لاند , بصمتك , بناسيها , والحد

بسمتك يا والدي ماني بناسيها

دقات قلبي تزيد بحرّة(ن) فيها
والدمع من مهجتي بالحزن ذرافي
من لوعة يا عسى ربي يجليها
حمّى غشتني بغم وتنفض أطرافي
ليت الليالي تعود بحلو ماضيها
هيهاتِ ترجع بما روَّح وما طافي
كل(ن) يعزي وأنا روحي أعزيها
لرحيل أبوي اللي بالأفضال معطافي
آهـ من الوقت والدنيا أثنِّيها
دنيا تفرق شمل بالحيل تنعافي
بسمتك يا والدي ماني بناسيها
تضحك إذا شفتني بالخير متعافي
ليت العمر ساعته تنباع وأشريها
بأغلى ثمن يايبه للعمر تنضافِ
مسجدك مشتاق للآية وتاليها
ومنبرك من عقب ما فارقت له طافي
وغرشة دهن عودك بدرجك أغطِّيها
أشم ريحه وكنك مقبل(ن) لافي
نظارتك شلتها حزني يبكِّيها
حتى المساويك ناحت بين الأرفافِ
وعصاك مسنودة(ن) جيت أبحاكيها
تقول يكفيني, ما فيني ترى كافي
وبستانك اللي به النخلات تسقيها
يبست سواقيّ تمره دون خرّافِ
يبه .. يبه .. يا يبه, لمن بأطرِّيها؟!
هني من له أبو حي(ن) وينشافِ
فنجال قهوة معاك أوقات نغليها
ويضمني بالشتاء في مشلح دافي
همزت رجليك أنا أفدى مواطيها
أرجي لبرِّك عسى ما تشكي خلافِ
الأرض ضاقت علي بأوسع فيفيها
ماذقت نوم(ن)هني والانس متجافي
فضايلك يا يبه عجزان أوَفِّيها
لو صغت بالشعر بيت الألف من قافي
يا ربي تجعله للفردوس ناصيها
ومن ثمار الجنان الخضر قطَّافِ




مجرد ذووق

المصدر: منتديات تراتيل شاعر - من قسم: ديوآن آلقصيد ▪●

---

fslj; dh ,hg]d lhkd fkhsdih ghk] fwlj; fkhsdih ,hgp]

سبحانك اللهم وبحمدك اشهد ان لا إله إلا أنت استغفرك ربي واتوب إليك -