الشعر , احساسٍ , بتزييف , وماهو

الشعر احساسٍ ولاهو بتزييف

الشعر احساسٍ ولاهو بتزييف
الشعر قبل أكتبْه لازم أحسّه

ما أقدر به أجامل واقول تخريف
لا بد ما يْلامس شعوري ويمسّه

معْتادني ويزوني كنه الضيف
معْتادني والقلب معتاد همسه

بيني وبينه شايلٍ كل تكليف
بلا مواعيد بلا اذن رمسه

زعّلت به ناس تبيني على الكيف
وناس يا ما حاولت عبث طمْسه

الشعر طيرٍماكره بالمشاريف
حرٍ عديمٍ نارد اليوم جنْسه

هيهات لا ما يْطير به شاعرٍ زيف
هيهات يضرب بالمعاني بخمْسه

كم شاعرٍ به يتعدى التواصيف
وكم شاعرٍ يدور به حول نفْسه

ان جا فهو مْشرفٍ كل تشريف
وان صد عاندني تغيب شمْسه

هذا كلام الصدق ما فيه تحريف
ينبض به احساس الشعر يوم جسّه

المصدر: منتديات تراتيل شاعر - من قسم: ديوآن آلقصيد ▪●

---

hgauv hpshsS ,ghi, fj.ddt hpshsS fj.ddt