مقادير دجاج محمر بطريقة العراس
3 دجاجات+ البصلة+ الربيع+ الحامض مصير+الزيت الرومية والبلدية
+العطرية
طريقة تحضير دجاج محمر بطريقة العراس
أول حاجة كنشدو الدجاج كنغسلوه مزيان بالملح و الحمض و نقيوه مزيان
من الداخل من بعد كنغسلوه مزيان و كنديره يقطر و كنشدو بانيو كندير
فيه حامضة معصرة+البزار +القزبر+سكنجبير


نشدو هاد الخليط او كنرقدو فالدجاج من الدخل و من برا

ونخليو الدجاج يبات فالشرمولة ليلة كاملة فتلاجة الغد ليه نجبدوه و نقطعو البصلة

نشدو الطنجرة كنديرو فيها الزيت البلدية +شوية ديال الزيت الرومية
يسخنو
نشدو البصلة كندروها فالطنجرة و كنخليوها تقلا
نضفو عليها المقادير التالية البزار +سكنجبير +الزعفران +التومة معصرة +
القزبر +معلقة كبيرة ديال السمن +القلب ديال حمضة مسيرة

الملح مكندروهش حيت الدجاج مرقد فيه
نضفو جميع المقادير فوق البصلة
نحركو مزيان
ثم نحطو الدجاج فالطنجرة و ننقصو البوطة و نخليو البصلة تطلق الماء ديالها ليبيه يطيب الدجاج على خاطرو

شدو غلاقة ديال الطنجرة و كنحطو فوقها الزعفران شعرة يسخن
مزيان تم كنحكوه بالكف ديالنا او كنديروه في الدجاج و نسدو الطنجرة
و نخليو الدجاج يطيب
نشدو قشاوش ديال الدجاج نغسلهم مزيان او نديرهم كسرنة فيها شوية
ديال الماء يتسلقو نصف سلقة باش يبقاو صاينين و ما يتفرتتوش منين
نضيفوهم على المرقة ديال الدجاج

من بعدما طاب الدجاج كنحيدوه او نحطوه على جنب

و نرمي في المرقة ديال الدجاج هدوك قشاوش بعدما صفيناهم من الماء مزيان

ثم نضيفو الزيتون

نبدا نقليو في الدجاج

نخليو المرقة حتى تشرب مزيان او توقف او تولي خاترة عاد نطفيو عليها
و نشدو جلوف ديال الحمض مصيرين نقطعهم طوال و كنزوقو بهم
الدجاج

][h[ lplv fhg'vdrm hglyvfdm gdgR hglyvfdm fhg'vdrm ][h[