(( ودي تعود ))
يوم إن لفيــت وشفت منك خيالـــك
ذكرتني بجروح فالقلـ ـب تضنيــه
ذكرتني بأيـام حلــــوة ووصـــــالك
ودي تعـود وذا عشم دوم أرجيـــــه
أناجـــي القمــــرة بسبــــة بعـــادك
وتذرف عيونـي الدمــع مايوم تبقيه
الله يجـــازي أللــــي حرمنــي وداد ك
واللــي قطع حبل المــودات يجزيـــــه
ظالــم وجاير سبـــة أللي جرى لـــــك
واللــي جرالـــي من سبايب بلاويــــه
يارايــق الأوصاف جانــب عذابـــــك
ســـاوى عذابي وكلنا الحــال نبكيـــه
حطــم فــؤادي يــــوم حطــم فــــؤادك
وجــرح الفــؤاد الطب ماأظن يشفيـه
حسبي على أللي ســم حالي وحــالك
واللــي ظلــم لابــــد ربـــي يكافيــــــه
لايخيــب ظن اللي وقــف عند بابـــك
راجــي وصالك والحكـــم أنت قاضيـه
لجلك حبيبــي منتظــر فــي غيابـــــك
وبيـــدك فــؤادي الحب توفيه صافيه