ياشينها غلطه الغالى علـى الغالـي

ماعاد ينفـع دواهـا لـو يداويهـا

ياليتها من عدوي ويمكـن أشوالـي

وإلا أني اقدر على الغلطة وأعديهـا

ماهي كذا تصبح وتمسى على بالي

لآ رتحت منها ولا أدري وين أوديهـا

ومهما كتبت القصيد المر والحالـى

عيـت جـداد القصايـد لاتسريهـا

وابسط ما يؤثر على وجيـه عذالـي

وأقسى مايقسي على نفسي طواريهـا

وأكثر ما يبحث خفاى ويسرف بحالي

الى تمعنـت فـي الرفقـة وتاليهـا

اشره على اصابعي وازرار جوالي

وإلاعلـى قائمة الاسمـاء وأساميهـا

وإلاعلى اللي يروم المرقب العالـى

وش مكسبه يوم حول من علاويهـا

زودٍ علـى الهـم همـه التـالـي

وأمـال ماطالهـا وأمـال يبنيهـا

ياخال باق العلوم عراض وطوالـي

مايسمح الوقت لأجل أعطيك باقيهـا

وقـل للمدينـة وأهلهـا لاتحرالـي

وإن ما أسمعتك المدينة قل لاهاليهـا

اعيش مسجون ولا المهمـة الخالـى

أحسن ولااشوف نفسي في ضواحيها

حتى لو انها تضم المترف السالـى

قلبي جزع من معرفتهـا وطاريهـا

وان قالوا أشفية متكبـر ومتعالـي

لاتقول مشغول وعلومـه مخفيهـا

قل منجرح من سوايا واحدٍ غالـي

واللي مسبـب جروحـه لايداويهـا

لكن اللي زيد كدرهـا علـى حالـي

دربيت فوقـه حصـاة مايدربيهـا

أنا لو إن عمي أخطا وأنجرح خالي

سلم العرب وإن بغيتـه مايمشيهـآآ