ادفع ثلاث ارباع عمري لجـل يـوم ..
اجلس انـا ويـاك واخـذ كثيـرك

واليا حصل يومين الله مـن علـوم ..
واليا بغيت اسنين انـت وضميـرك

تراني استاهل وانـا منـك محـروم ..
لاتحرم اللـي منتظـر مـد خيـرك

تعبير وجهك يعتبر طارد هموم ..
غمازتـك اجرام يجيرك .. الله

بحات صوتك وانت صاحي من النوم..
تكره اذا .. كلمـك صـوت غيـرك

تنهيد صدرك وانت ضايق ومهمـوم ..
من حسها سلـم مصيـره مصيـرك

كلك على بعضك اليا جيـت مملـوم ..
ماتنحسد النـاس تحسـد عشيـرك

ياخي لحقني منك شرهة عتـب لـوم ..
قلبي كسيرك وانت تطعـن كسيـرك

شفني اخايل فالسمـا بـرق وغيـوم..
ضميان وانت تشح عنـي غديـرك

انا اعد من السهـر ضيـم ونجـوم ..
وانت تحضن مخدتك فـي سريـرك "

خلك على وضعك عسى وضعك يدوم..
بس ودي في بعض الامور استـشيرك ,,

اذا اعتبرت اني اسيرك ومـن قـوم..
ماهو كـذا اصـلاٍ تعامـل اسيــرك

واذا فترضت ان فيه ظالم ومظـلـوم ..
تدري بلاش من افتراضـي يثـيـرك

واذا بحياتك شخص فيه انت ملـزوم ..
لاصار هو اولـك مابـي اخيــرك ,, !

لكن تأكد مـن عرفتـك الى هاليــوم ..
انا حيـاتي مابهـا شخـص غيــرك

PPP )( >>> Hkh pdhjd lhfih aow ydv; PPPP Hkh pdhjd aow