على طاري سواليف المطر والبدو والراعي
على طاري صباح الخير والبرد وميادينك
على طاري سنين البعد والفرقى ومرباعي
سنينك كيف تقضيها وش مسوي مع سنينك
تذكر يوم قلت ان الفراق بيلوي ذراعي
وانا طمنتك وقلت انتلاقي في عناوينك
تفارقنا وتلاقينا سعينا والهوى ساعي
وما خليت لي شي استبيحك فيه وادنيك
لا تحكي لي عن اوجاعك ولا بحكي عن اوجاعي
لا تسالني عن غيابي وانا ما قلت لك وينك
ترى اوضاعك هي اوضاعك واوضاعي هي اوضاعي
مدام قلوبنا وحدة بتذكرني شرايينك
واذا ودعتك ورحت بطريقي تعرف اطباعي
اكيد بتلتقي بعد الفراق ايدي مع يدينك
فلا
تعتب على
قلبن صرخ من
داخل اضلاعي
ولا تشره على عيني تراها بيني وبينك
على كثر الدموع اللي اذرفت عينك على وداعي
تحير الدمعة بعيني وتدعي ربي يعينك
انا ببكي على فراقك ولكن ما لها داعي
اخاف ان طاحت دموعي تطيح الناس من عينك