مادريت , الضمـــــه , ابن , انها , يلعن , كذا

ضَمني حيل
قلت ( ارفق )
قال ( تو الناس بدري ) ...
ما بدينا ...
(( ما لوينا من ورى ظهرك يدينا ))
ما تهنينا بـ ضَمة ...
خَلِي آخذ بس فُرصة ...
ودي اقهر واحدٍ ملعون جد
ودي اقطع من وريده لين تتقطع حباله ..
قلت ( من هو ...؟! )
وابتسم لي
قال ( واحدٍ من جِد
ماأطِيقه
يسمونه جفى . )
قلت ( تكفى ... إلعن أُمه
شد حيلك )
قال ( والله لقتله واربط عياله )

وضَمني حيل آهـ ياقو ضمـة
... ياهو مجنون
مادريت الا وانا اشهق ...
وشوفي عاد شهقة البنت وش تسوي به يا يُمه

خَلَته ملح ...!!
وقمت أصَفق في كفوفي ... مدري ليش ...؟!
وتنتفض بالقيظ يا يُمه كتوفي ... ما هو برد
مدري ويش ...؟!

وآتعبر
لعن ابوه الحضن ... جنني ...
ودهوَرني ... ما دريت انه كِذا
رَجَعْ العُمر اللي مات
ودفى بعيوني الحياة..

والضحكات ...
والآمال والأحلام والنشوّة بعد
وقمت اشد يديه واترجاه يرحمني يايمة

ويوم شال يدينه عني

قلت تكفى أرجع أرويني بضمة

والله حالة.!
هالغلا ملعون أبو ..

ماترك شخصن بحاله ..

قال يلا أبي أروح )

قلت تو الناس بدري ,,

مابدينــا..

المصدر: منتديات تراتيل شاعر - من قسم: هذيان الروح ▪●