المشاركة الأصلية كتبت بواسطة راااااااشد

قصيده رائعه للشاعر مسلم البحيري العازمي


حل الفراق وفتـق الجـرح لجـروح
راع الهوى يامـن يـداوي جروحـه

عقب الطرب صرت أقضي الليل بالنوح
والدمع حرق محجـر العيـن فوحـه

بأمر الوحيد المعتلي منشـي الـروح
كلٍ يجيه الـلي انكتـب لـه أبلوحـه

أثر النصيب وما كتـب لـي باللـوح
فرقى الذي روحه لروحـي نصوحـه

الجـادل الـلي بالتواصيـف مملـوح
قبل أمس جاني نور عينـي أبروحـه

يقـول دربـك مالنـا فيـه مصلـوح
عطنـي مكاتيبـي بنفـسٍ سموحـه

صح الخبر ماهـو هرابيـد ومـزوح
أثرك على غيري تسـوق الصبوحـه

ولا تحسب أنك ياهوى البال مسمـوح
خليـت قلبـي كـل طـارٍ يشـوحـه

ودنق وحلفنـي عـن السـد لابـوح
وأقفا كما تقفي عـن الحـي روحـه