذا المنبر اعلن اني مكتئب اكتئب وابي تودوني بعثه للمغرب والا باذبح دجاجه كل نصف ساعه
واسمعوا صراخي الجيران وطلعوا حوشتهم وبعضهم نصب خيمه في حوشه وجلس يتفرج صارت كشته وشوي والا اهل الحاره كلها تجمعت حول بيتنا يتفرجون على سفاح الدجاج واسمع واحد من جيرانا يصارخ ياعبدالعزيز سيب الفرخه ادبح الديك والجار الثاني بعد يصايح علي ياعبدالعزيز هد الديايه واذبح الديتش وواحد ثالث من الجيران يالله اسمعه يقول خليك من الجاجه وادبح الديك واهل الحاره يصايحون فك الدجاجه واذبح الديك عرب حتى على اسم بنت المذن ماتفقوا
المراد ان اهل الحاره تصارخ وبصوت واحد الديك...الديك...الديك... وتاخذني الحميه وانا افك الدجاجه وانزل وادخل العشه وادور الديك والقاه متوزي ورى الدجاج هالرخمه وامسكه بغاربه واطلع فيه فوق بيت الدرج وارفعه بيديني الثنتين مثل ( Lion King ) والجماهير زاد صراخها وتصفق واشوف من بين الجماهير العجيز الصمخه ام هجرس تردح وتناقز مبسوطه وتصايح لولييييييييييييييييييش ..عليهم... عليهم...لولييييييييييييييي� �ييش وتومي بطرف عباتها وجنبها العجيز شتره حاطه اصابعها في اثمها وتصفر
وجدتي اغمى عليها ويمسك الوالد جدتي ويصارخ علي : يالخبل فك الديك وانزل خلاص بنوديك بنسفرك
وانا نازل اسمع الجماهير تقول : اوووووووووووووووه...فاشل.. فاشل.....اووووووووووه ماهموني اهم شي البعثه ومستقبلي وانا افك الديك ويجيك على جنبه رجليه ماشالته من الروعه وانا اشيله بذا الحمرتين اللي تدودل مع رقبته واحلته في وسط العشه واناظر فيه وماقوى يرفع راسه اكيد مايقدرعبدالعزيز كاسر له عينه وانزل من السطح ويحضني ابوي ويتفل في وجهي ويحضني ثانيه ويتفل في اذني وانا احب راسه وقال : خلاص جهز نفسك وانا ابوك للسفر بكره
المراد اني سافرت المغرب وجلست لي يجي اسبوعين لين قضت دراهمي واجي راجع لديرتي وانا داخل صاله القدوم واشوف ناس تصارخ وتشجع وتصفق هبال وناس بطبولها وناس ترقص وتصفير وصالة المطار مليانه من الجماهير انا قلت اكيد المنتخب فايز والا فريق من انديتنا مبيض وجيهنا وجايب كاس معه واتلفت مافيه احد لابس ترنقات ماخذت الا واحد من الجماهير مدخل راسه من بين رجليني كوبري ورفعني فوووووق يوم زاد التشجيع والتصفير والجماهير تغني .. حبا.. حبا.. باللي جا... يامرحبا... بعبدالعزيز ..وانا ادهر معهم ارقص معهم ونزلوني عند سيارة الوالد واقعد ازفن واسلم على الوالد وانا ازفن واركب معه السياره وانا ازفن والجماهير تضرب بواري ويمشون ورانا ورافعين اعلام ومسوين موكب ومسيرات لعبدالعزيز
وقلت : شفت يايبه ولدك عبدالعزيز رفع راسك في المغرب صحيح مافيه شي يخفى على الجماهير ولدك بدع هناك يابو عبدالعزيز وانا اطلع فرتي من دريشة السياره وازفن واحيي الجماهير وادخل راسي من الدريشه واقول اسمع يابوعبدالعزيز ان قاله الله باذن الله ناوي ارفع راسك زود ببطوله ثانيه واكبر من هذي البطوله انشاءالله بتكون اسيويه تصدق يايبه ان الاناناس في تايلند الـ...... قاطعني ابوي وقال : كل هوا بس قال اناناس قال.. هو انت تحسبهم يشجونك على سواد وجهك باللي سويته في المغرب هذولا اللي يشجعونك هم اهل الحاره فرحانين باللي سويته بالديك انت من عقب ماهبلت الديك وهم !!!!

