اللي , الخاطر , ياكاسر , خبره , شوفتك

ياكاسر الخاطر اللي شوفتك جبره }

تامرني انساك بنسى وش يمنعني


لكن ليا جيت في بالي ( وش الدبره )

العبره اللي لها يومين تخنقني
خذيت منها على مر الزمن عبره



افرح ليا بان واحزن لا سلا عني
إلين ماصرت في دور الهوى خبره


تامرني انساك بنسى وش يمنعني
لكن ليا جيت في بالي ( وش الدبره )


خذيتني سالي وداله ومتهني
ورميتني شاعرٍ ساهر على حبره


الله حسيبك على الضيقه معودني

ياكاسر الخاطر اللي شوفتك جبره


تطلب وانفذ اآبي قربك وتجهلني
كني طلبتك تحفر البير بـ الأبره ..!


تقول : يامكرم القيفان تخدعني
وآقول : بعدك كفنه وغيرته قبره



طيفك على صدك وبعدك مصبرني
لو كان طيفك يشيل القلب من صبره


امهلتني للزمن والوقت مهملني
ياحر كبدي على ( حاجات منثبره )

واللي سرق بالي وحيّره واشغلني
طاريك لامر وش دخله بالنبره


موج الغلا يم سيف الشوق يدفعني
ياقرد حظي معى شفّي وياغبره


إليا طلبته يقول آسف وفارقني
اللي معى مايعل النفس ياكبره

ولا انت ياحزبة الضامي معذبني

متى نصادف طريقٍ نلتقي عبره ..؟!

ابتصل فيك لا . . مانيب متعني ..!
اخاف لاقلت (.احبك.) تخنقني العبره ..


مجرد ذوق
واتمني تروق ل اذواقكم

المصدر: منتديات تراتيل شاعر - من قسم: ديوآن آلقصيد ▪●

---

dh;hsv hgoh'v hggd a,tj; [fvi C hgoh'v dh;hsv ofvi

سبحانك اللهم وبحمدك اشهد ان لا إله إلا أنت استغفرك ربي واتوب إليك -