المشاركة الأصلية كتبت بواسطة الملك

السلام عليكم

اتوقع الموضوع الهدف منه الي يقدم دعوات او يسحب اعضاء لمنتديات اخرى وبقية الكلام رتوش


لذلك من باب خبره طوووووووووويله بالمنتديات



الدعوات طبيعي جدا هذا بحد ذاتها

لانه لو مافيه دعوات ماكان فيه منتديات

زمااااااااان مافيه وسايل تواصل فكان بعض المنتديات تعلن عن منتديات باتفاق بينهم

حاليا مع وسايل التواصل سهل اني ادخل على حساب تراتيل بتويتر مثلا واعمل دعوه لمنتدى اخر
ولككككككككككن يبقى ذائقة العضو في اختيار المنتدى المناسب له
والله لو يقدم لي عضو دعوه لاي منتدى ومهما كان هالعضو عزيز وغالي ولكن القى منتدى مافيه جاذبيه راح اعتذر له ،

عندي كلام كثير وكثير جدا

بخصوص سحب عضو نكاية بالموقع ( ايا كان الموقع )
ودايما العضو الحلقة الاضعف

معظم مؤسسي المنتديات هم مدراء سابقون لمنتديات صار خلاف بينهم وبين ادارة المنتدى
فلا احد يحط اللوم على عضو ويتهمه انه ناكر للجميل

بعض مدراء المنتديات هداهم الله مجرد خلاف مع عضو يقوم بالتشهير فيه وطبعا العضو ماعنده منبر يدافع عن نفسه ، ويدور الزمن ويصير خلاف بين المدير وصاحب الموقع فتجد المدير يؤسس منتدى وياخذ معه الاعضاء والدليل تجد منتديات طبق الاصل من منتديات اخرى ( كأني طلعت خارج الموضوع )

.................
من حق اصحاب المنتديات منع الاعضاء من الدعوات وكذلك من تبادل الايميلات .. الخ
رغم انه عفا عليها الزمن ولكن حق لهم يعني سهل اوصل لاي عضو خارج المنتدى وطبيعي جدا


نقطه اخيره

من عشر سنوات كانت المنتديات المتنفس الاوحد بعالم النت
حاليا اكبر المنتديات تقفلت بسبب وجود متنفس اخر ( وسايل التواصل )

لذلك بقاء الاعضاء بالمنتديات مرتبط على ثلاث نقاط مهمه
تكوين صداقه داخل المنتدى ، ادارة تحبب الاعضاء بالمنتدى وتعامل راقي ، وكذلك جوده مايقدمه المنتدى



عندي كلام كثير بس ورايه منصة مدرستي هههه ( امزح امزح )


قبل اروح لمنصة مدرستي

المنتديات شي جميل وجميل جدا وذكريات حلوه
مثلا لو ابغى ابحث عن معلومه بقوقل مجرد ما اكتب الشي الي ابحث عنه على طول يدخلني منتدى والقى الي ابيه
حاليا مع افل نجم المنتديات صعب نلقى ملعومه نبيها
لذلك الي عنده منتدى يحافظ عليه


تحياتي للجميع