لاتزعلين , الوسيعه , الضيق

لاتزعلين الضيق فيه الوسيعه

لا تزعلين تضيق فيني الوسيعـه
لا تزعلين اظـن مافيـه داعـي

بيني وبينك ماتصيـر القطيعـه
خلي الزعل للي هواهم صناعـي

لك بالوفا يانور عينـي طبيعـه
مير ادمحى الزلات وروفي وراعي

الخـل مايرضـا لخلـه هزيعـه
عن الطمـان ينزلـه بالرفاعـي

انا وقلبـي يالعيـون الوسيعـه
لاجلك ترانا ماذخرنـا مساعـي

نشري رضاك وخاطرك مانبيعـه
حبك هوى نفسي وشوفك متاعي

اشواق قلبي تندفع لـك سريعـه
وانا على شانك سريع اندفاعـي

امرك يلبيـه الخفـوق ويطيعـه
لو في حلاة النوم فزيـت واعـي

لاتجرحين القلب وانتـي ربيعـه
خل الزعل لايصير سبة ضياعي

حب البشر لو تجمعينه جميعـه
حبى لك اكبر والوفـا من طباعـي


طلال السعيد

المصدر: منتديات تراتيل شاعر - من قسم: ديوآن آلقصيد ▪●

---

ghj.ugdk hgqdr tdi hg,sdui hg,sdui