07-23-2022, 08:57 PM
|
|
|
|
|
|
يا بنت لا يغرك
يا بنت لا يغرك بملح الرجاجيل
ولا تعشقين الرجل أبد من وسومه
بعض الرجاجيل مثل دله بلا هيل
يعجبك شكله والبلا في عـــلومه
أوصيك يا بنت بالرجال الحلاحيل
اللي يحضرون كل طيحه وقـــومه
وأهل المجالس عامـــــره بالمعاميل
واللي عن الفجر ما تعوّقه نــومه
ترى هالملح الحريــــم المهابيل
اللي تدوّر في المراجل رخــــومه
مصيرها تندم إذا شافت الـــويل
تلقاه رخوٍ ما تشيله عــــــزومه
يا بنت ملح الرجل ماهو بتجميل
لكن جماله سمعته عند قـــــومه
ماهو مثل بعض الرجال الشخاليل
السكبه وعطره هي أكبر همومه
يا بنت خلي عنّك القال والقـيـل
وإختاري الشده وخلي النعـومه
هـــذي نصيحه لليالي المقابيـل
والليل يعتم لا جفت به نـجومه
dh fkj gh dyv;
اللّهم جمّلني بقلب رحيم ، وعقل حكيم ،
ونفس صبورة ، واجعل بسمتي عادة ،
وحديثي عبادة ، وحـياتي سعـادة ،
وخاتمتي شهادة .. ياا رب ♥ !
سبحان الله وبحمده سبحان الله العظيم
|
|
6 أعضاء قالوا شكراً لـ ورود على المشاركة المفيدة:
|
|
|