مابخاطرك , علينا

عسى ما بخاطرك شيً علينا ..
إذا أخطينا ترانا مادرينا ..

خذاك الوقت منّا وأنت غالي ..
وخذانا الوقت منّك وإلتهينا ..

ووقتٍ معك ماننساه كانك ..
نسيته لاتحسب إنّا نسينا ..

رعاك الله ياذيك الليالي ..
ليالي ماتعوّد لو حكينا ..

غلا واشواق واحساس ومشاعر ..
خذانا العشق من يوم التقينا ..

لكن هذا الزمان وذي ظروفه ..
وبعض الاشياء تجي غصبٍ علينا ..

يا كم غالي سمحنا من وصاله ..
رضينا بغيبته لو مارضينا ..

وكم غالي بدون اسباب قفّى ..
وحنا ما خبرنا قصور فينا ..

سلينا عنه ماكنه جرحنا ..
بحفظ الله دامه مايبينا ..

وكم قلبً من جروح المحبة ..
غدى من الشوق للأحزان مينا ..

غلا وأشواق وإحساس ومشاعر ..
خذانا العشق من يوم إلتقينا ..

لكن انت اللي لو أبطيت منّك ..
بنبطي من بعضنا ماشكينا .

المصدر: منتديات تراتيل شاعر - من قسم: ديوآن آلقصيد ▪●