أنت , الخلق , الغلا , الناس , سيّد

أنت الغلا يا سيّد الخلق و الناس




دخلت قلبي دون رنّات و أجراس



لازلت بالخاطر و لا زلت بالراس


و لازلت أشوفك وين ما حط ّ عيني



أنت الغلا يا سيّد الخلق و الناس


و أنت السوالف بين نفسي و بيني


شفت المياه إشلون تنصب بالكاس


الكاس عمري و أنت موية سنيني


دخلت قلبي دون رنّات و أجراس


و تستاهل إقلط دام روحك تبيني


أسست لك بالقلب مبنى على ساس


بنيته إبحبي و أساسه حنيني


تدري صدور الناس بالحب تنحاس


و تدري بصدري حب محتاس فيني


مثل الشجر لا طاح من ضربة الفاس


بالحب أحس الضرب دايم يجيني


و حبك يجيني شعر و أكتبه بإحساس


و أنشره للعالم و لك يا ضنيني


و الله لولا الشعر و أوراق كرّاس


ما صد ّ عنّك و أتركك ترتجيني


أنا تسلّفت الجفاء رغم الافلاس


و اليوم تم ّ و حل ّ تسديد ديني


عقد ٍ نظمته لك بأصابع يديني


و إعرف ترى شعري مع الوصل حسّاس


بالبعد بس ف بعدنا يهتويني


و إلا أنت بالخاطر و مشغل لي الراس


ومن وين ما ناظرت.. زولك بعيني

المصدر: منتديات تراتيل شاعر - من قسم: ديوآن آلقصيد ▪●