10-11-2014, 03:34 AM
|
|
|
|
|
|
وأدوّر وجه يشبه لي,
:
وأدوّر وجه يشبه لي
تغيب الناس مثل الناس
ولايبقى حزن غافل معاهم ماتنبّه لي
وينده صوت
وأحس انه يناديني
وكان الموت
وأثاري كان ينده لي
وأجيه أمشي
وأجيه أمشي
وأجيه أمشي على مهلي
هنا وأرحل بلاي ولاأعرف لـ وين ؟
هنا وأفتش بصدري عن أحلامي
ويذبل في دروب الحالمين التين
وتيبس ضحكتي في وجه أيامي
{وحيد ومامعاي الا ثمان سنين
تنام ب حضن ذاكرتي وأنسامي}
وأروح أفتح درايش وحدتي للبين
من آلامي وبآخني على آلامي
يابنت أحلامي أحلامي بكتني لين
شعرت ان الدروب تضيق قدّامي
وراميني العطش عند العطش للحين
أنادي والظمى يطرد ورا الظامي
قريتك نور في دفتر هوى المسكين
ولمحتك أول الضحكات في الهامي
أنا المطعون من ياسي بلا سكين
يبست ومابقى مني سوى عظامي
ياطفله كلنا في هالعمر ماشين
أشوفك بس أشوف الموت قدامي
قبل تدري الجروح وقبل لا تدرين
بأن دروب حلمي خانت أقدامي
أنا ماقلت نامي في حضن هالعين
أنا قلت ل عيوني ف حضنها نامي
وطفلك نام
تعب يلقاك في الدنيا وقال: يلقاك في الأحلام
تعب يزرعك في عيونه
علشان الأمل قدام
علشان الأمل قدام
علشان الأمل قدام
تعب يلمحك في صوته
وفي موته
تعب يقراك للأوهام
نساك انتي
نسى نفسه
نسى الدنيا
ونسى لا ينام ..!
,H],~v ,[i dafi gd< ,H],~v
.
أحب تفاصيّل وجهي المغرورةِ جداً.
|
|