مصدر حنان ومتجه لا مجالك
نبع الشعور وبأصدق احساس يسري
عاكس مصبه كل مجرى وجالك
نبعٍ ملأ وفيّض اليوم نهري
كاسه زلال صافيٍ لك لحالك
اسمك كتبته نقشةٍ وسط صدري
وصدري تصحر ما حصل له وصالك
وكلمة أحبك خاصة فيك حصري
اقولها لك انت وأرفض بدالك
شوفتك ديمٍ بارقه دوم مغري
مغري لصحراءٍ من الظما حيل هالك
صحراي أنا اللي وضعها اليوم مزري
ارمالها ترجيك قطرة خيالك
يفوح من ذكرك عطور بزهري
وتتفتح ورود الغلا في تلالك
ويسيل شلال القصايد و شعري
يعانق شموخك وشاهق جبالك
ولا هب نسناس الهوى الصبح بدري
مالت غصونها تفيا ظلالك
زاد العنا وطال بالليل سهري
أسامر طيوفك وأصافح خيالك
كني سما وفقدت بالليل بدري
حتى نجومي شالها صار حالك
أنام وأشواقي على أحر جمري
وأصحي وهوجاسي يبهر دلالك
ما عاد لي غيرك على البال يطري
يا حيف ما مريت لحظه في بالك؟
تمد لك بالشوق أمواج بحري
وموج بحرك جازر ٍ لي حبالك
أشتاق لك ويطوق الشوق نحري
والقاك في كهفك عسيرٍ منالك
ارعاك طيف مع ملفات فكري
استرجعه بالذهن عندي وفا لك
ما عاد لي غيرك على البال يطري
خذني أنا والقلب كلي فدالك
أفداك أنا أسيرة ويفداك شعري
العين لك سكنى وقلبي حلالك
أموت من حبك ولا بي تدري
من شح وصلك كل ما بي هالك
أحلم بوصلك وأتحلا بصبري
لكن حلمي ما تحقق وطالك
02-03-2015, 07:03 PM
عضويتي 
أحس به نبعٍ بالأعماق يجري
العرض المتطور
