بعيد الهقاوي بديوي الوقداني

الهقاوي , الوقداني , تجيني , تعدد

بعيد الهقاوي بديوي الوقداني

حـث المطايـا وشرِّقهـا وغرِّبـهـا

*

أيامنـا و الليالـي كــم نعاتبـهـا=شبنا وشابت و عفنا بعض الاحوالـي

*

تاعد مواعيد الجاهـل مـا يكذبهـا=واللي عرف حدها من همهـا سالـي

*

إن أقبلت يـوم ماتصفـى مشاربهـا=تقفي و تقبل وما دامت علـى حالـي

*

فـي كـل يـوم تورينـا عجايبـهـا=واليوم الأول تراه أحسن مـن التالـي

*

أيـام فـي غلبهـا وأيـام نغلبـهـا=وأيام فيهـا سـوى والدهـر ميالـي

*

جربت الأيـام مثلـي مـن يجربهـا=تجريب عاقـل وذاق المـر والحالـي

*

نضحك مع النـاس والدنيـا نلاعبهـا=نمشي مع الفي طوعٍ حيث مـا مالـي

*

كم مـن علـومٍ وكـم آداب نكسبهـا=والشعـر مـازون مثقـالٍ بمثقـالـي

*

اعرف حروف الهجا بالرمز واكتبهـا=عاقل ومجنون حاوي كـل الاشكالـي

*

لا شك حظي ردي والـروح متعبهـا=ما فادني حسن تأديبـي مـع أمثالـي

*

إن جيت أبي حاجةٍ عـزت مطالبهـا=العفو ما واحدٍ من المخلوق يـا والـي

*

قـومٍ إلـى جيتهـم رفـت شواربهـا=بالضحك واقلوبها فيها الـردى جالـي

*

وقومٍ إلى جيتهـم صكّـت حواجبهـا=وابدت لي البغض في مقفاي واقبالـي

*

ما كني إلاّ مسـوى حـال مغضبهـا=والكل في عشرتـي ماكـر ودجالـي

*

يا حيف تخفي أمور كنـت حاسبهـا=واللي على بالهـم كلـه علـى بالـي

*

الجار جافـي وكـم قـومٍ نحاربهـا=والأهل وأصحابنا والـدون والعالـي

*

والروح واشعذرها في تـرك واجبهـا=راح الحسب والنسب في جمع الاموالي

*

نفسي تبي العز والحاجـات تغصبهـا=ترمي بهـا بيـن أجاويـدٍ وأنذالي

*

المال يحيـي رجـالاً لا حيـاة ابهـا=كالسيل يحيي الهشيم الدمـدم البالـي

*

عفت المنازل وروحي يـوم اجنبهـا=منها غنيمـة وعنهـا البعـد آ ولالـي

*

لا خير في ديرةٍ يشقا العزيـز ابهـا=يمشي مع الناس فـي هـمٍ وإذلالـي

*

دارٍ بهـا الخـوف دومٍ مـا يغايبهـا=والجوع فيها معه من بعض الاحوالـي

*

جوعـاً سراحينهـا شبعـاً ثعالبـهـا=الكلـب والهـر يقـدم كـل ريبالـي

*

عز الفتى راس مالـه مـن مكاسبهـا=يا مرتضي الهون لا عـزٍّ ولا مالـي

*

دللت بالروح لين أرخصـت واجبهـا=وأنا عتيبي عريـب الجـد والخالـي

*

قومٍ تدوس الأفاعـي مـع عقاربهـا=لهـا عزايـم تهـد الشامـخ العالـي

*

كـب المنـازل وقـل للبيـن يندبهـا=تبكي عليهـا بدمـع العيـن هطالـي

*

لا تعمـر الـدار والقالـه تخربـهـا=بيع الردى بالخساره واشتـر الغالـي

*

ما ضاقت الأرض واشتبـت شبايبهـا =من كل حر شهر في راس ماطالـي

*

دارٍ بــدار وجـيـرانٍ نقاربـهـا=وأرضٍ بـأرض وأطـلالٍ بأطلالـي

*

والناس أجانيب ليـن إنـك تصاحبهـا=تكون منهـم كمـا قالـوا بالأمثالـي

*