المصدر: منتديات تراتيل شاعر - من قسم: وسع صدرك وخليها وعليها ▪●

---

u.,. ,]d; []ji iiii dpfi u.,. iiii ,dp;

ههههههههههههههههههههههههههههههههههه وقسسم دخلت جووو مع عبد العزيز والديك
وأهل الحاره وأهم شي البطوله والبعثه هههههههههههههههههههههههههههههههههه

الله يسعدك على القصة الحلووه

اقتباس:

المشاركة الأصلية كتبت بواسطة عزوف

ههههههههههههههههههههههههههههههههههه وقسسم دخلت جووو مع عبد العزيز والديك
وأهل الحاره وأهم شي البطوله والبعثه هههههههههههههههههههههههههههههههههه

الله يسعدك على القصة الحلووه

هههههههههههههههههههه

وربي فطست ضحك

ههههههههههههههههههههه والله رهيب
سوى خير في اهل الحارة
بس وش ذا البعثه اسبوع ههههههههههههههههههههههههه
الف شكر لك على روعة طرحك

اقتباس:

المشاركة الأصلية كتبت بواسطة رحيق

ههههههههههههههههههههه والله رهيب
سوى خير في اهل الحارة
بس وش ذا البعثه اسبوع ههههههههههههههههههههههههه
الف شكر لك على روعة طرحك

هههههههههههههههههههههههههههه

يبي يتعلم على الديك هههههههههههههههههه

هههههههههههههههههه
كله كوم ولما اتخيله رابط راسه والسكين بفمه كوم ثاني
سلمت خياط ع القصه الرايقه

اقتباس:

المشاركة الأصلية كتبت بواسطة شمـــوخ

هههههههههههههههههه
كله كوم ولما اتخيله رابط راسه والسكين بفمه كوم ثاني
سلمت خياط ع القصه الرايقه

ههههههههههههههههههههههه

هذا كله حفله وربي هههههههههههههههه

اقتباس:

المراد اني سافرت المغرب وجلست لي يجي اسبوعين لين قضت دراهمي واجي راجع لديرتي وانا داخل صاله القدوم واشوف ناس تصارخ وتشجع وتصفق هبال وناس بطبولها وناس ترقص وتصفير وصالة المطار مليانه من الجماهير انا قلت اكيد المنتخب فايز والا فريق من انديتنا مبيض وجيهنا وجايب كاس معه واتلفت مافيه احد لابس ترنقات ماخذت الا واحد من الجماهير مدخل راسه من بين رجليني كوبري ورفعني فوووووق يوم زاد التشجيع والتصفير والجماهير تغني .. حبا.. حبا.. باللي جا... يامرحبا... بعبدالعزيز ..وانا ادهر معهم ارقص معهم ونزلوني عند سيارة الوالد واقعد ازفن واسلم على الوالد وانا ازفن واركب معه السياره وانا ازفن والجماهير تضرب بواري ويمشون ورانا ورافعين اعلام ومسوين موكب ومسيرات لعبدالعزيز

هذا الجزء لحاله قصة هههههههههههههههههه

ههههههههههههههههههههههههههههههههههههههههههههه
ابي عبد العزيز يجي حارتنا
حينا هاااااااااااااااااادي من المغرب ما تسمع شي
قسم بالله من اسبووع واحد من الجيران بالحي جاب امه تسكن عنده
وشكلها متعوده بديرتهم هناك ماتنام الا على صوت دجاج
وررربي الساعه تلاته بالليل يصيح ديكها

حلووووووووووووه القصه خيااط
والله حسيت حممماس مع هالعبد العزيز
خاصه مغامرة رامبو

بين الجماهير العجيز الصمخه ام هجرس تردح وتناقز مبسوطه وتصايح لولييييييييييييييييييش ..عليهم... عليهم...لولييييييييييييييي� �ييش وتومي بطرف عباتها وجنبها العجيز شتره حاطه اصابعها في اثمها وتصفر
وجدتي اغمى عليها ويمسك الوالد جدتي ويصارخ علي : يالخبل فك الديك وانزل خلاص بنوديك بنسفرك


هوووووووون عجبوني الاسمااء
خاصه شتره << منها جايه من لبنان من شتوره

والله حمس من الصبح خيااط
يعطيك العافيه

الله يرج إبليسك
ههههههههههههههههههہُ
والله انه فلم كامل ههههههههههههههههههہُ
سلمت يا أسد. '