الأوهام , ياحلوها , واثره , وهــل

واثره وهــم / ياحلوها بعض الأوهام

ودي لحالي جلستي بعض الأحيان
...........{ أغيب ساعة في سما عذب الأوهام
أخذ مع الهاجوس موعد علشان
...........{ انزع عن الدنيا بروحي ولا أنام
أسبح بموج(ن)جايل الطرف نشوان
...........{ بدنيا الخيال ولا بها غير الأحلام
أطوي بها عمر وأجدد بها أشجان
...........{ وأجمع بها ذكرى سنيني والأيام
وأذكر بها فرح(ن) وأرجّع بها احزان
...........{ وأنقض جروح(ن) وأداوي بها اسقام
و اراجع اللي فات وش صار وش كان
...........{ وش باقي(ن) ماجا .. وش الغيب قدام
وأقف على ذكرى لها القلب ولهان
...........{ واشوفها مابين الاحداث وزحام
تسللت عندي مثل خيط دخان
...........{ وجتني مثل طيف(ن)سرى ساقه هيام
وقفت فكري عندها غصب شفقان
...........{ على مناجا ماضي(ن) فات مادام
راعيت بعيوني وناجيت بلسان
...........{ وسمعت صوت(ن) والحزن فيه لوام
وقضيت هاك الليل ما نمت سهران
...........{ واثره وهم .. ياحلوها بعض الأوهام

مما راق لي

المصدر: منتديات تراتيل شاعر - من قسم: ديوآن آلقصيد ▪●

---

,hevi ,iJJl L dhpg,ih fuq hgH,ihl dhpg,ih ,hevi

**
*