الأرض لله نمشـي فــي مناكبـهـا=والله قـدر لـنـا أرزاق وآجـالـي

*

حـث المطايـا وشرِّقهـا وغرِّبـهـا=واقطع بهـا كـل فـجٍّ دارسٍ خالـي

*

اطعن انحور الفيافـي مـع ترايبهـا=وابعد عن الهم تمسي خالـي البالـي

*

مـن كـل عمليـةٍ تقطـع براكبهـا=فدافـد البيـد درهــامٍ وزرفـالـي

*

تبعدك عـن دار قـومٍ ودار تقربهـا=واختـر لنفسـك من المنـزال مغزالـي

*

لو مـتّ فـي ديـرةٍ قفـراً جوانبهـا=فيها لـ وطء السبـاع القبـس مدهالـي

*

اخير مـن ديـرةٍ يجفـاك صاحبهـا=كـم ذا الجفـا والتجالـي والتحلالـي

*

دوس المخاطـر ولا تخشـى عواقبهـا=الموت واحد ولا عند الحـذر جالـي

*

إن المنـيـة إذا مــدت مخالبـهـا=تدركك لو كنت في جو السمـا عالـي

*

ما فرت الأسد فـي عالـي مراقبهـا=تسعى للارزاق ما حنـت للاشبالـي

*

والشمس في برجها والغيـم يحجبهـا=تقفي وتقبل لها فـي الفلـك مجدالـي

*

رب السموات يـا مجـري كواكبهـا=يا مجري السفن في لجات الأهوالـي

*

ضاقت بنا الأرض واشتبـت شبايبهـ=اوالغيث محبوس يا معبود يـا والـي

*

يالله مـن مزنـةٍ هـبـت هبايبـهـا=رعادها بات له في البحـر زلزالـي

*

ريح العوالي مـن المنشـا تجاذبهـا=جذب الدلي من جبا مطويـة الجالـي

*

ديمومـةٍ سبلـت وأرخـت ذوايبهـا=وانهل منهـا غزيـر الوبـل همالـي

*

تسقي اديار عزيـز الوقـت حاربهـا=ما عاد فيها لبعـض النـاس منزالـي

*

يـا جاهـل اسمـع تماثيـل مرتبهـا=فيها معانـي جميـع القيـل والقالـي

*

شبـه الدنانيـر تزهـا فـي قوالبهـا=في صرفها زايد عن قرش واريالـي

*

يا رب توبـة وروحـي لا تعذبهـا=يوم القيامة إذا ما ضاقـت أعمالـي

*

وأزكى صلاةٍ على المختـار نوهبهـا=شفيعنا يـوم حشـرٍ فيـه الأهوالـي

*

*

بديوي الوقداني

المصدر: منتديات تراتيل شاعر - من قسم: ديوآن آلقصيد ▪●

---

fud] hgirh,d f]d,d hg,r]hkd hg,r]hkd j[dkd

طرح أكثر من رائع
يعطيك العافية على ماقدمت
لقلبك السعادة

طرح رائع
الف شكر لك ع جهودك المميزه
يعطيك العافيه

فخااامة وابداااع
الله يسعد قلبك
يعطيك العافية

يَعَطَيَكَ اَلَعَآفَيَـهَ عَلَىَّ اَلَإنَتَقَآء اَلَرَوًّعَـهَ
شَكَرَاًَ لَكَ مَنَ اَلَقَلَبَ عَلَىَّ هَذآ اَلَمَجَهَُوًّدَ ,
مَاَأنَحَرَمَ مَنَ عَطَـآءكَ اَلَمَمَيَزَّ يََ رَبَ !
دَمَتَ بَحَفَظَ اَلَلَهَ وًّرَعَآيَتَهَ

صح لسان شاعرها
وسلمت انامل ناقلها
قصيدة أكثر من رائعه
روعه وجدتها بين الكلمات
استمتعت بما قرأت
شكري لك

سلمت يدآك..على جميل طرحك وحسن ذآئقتك
يعطيك ربي ألف عافيه..
بإنتظار جديدك بكل شوق.
لك مني جزيل الشكر والتقدير لاعدمناك...

اشكرك الخل مرور اسعدني لاهنت

هيا يسلموووو ع المرور العذب

صاحبة السمو يسلموو ع المرور العذب