ديكناشين deek nation

deek , ديكناشين , nation

ديكناشين deek nation

ديكناشين deek nation


لاتستغربون من العنوان راح تفهمون بعد شوي وش هاالاسم ...

وراح احكي لكم لحكايه (ياريت بابا ياريت )

اسف دخلت قناة طيور الجنة بالغلط .. ما علينا اليكم القصة ..

جارنا موظف مرموق ومدير في شركة كبيرة ومعروفة ومافيه داعي اقول اسمها منعا للاحراج ..
المهم الرجال كشخة وبرستيج وانجليزي وحركتات ..
المهم صارت بيني وبينه صحبة قوية وكل يوم وانا وياه مع بعض ...

المهم في يوم من الايام اصبحت على ازعاج مو طبيعي كانه احد يبي يبني شيء ..
نزلت اشوف الا والله عُمال و خشب من النوع الفاخر ومهندس عند جارنا المرموق


المهم لمحني هالجار وناداني يبي ياخذ رايي في شيء خطير ؟؟؟
ياساتر وش هالشيء الخطير اللي مجتمعين عليه انا والجار والمهندس اللي جايبه ؟

جارنا يبي يبني في حديقة بيته مبنى بس من الخشب ومحتار يبنيه دور ولا دورين وفي أي جهة يبنيه ؟

المهم بعد مشاورات ومضاربات وصراخات كعادتنا العربية ما اتفقنا على أي شيء
وقمنا كـ حل لاغلب مشاكلنا العربية بإجراء " قرعة " عنده اتفقنا على كل شيء .

على فكرة ما سألتوني وش هالمبنى الخشب ... ولمين ؟

جايكم بالكلام لا تستعجلون ...؟

جارنا طلع يحب البيض البلدي ... ووده ينتجه محليا يعني في بيته في حديقته بالتحديد ..
يعني جارنا طلع مصفوق ولاهو كشخه ولا برستيج ويبي يربي " دجاج " .. لا .. وبلدي بعد ..


المهم ماعلينا .. وبدا البناء في بيت الدجاج الخاص وفي حديقة الفيلا للمصفوق جارنا

وتم الانتهاء من البناء في نفس اليوم ولله الحمد وكان جارنا بيطير من الفرح ..
وفعلا من ثاني يوم جارنا جاب السُكان .. اقصد الدجاج البلدي ومعاهم اربع ديوك بلدي ايضا.(4 deek nation ) .

عرفتوا الترجمة ديكناشين معناها ديك بلدي !!


المهم صار جارنا من صباح رب العالمين يقابل هالدجاج ويتفقد احوالهم املا في الحصول على البيض البلدي ...
لكن يافرحه ماتمت .. !!!!
مافيه ولا بيضه ..؟

مو معقول !!!

وش ناقصه الدجاج مايبيضون .. !!

بيت فاخر واكل نظيف وشراب بارد يعني عز في عز ..

المهم جارنا ما يأس ابد وراح وجاب لهم استشاري بيطري ومتخصص في مثل هالحالات ..

وبعد الكشف تبين ان الدجاج سليم وماعنده أي مشاكل تعوق الانجاب ( افرحوا ياللي في بالي ) ..

والمشكله يا فضيحه طلعت في الديوك الاربعة (انفضحنا والله )...
لكن الحمدلله ان المشكلة نفسية وليست عضوية .. وكانت المشكله لكل ديك كالتالي ..

الديك الاول مايبي ينجب وياخذ مانع عشان مايبي يتحمل مسؤولية الكتاكيت وصجتهم

والديك الثاني طلع رومانسي مايبي الا حب وحنان و دلع وسهرات ومواعيد ..

اما الديك الثالث قصته قصة هذا مايبي دجاج وطني ابدا ما يحب دجاج وطنه يقول عنهم مو متطورات ومايعرفون الموضه و مافيهن حاجه تشجع
يعني يبي دجاج خارجي ..( تركي مثلا متاثر بــ نور الاخ ) وطلع الحبيب حق سفريات .... الله بالخير ..

