01-30-2018, 01:27 AM
|
|
|
|
|
|
على طريق الفراق الشين راحت به
عزي لقلبٍ طيور الحزن ناحت به
لين اصبح الحزن داخل خافقي لاجي
وعزي لصدرٍ دلال الشوق فاحت به
أركت عليه وغدا لضلوعه أخلاجي
وعزي لفكرٍ بروق العشق لاحت به
وأستشعرت من هجوسه صدق منهاجي
على عشيرٍ صدوف الوقت زاحت به
بيني وبينه حدود وقصر وسياجي
على طريق الفراق الشين راحت به
والليل مظلم وطفّى شعلة سراجي
دربٍ خيول الغرام البيض طاحت به
عليه لي مدةٍ آروح ثم آجي
عنّي من سنين صدت به وشاحت به
ماينقطع خيط رجوىٍ من يد الراجي
محبته بير ودلا القلب ماحت به
عذوبة البير شف القلب وعلاجي
ومشاعري له توقد لين ساحت به
وأستمطرت غيمته لعيون محتاجي
..
ugn 'vdr hgtvhr hgadk vhpj fi hgwdk hgtvhr vhpm 'vdr
|
|