شكراً: 240

تم شكره 717 مرة في 389 مشاركة

ههههههههههههههههههههههههه

من جد تعرفين تختارين مواضيع تخليني اوقف واقول مستحيل اتعداها اهنيك والله

شوفي موضوعك شيق وجميل وعنوان الموضوع شدني مرا لاني معلم ونمر بهذه الظروف لكن الي ياخذ بالخاطر يوم اشوف العنوان يقول عدم احترام الطلاب للمعلم ويوم نجي للاسباب نشوف انها اكثرها بسبة المعلم نفسه من تقصير او قسوة او غيرها
لكن الواقع المرير من باب تجربة الطلاب ما يحترمون المعلمين لسبب واحد واكلمك عن مرحلة متوسطة وابتدائية انه يعرف انو الشخص الي امامه ما يقدر يسوي معاه اي اجراء وان الطالب مهما تمادى محد يقوله شيء هالامر الي جعل شخصية المعلم مهزوزه وغير كذا انتشار مقاطع التيك توك للمحامين الي يقولون لا يستطيع المعلم ان يوقفك او يخصم عليك او يسوي معاك اي شيء انت شيخ بالفصل وسوي الي تبيه يوم نجي لارض الواقع الطالب مهما اخطا ما تقدر تقوله عينك براسك واشوف انه اكبر سبب لعدم الاحترام ضعف التربية الاسرية الواحد لو انه مربينه اهله زين مستحيل انه يقل ادبه لكن لو بيته فيه خلل مستحيل انه يكون صاحي عندك والشيء الثاني وجدنا كثير من اولياء الامور يشجع اولاده لا تسمح له يوقف او يضربك او غيره وترى بنصور ونننزلها بتويتر نشكيكم ,,,, انا بمدرستي الان علينا شكوى من حقوق الانسان يعني تركوا الادارات كلها واشتكوا حقوق الانسان ويوم يجون المشرفين يكذبون المعلمين ويصدقون طلاب ,,, واكتشفنا بعضهم ابوهم ملقنهم قول استاذ فلان ضربني والاستاذ ذا اساسا ما يدرسه وربي شيء يقهر وازيدك من الشعر بيت بعضهم اصبح ياخذها تجارا انو لو ضربه معلم يسوي تقرير ويلا يا تعطيني فلوس يا اشكيك وفعلا ما يتنازل الا ب 50 الف
وبعد ذا كله تبين توصلين لجيل كويس او مخرجات حلوه مستحيل واعرف كلامي ما بيعجب كثير
لكن اعيد واكرر واقول الكلام اسهل من الواقع الي يبي يجرب الواقع ياخذ له 40 طفل في فصل ويجلس معاهم نص ساعه بعدين يكلمنا ,,,,

شكرا لك ,,,,