اما الرابع طلعت مشكلته ان الدجاج مايعطيه وجه ويقول عنه مو جذاب ومو حلو وقروي ومايفهم بالذوق والاتيكت
(وش يبون يعني هالدجاج يبون ديك بجمال مهند )

ماعلينا وش صار بعدين ..؟

المهم نزولا عند رغبة الدجاج الوطني بالتغيير جارنا عصب وشال الديوك الأربعة وراح جاب ديك واحد اجنبي .. هو مو اجنبي 100%

لا ... أبـوه وطني و امه اجنبيه وبالتحديد فرنسية من عائلة " دوكس "

وياعيني على هالديك ... اش الجمال .. اش الالوان .. اش الجسم .. متناسق عضلات ..
اش العُرف الملون .. اش العيون الملونه ... لا وناقش على جناحه حرفين ( DJ ) ولابس سلسال بعد ...

المهم دجاجنا الوطني ما صدق بهالمواصفات الخرافية المهندية
وشوفوا عاد طلعة الابتكارات والقصات والحركتات .. والفتحات للصدور والفخوذ جميع انواع الاغراءات لدرجة ان جارنا ماعرف دجاجه وعصب لكن ..

قرر يسكت في سبيل البيض البلدي واعتبرهم مراهقات ومصيرهم يكبرون وينذبحون اقصد يعقلون .

عجيب والله وين هالاختراعات يوم كان فيه الديك الوطني ؟ يالله صار خير نكمل القصة ..

طبعا يوم يومين وجارنا ينتظر ويتفقد البيض ... لكن مافيه فايده ؟ طيب وش المشكله الحين ؟

المشكلة صارت في هالديك ( DJ ) وشفيه ابو الشباب ؟

ابو الشباب مو مبسوط من اشكال الدجاج الوطني ...
مؤهلاته مو حضارية ومواصفاته قديمه حتى مع التعديلات والتفسخ اللي صار بالدجاج ..

وش العمل ؟ والله جارنا يبي يموت من القهر ..
وفي ليل أظلم جارنا اخذ كل الدجاج في كيس وباعه لأقرب محل دجاج ... ( قلنا من اول ارضى بنصيبك )

وراح جارنا وجاب دجاج خارجي ..
إيه كله خارجي وعلى مواصفات اوروبية تركية
يعني مواصفات ( نور ولميس وهانا مونتانا )


طبعا الديك ( DJ ) فرح وصار ما شاء الله انتاج غير عادي لايبقي ولا يذر وجارنا مو ملحق من تجميع البيض وصار يدلل في هالديك ويأكله احسن اكل
ويسمعه موسيقى ( ديكهوفين – ديك هوفين ) ياعيني على الرومانسية .

وبعد فترة .. يافرحة ماتمت .." ورجعت ريِما على عادتها القديمه "

ماعاد فيه بيض .. خير وش هالمشكله ؟

المشكله ان الديك ( DJ ) طفش وصابه الملل ويبي يــغــيــر !!!!!

يــغــيـيـر !!؟؟؟؟

إيـه يبي يـغـيـير ماعاد يبي دجااااااااااااااج لاخارجي ولا غيره

اجل وش يــبــي ؟

يــبــي طال عمره يــغـيـيـر الـصـنـف ؟

يعني اشــلـــون ؟

ابو الشباب يــبـي ؟

والله استحي اقولها ؟

لا .. لا ..

لاتضغطون عليا ؟ مو بقايل ؟

زين ابي اقوووووول ... وانتم تتحملون المسؤولية ؟

ابو الشباب الديك ( DJ ) يبي " بــــــط " ( Bate nation – بطنايشن )

المهم الديك ( DJ ) اضرب عن الطعام واعتزل الدجاج ..

وعرف الدجاج الخارجي بالموضوع وصار كل يوم تنتحر دجاجه .. وجارنا ارتفع عنده الضغط والسكر ..

" أكمل الحكايه .. "

" يا ريت بابا يا ريت .. "

المهم عسى ما انبطت صدوركم مني ... اكمل ولا اوقف ..

زين باكمل ...

انتحر كل الدجاج ومابقي غير الديك ( DJ )

اللي كان مصيره فظيع ومرعب !!!!؟

تعرفون وش صار فيه ؟

في ليل اسود من الكحل دخل المبنى الفاخر قطو (عــُـري ) ..!!

قطو (عــُـري ) .. يعني قطو متوحش كبير وسكران وانقض على الديك ( DJ ) وافترسه وماخلا فيه غير السلسال والريش ..

وقام جارنا الصبح واغمي عليه من المفاجأة وشالوه للمستشفى وطلع مصاب بمرض (Egg nation - بيض نايشن ) يعني مرض البيض البلدي .

بقي شيء واحد ما قلته لكم ولا احد سألني عنه ...؟

وهو كيف كان صوت الديك ( DJ ) يعني حلو .. ؟

واقول لكم ان الديك ( DJ ) ماكان يتكلم اقصد ما كان " يـــأذن " لانه للاسف

للآسف ..

