01-05-2021, 09:44 PM
|
|
|
|
|
|
أغلى ثلاث
مدغم ابو شيبه
شاعر ومن فطاحلة الشعر
استمعوا واستمتعوا
اغلى ثلاث
انثر على خدي من الدمع وانوح
لين المدامع جف ماهن وباحن
ومشاعري من شان لاصير مفضوح
اكذب على نفسي واقول استراحن
اهدي اعصابي وانا افور وافوح
لوفوقي الدله والابريق فاحن
لني فقدت الروح مع توأم الروح
اغلى ثلاث(ن) في حياتي وراحن
راحن وباب القلب للحزن مفتوح
والنوم عن عيني دروبه تناحن
ورثت من مرواحهن عشرة جروح
اسكت وهن سكوت ون صحت صاحن
والى لزمت الصمت ماودي ابوح
تجردن من صمتهن واستباحن
يال النصيب اللي كتب لي على اللوح
علقتهن بين المحاجر وطاحن
طاحن ويوم الظل ميل على الدوح
كن الحمايم في ضلوعي تلاحن
ياكسرة الخاطر وياقصرة الشوح
ضحيتين الحرب والحرب طاحن
قفن عن عيوني بروق(ن)لهن ضوح
واتلا العهد في شوفهن عقب لاحن
زينة حياة, ونصف دين, وغذا روح
اغلى ثلاث(ن) في حياتي وراحن
Hygn eghe
|
|
7 أعضاء قالوا شكراً لـ جنون الحرف على المشاركة المفيدة:
|
|
|