السالفة , السطح , نيّـاتي

امشّي السالفة .. من طيب نيّـاتي

السلآم عليگم ورحمة الله وبرگآته
قصيدهـ من إبدآع الشآعر / عبد الـگريم الجباري ~


امشّي السالفة .. من طيب نيّـاتي
لو هـي على وجهها و الا مقفّـاها

مدامنـي صح .. لا افكـر ولا احاتـي
واللي نوا لي بـ نيّـة سـوء يلقاها

أشوف نـاسٍ تضاعفني من سكاتي
ماتـدري النفس عدّتها من رضاها

وأشوف ناسٍ تبي تكسر طموحآتي
و الحمدللـه أجيهـآ .. و أتعـدّاهـا

يامدور الشعر يوم تدور أبياتي
أبشر بمزنة تهل ولا وقف ماها

همت ودمت هوآهآ صرصرً عآتي
سويتها يوم رب العرش سواها

من مزنة سيلت تمشي بمشهاتي
يسوقها البدع والمعنى تقفاها

أنا على فطرتي ما صنع بذاتي
وحلاة طبع البشر على سجاياها

يالله تغفر لحيي وارحم امواتي
اللي عرفت السنع مع جرة خطاها

وياللي سمعت الوصية جود وصاتي
القلب مصخي بها والعقل يدراها

يامن تحاول تهد جبال اباناتي
فكر قبل هدها وشلون ترقاها

انا ولد شايبٍ تكرم شنباتي
عن مستوى العفن والرديان ولحاها

كم لحيةٍ ماهي بكفو ابتساماتي
بعض المجامل يحد النفس لأقصاها

ولـ أعرف أقول انساتي قبل ساداتي
كيف افهق رجالها واقلط نساها

لو يزعل اللي زعل هذي قناعاتي
البنت ماهو مركى الرجل مركاها

البنت يصلح عليها ثوب بناتي
ماتصير قبل الرجال اللي تعزواها

وياللي تصيد بغلطاتي وزلاتي
أنا بشر والبشر مااكثر خطاياها

أنا بدوي في بلاد الجود مرباتي
والناس ترجع لمعدنها ومرباها

يالله يالله ترزقني بنياتي
واللي معه نية بالسوء يلقاها

..~

المصدر: منتديات تراتيل شاعر - من قسم: ديوآن آلقصيد ▪●

---

hla~d hgshgtm >> lk 'df kd~Jhjd hgs'p