كان " مسيحي "


يالله عاد ...

" خلصت الحكايه ....... يآآآآآآآآآآآآآ ه ...... "




ملاحظة : الموضوع من راسي وغير مسموح بالنقل الا بعد موافقة صاحب الموضوع ولعله بمرض " بيض نايشن "

بقلم / المجــهـــــول وليس منقوووووووول

المصدر: منتديات تراتيل شاعر - من قسم: وسع صدرك وخليها وعليها ▪●

---

]d;khadk deek nation

خطيييير عجيبه ذي القصة يعني يبي بط مو عاجبة اللي عنده ههههههه

ههههههههههه.... لحست أوممم أوووم عقلي يااخي ...
أول شي الفكرة روووعة ... ومنك يااأبو الإبداعات أشد رووعة ..
مو حاابه اتفلسف بس كل ماجيت اقيسها عالواقع طلعت .. فظيعة وأكثر غرابة وتعجب !!
محبووكة في الطرح والخيال والتسلسل ..
مدري الناس تختلف عقولها بس انا شفتها من منظور الإنسان وإحتياجاته ...
لا يعجبه العجب ولا الصيام في رجب ...
ويمل ويتعلل وعشان هواه ياهب ألف سبب !!


المجهول إنته صاحب قلم لا يستهان به ..
وفكر راقي يؤخذ به ..

تحية ل شخصك ..
وشكرا ل طرحك

ههههههههههههههههههههه
يعطيك الف عافيه
الله يسعد قلبك

هههههههههههههه
يعطيك العافية

المشاركة الأصلية كتبت بواسطة akƨǦ̩̥ɪ̣̝̇n̥̥̲̣̥ خطيييير عجيبه ذي القصة يعني يبي بط مو عاجبة اللي عنده ههههههه

لاعجيبة ولا شي طال عمرك ، يطالب بحقوقه
يعني وش بقي بهالعالم اللي ما صار
حتى المثليين صار لهم حقوووق
ههههههههههههه

يا هلا وغلا بــ " أووك " وبالانجليزي " ook"
انستينا وشرفتينا
لاخلا ولا عدم

المشاركة الأصلية كتبت بواسطة نبراس ههههههههههه.... لحست أوممم أوووم عقلي يااخي ... أول شي الفكرة روووعة ... ومنك يااأبو الإبداعات أشد رووعة .. مو حاابه اتفلسف بس كل ماجيت اقيسها عالواقع طلعت .. فظيعة وأكثر غرابة وتعجب !! محبووكة في الطرح والخيال والتسلسل .. مدري الناس تختلف عقولها بس انا شفتها من منظور الإنسان وإحتياجاته ... لا يعجبه العجب ولا الصيام في رجب ... ويمل ويتعلل وعشان هواه ياهب ألف سبب !! المجهول إنته صاحب قلم لا يستهان به .. وفكر راقي يؤخذ به .. تحية ل شخصك .. وشكرا ل طرحك

" لا يعجبه العجب ولا الصيام في رجب "
هذا حالنا طال عمرك
و كلامك صح مية بالمية
اللي فهمتيه هو اللي انا قصدته
كل واحد منا للاسف ماهي عجبته حياته وهذا سببه " القناعة " والرضا بما قسمه الله له والتسليم بأنه هو الخير وفيه كل الخير

شاكر ومقدر لك كلامك وثنائك
الله لايحرمنا منك ومن وجودك
تشريفك دووم يسعدنا

وأسفين على لحسة مخك حسبناه " ايسكريم "

المشاركة الأصلية كتبت بواسطة شموع الحب ههههههههههههههههههههه يعطيك الف عافيه الله يسعد قلبك

الله يعافيك ويسلمك ويسمنك
ويجعل هالضحكة دووم يارب

شاكر ومقدر لك تشريفك

المشاركة الأصلية كتبت بواسطة صاحبة السمو هههههههههههههه يعطيك العافية

هلا والله بـ صاحبة السمو
أسعدنا وجودك وحضورك
الله يعافيك من كل شر ويجعل ضحكتك دووم يارب

يوووووو
من زمان عن قصصك
هههههههههه طبعا بيصير كل ذا الدراما عشانه مسيحي
الله يخلف على جارك
المجهول

مبدع كعادتك
ماننحرم من هالاطلاله
بانتظار جديدك