منتديات تراتيل شاعر - عرض مشاركة واحدة

01-26-2022, 12:09 AM

( خُذني بحضنك )

لو كنت تدري وش يسوي بي غيابك
والله ماغبت يا أغلى الناس عن عيني

لو ان ماصابني من هالغلا صابك
أقسم بربي ثواني ما تخليني

لو تدري بلهفة عيوني على بابك
كان تعرف وش بلاي ؟ وش معنيني

تصدق إني إذا أبي أسولف أبدابك
وكل السوالف لدرب إسمك توديني

تصدق إني أموتك موت وأحيابك
تخيل أحياك و أحيابك و تنهيني

أغار من عطرك ومن لهفة ثيابك
ويغار قلبي من مصافحك ليديني

عاد لا صرت تدري وش يسوي بي غيابك
أنا دخيلك .. رجيتك لا تخليني