روح وانا اروح والدنيا نصيب
اللبيب اللي تكفيه الاشاره
وانت في عيني انا اشوفك لبيب
امس انا وحدي فقط ذيب المغاره
مير صار اليوم فيها كم ذيب
كان ودك روح صل الاستخاره
قبل لاشمس الضحى عنك تغيب
من يقرر لازم يحكم قراره
وش جنا جساس من ذبحة كليب
ابك انا مليت من دفن العباره
استلمها لو تجيب اللي تجيب
فيك قاف الشعر يعلن احتضاره
فيك قيفاني نحيب في نحيب
بالفراق ابشرك وابغى البشاره
روح وانا اروح والدنيا نصيب
بس ابوصيك لن حبيت تااره
خاف رب البيت في قلب الحبيب
كان قلبك قاسين مثل الحجاره
فيه بعض الناس قلبه كالزبيب
اعرفك دايم مكانك فالصداره
لاقتلتي قلب مايلقى طبيب
تستحقين الاشاده و الجداره
لا طعنتي صعب طعناتك تطيب
شوفي الطعنات في قلبي اماره
كلها لك دون زور ودون ريب |
v,p ,hkh hv,p ,hg]kdh kwdf v,p ,hg]kdh ,hkh
|