تَعب أوّل ( معَ موسيقا صَامتة ) :
( صدى أشيائك )
بانت خيوط الفجر وأ نتي ,
بَعدِك مَـ جيتي ولا بنتي , !
صبرت لين العُمر شيَّب ,
وهذي عوايدك .. ما تبتي !
تدرين من ليلة غيابك ..
وأنا أنتظر وعْد واعَدتي , !
للحين في مكاننا نفسه ..
أجي .. ولا كنّ أبد غبتي , !
لا زلت أغمِّض على أشيائك !
وألقاك فيها .. كما كنتي .. !
ولا زلت أسافر معَ عيونك ..
ليا خجلتي .. وسلهمتي , !
ولا زلت أمارس معك حقِّي ..
رغم إنْ تخلَّيتي ورحتي , !
ولا زلت أصونك رغم بُعدك , !
مع إنِّك لْوَعْدنا .. خنتي .. !
ولا زلتِ بعمري الأجمل , !
ولا زلتِ أنتي كما أنتي , !
ولا زلت في مكاننا نفسه ..
أجي .. وما كنّ أبد ( متِّي ) , !!
تَعب آخر ( مع ناي ٍ يبكي ) :
( موت الأماني ) ..
أنتْ لي كنت بحياتي كلِّ حاجة
ابتعدتْ وصار ما للعمْر حاجة
الشبابيك .. النسانيس .. المدامع
كلّها تنشد ظلامي عن سراجه
ازدوج ليلي معَ صبحي في بُعدك
وحالتي يرثى لها بعد ازدواجه
الوطن والشعب وديار المحبّة
كلّ منهم رافعٍ لوح احتجاجه
الثرى صار يتعذر للمُزارع
والحلو بالما تحوّل لا هماجه
من يصدق من بعد ذيك الليالي
انقتل حلمٍ .. ولا عدنا نْتواجه
البقا براسك على موت الأماني
وذكرياتٍ قبرها عنق الزجاجة
البحر ما نطّقه رمي الحجارة
والزمن لو ينلعن .. يتبع مزاجه
والسجين إن عدّ بأيّامه وحسّب
ما يقرّب عدّه ليوم انفراجه
والمرض غدار باجبار الخواطر
ما العمل لو ما تعاطف مع علاجه؟
الله يوفقك ويفتح لك دروبك
ولا تحاتي .. أرض آلامي فجاجة
هالزمن خلاّ بحياتي كلّ حاجة
ما احترم حرمة خفوقي واحتياجه
يا زمن قلّي شسوّي بالمصيبة ؟
وآنا محبوبي بعد بكرة زواجه !
محمد احمد الحربي
( wJ]n HadhzJ; ) >> !