أقسى , سكنت , عناويني , فخمة , نبضي

أنا اللي قلت في نفسي احبك وابتدى التمثيل
وبديت اكذب على نفسي و اقول انك نظر عيني


خطأك انك تصدقني تبادلني الهوى وتميل
صـدقت بكـل اشـواقك وكاذب كـل مـا فيـني

خدعني وهم احساسي بلا غايه ولا تحليل
ظــلمك يـوم جــاريته أجامل وانت تعطيني

لقيتك غارق بحبي ولا لي للامر تبديل
حــرام احطم احلام بنـاها الحـب بـإيديــني

وسايرتك على كيفك لقيت القلب حبك حيل
وفجأه صرت لي نبضي سكنت اقصى عناويني

ولا فكرت في جرحك ولا ودي تذوق الويل
ولا حـبيــت نــتـفارق وعـيـنـك يــوم تبكيــني

ولكن بانت الكذبه وقرر قلبي التعديل
تــنبه بـعد مـا فــات الاوان ومــرت سنــينـي


علينا دارت اللعبه مثل دورة نهار وليل
تحب وكنت انا لاهي عشقتك وانت جافــيني

خلاص الحزن ما ينفع تبادلنا الهوى تمثيل
خسارة صرت انا احبك وانت اللي تجافيـني

المصدر: منتديات تراتيل شاعر - من قسم: ديوآن آلقصيد ▪●