بعد المحبه , علامك مانت طايقني ؟
وانا على خبرك أشواقي هي أشواقي

اسلوبك اليوم يقتلني ويحرقني
سؤال ؟ ابسألك وين اسلوبك الراقي !

حتى كلامك معي بالحيل مقلقني
والشك في داخلي ماعاد ينطاقي

ان كان قصدك تقول إرحل وفارقني
برحل ولكن مصير الحي متلاقي

وان كان قصدك تغلا وانت عاشقني ؟
ابشرك ماتغير شي بعماقي

وان كنت تمزح ؟ أمانه معك روقني
تراي مكسور خاطر وانكسر ساقي

بس بصراحه , من الآخر وصدقني
صدمتني واستراحت . هقوة الهاقي

ياليتك تحس بإحساس ٍ مضايقني
وياليت تقرى كلام ٍ داخل احداقي

حلمك من اول ! في هالدنيا تحققني
واليوم في بحر غدرك ناوي اغراقي !

والحظ الاقشر يوم إنه فيك علقني
خلاني دايم على شوفتك مشتاقي

علمتني كيف ( أحبك ) لاتوهقني
علمني ( أنسى ) ولا تستكثر الباقي

كنت احسب إنك اذا جيتك تعانقني
أثريك لا طايق ٍ شوفي ولا إعناقي

fu] hglpfi ughl; lhkj 'hdrkd> lhzm hglpfi fu] ughl; 'hdrkd